Telegram-канал "📔Dora’s Page" — @dildorayuldosh

📔Dora’s Page

27 Jul, 15:39

Ba’zan o’ylab qolaman, yaxshiyam Alloh ona va bola o’rtasida ona suti orqali go’zal rishtani o’rnatib qo’ygan. Chunki uy yumushlari, kundalik tashvishlar deb bolalarga e’tiborimiz susayib qoladi. Bola bu ehtiyojni emish orqali ham qondirib oladi.

Ajib ne’mat emasmi?! Bir tarafdan bolani qo’rnini to’ygazib, unga orom baxsh etamiz. Ikkinchi tarafdan uning nozik terilarini silab, nafasimiz yetguncha hidlab, hali nimjon jussasini bag’rimizga olib, kaftlarini lablarimizga tutib o’zimiz ham rohatlanamiz.

Ona suti - haqiqiy mo’jiza, va u onaning hech qanaqa aralashuvisiz ro’y beradigan sokin jarayon. Alloh farzandlarimizni ana shunday rizq bilan siylab qo’ygan.

Dildora Yuldosheva

20 0 0 4

📔Dora’s Page

27 Jul, 14:29

Tug’ruqxona men uchun og’riqli mavzu.

“Mamashalar, hamma smeslarni sumkalarizga berkitinglar. SES keldi, tezlashamiz”, degancha katta hamshira palata eshiklarini qoqib, bolalar butilkasi va qo’shimcha ozuqalarni ko’z tushmaydigan joylarga soldirib chiqadi. Ha, bu o’sha hamshira. Sal oldin “bolezni qorni och, to’ymayapti sutizga”, deb mehribon ko’rinib, qulog’i tinchishi uchun tajribasiz onajonlarning bolasiga smes berib qo’ygan hamshira shu. SES xodimlarining ko’zlariga qarab turib, onalarga emizishni o’rgatayotganliklari, hamma bolalar emib ketgani haqida cho’pchaklar to’qiydigan hamshira shu.

Aslida qaysi palataga kirma, har beshta go’dakdan uchtasining onasi bolani och qolyapti deb yoki emizishni eplolmaganidan butilkalarda qo’shimcha ozuqa tayyorlashadi.

Men hali “tug’ruqxonada / poliklinikada ona sutining foydalari haqida bilib oldim”, degan ayolni eshitmadim. Nega farzandimizning rivojlanishi uchun muhim bo’lgan ona suti haqida deyarli gapirilmaydi. Muhimligi onalarning miyyasiga quyilib, emizishga targ’ib qilinmaydi?!

Dildora Yuldosheva

📔Dora’s Page

Hotirjam onalik va shaxsiy rivojlanishga targ’ib bor 🎧

47 1 4 8

📔Dora’s Page

25 Jul, 16:15

Sevgi kerakli paytda ko’rsatilsagina qiymatli bo’ladi

58 0 0 9

📔Dora’s Page

25 Jul, 15:52

Farzandingiz bilan pozitiv muloqot qilishga yordam beradigan usullar:

1. “yo’q” ni “ha” bilan almashtiring.

🚫 “Devorga chizma”
✅ “Bu qalamlar qog’oz uchun. Kel senga qog’oz beraman, mazza qilib chizasan”

2. “birinchi-keyin” usulidan foydalaning.

🚫 “Legolaringni yig’sang ko’chaga chiqamiz, bo’lmasa yo’q”
✅ “Birinchi legolarni yig’sak keyin ko’chaga chiqsak bo’ladi”

3. bolaga tanlov imkonini bering.

🚫 “tez mana bu kiymingni kiy”
✅ “ko’chaga qaysi kiyimni kiyasan: ko’kmi yoki sariq?”

4. gapingizni anglab olishlari uchun 3-4 soniya bering.
Siz aytgan gapni tushunib ulgurmaslaridan, ularni tezlatmang. Vaqt bering.

Dildora Yuldosheva

📔Dora’s Page

Hotirjam onalik va shaxsiy rivojlanishga targ’ib bor 🎧

56 0 1 9

📔Dora’s Page

24 Jul, 16:14

Odatlar yuqish hususiyatiga ega. Biz atrofdagi yaqinlarimizning jamlanmasimiz. Ulardan qaysidir odatni o’zimizga singdirib olganmiz. Ba’zilarini ongli ravishda, ba’zilarini shunchaki. Shuning uchun ham kim bilan ko’p birga vaqt sarflayapmiz, bunga diqqatli bo’lishimiz kerak.

Men uydagi bekalarga kitobni o’zimizga do’st qilaylik degan bo’lardim 😊

67 0 0 7

📔Dora’s Page

24 Jul, 15:57

🌊 baxt bu - jufting ham sen bilan bir to’lqinda bo’lishi.

Farzand tarbiyasiga oid 4-kitobni o’qib, tugatay deb qoldilar. O’g’illarimiz katta bo’lgani sari turli vaziyatlarda o’zimni qanday tutishni bilmay qolyapman, ilmim yetmayapti deb o’qishni boshlagandilar.

Alloh manfaatli ilm qilsin. Allohumma baarik 🌷

70 0 2 11

📔Dora’s Page

23 Jul, 19:56

Yoyilib yotgan o’yinchoqlarga hayr deymiz! (3-qism)

Boshida bunga ko’nikishi qiyin bo’ldi, chunki avvaldan bunga odatlanmagan. Asablarim ancha sinaldi.

Shoshib qayergadir ketayotgan vaqtimiz kerak bo’lsa 10-15 daqiqalab kutdik yig’ib olishini.

Hozir ham ba’zan bittada yig’ib ketmaydi. Yoki esidan chiqishi mumkin. Shunda eslatib turaman, “Hali yig’ib bo’lmadiza”, “Joyiga qo’yish esizdan chiqmasina” deb.

Bola har doim ham yig’ib ketmaydi. Bunaqa payt bolaga takliflar berib, sekinlik bilan o’rgatib borishimiz muhim ekan. Maslan, “birga yig’amizmi yoki o’zingizmi?”, “hozir yig’asizmi yoki salturib” (salturib degani bir daqiqadan keyin degani).

Takliflarni rad qilsa, umuman yig’masachi? bizda boshida bunaqa holat ko’p bo’ldi.

Bolani jazolamaymiz, lekin harakatlarining oqibati bor ekanini tushuntiramiz.

“Agar yig’ib olmaydigan bo’lsak, men buni o’zim yig’ib tepaga olib qo’yishimga to’g’ri keladi. Va qanchadir muddat berolmayaman”

2-3 marta shunaqa olib qo’ydim konstruktorni. Olib bering deb so’raganida, keyin yig’ib qo’yasizmi dedim. “Yo’q yig’mayman deb, boshqa so’ramadi 😅”

Aslida bu yaxshi. Chunki nimani qilishi yoki qilmasligini o’zi anglayapti. Qila oladigan vaqti “ha yig’aman, olib bering” deydi.

“3-4 yoshli bolaga bularni nima keragi bor?” yoki “qaytangi o’zim 5 daqiqada hammasini yig’ib tashlayman, boshimni og’ritib nima qilaman” deb o’ylashingiz mumkin.

‼️Lekin

Tashqi tartib ichki tartib shakllanishiga sabab bo’ladi. Farzandimiz intizomli, ahloqli bo’lishi uchun avval tashqi tarafdan, ko’zga ko’rinadigan tartib va intizomni shakllantirishimiz kerak.

Birgina o’yinchoq yig’ish mavzusiga shuncha yozaman deb o’ylamagan edim, ammo gap faqatgina o’yinchoqda emas 😊

Dildora Yuldosheva

📔Dora’s Page

Hotirjam onalik va shaxsiy rivojlanishga targ’ib bor 🎧

76 0 2 15

📔Dora’s Page

23 Jul, 19:51

Yoyilib yotgan o’yinchoqlarga hayr deymiz! (2-qism)

Yuqorida qilgan ishlarim

• o’g’limni eski o’yinchoqlar bilan ham zerikmay o’ynashiga
• mustaqil o’ynay olishiga
• o’yinchoqlar yoqolib ketmasligiga yordam bergan.

Ammo kun oxiriga kelib hammasi tartibsiz bo’lib ketardi, va ularni yig’ishtirish mendan qo’shimcha vaqt talab qilardi.

Yaqindan Montessori mashgu’lotlariga qatnashni boshladik, u yerdagi sinfxonada jihozlardan foydalanish qoidasi bor ekan.

Yangi material (o’yinchoq)ni olish uchun eskisini joyiga qaytarib qo’yish kerak.

Uyda ham shu usulda tartib saqlashni maslahat berishdi.

Va birgina shu usul bilan hozir o’yinchoqlarimiz tartibli turibdi desam ishonasizmi? 😃

Ha ish berdi!

Dildora Yuldosheva

73 0 2 3 10

📔Dora’s Page

23 Jul, 19:45

00:22

Видео недоступно для предпросмотра

Смотреть в Telegram

Yoyilib yotgan o’yinchoqlarga hayr deymiz! (1-qism)

Oldinlari MuhammadMustafo o’yinchoqlarni o’ynab-o’ynab tashlab ketaverardi. Kuchim yetsa kechasi yig’ib qo’yardim, bo’lmasa yoyilgancha qolardi. Ertasiga yoyilgan o’yinchoqlarga qayrilib ham qaramasdi.

Vaziyatni o’z o’qigan va bilganlarimga tayanib to’g’irlashga urindim:

1. U uchun qiziq bo’lgan 4-5 o’yinchoqni qoldirib, qolgan hammasini yig’ishtirib ko’zi yetmaydigan joyga olib qo’yganman.

2. Ana shu 4-5 o’yinchoqni qo’li yetadigan, ko’ziga ko’rinib turadigan joyga qo’yganman. Istagan payti o’ynay olishi uchun.

3. O’yinchoqlarni yig’ib qo’yganda ularni hammasini bir idishga emas, har birini alohida konteyner / paket / idishga solib, keyin joylaganman (videoda ko’rsatilgandek). Bola uchun (o’zimga ham) olish va joylash oson bo’lishi uchun.

4. O’yinchoqlarni har 2-3 haftada almashtirib turardim. Zerikkanlarini yig’ishtirib, sog’inganlarini o’rniga qo’yib qo’yardim.

Dildora Yuldosheva

76 0 2 9

📔Dora’s Page

16 Jul, 13:49

Boshingga sinov kelganida mashaqqatda yaratilganingni eslashing…

Taqdiringga ko’nishing va senga bitilganiga rozi bo’lishing

Ungagina taslim bo’lishing

Sinovni qalbda sakinat ila qarshi olishing

Sinovning ketidan hikmati borligiga chin dildan ishonishing

Gumoningni tasuvvuringga siqqan eng go’zal yaxshilik bilan qilishing va undan ziyodasini kutishing

Chin ixlos bilan yo’lingda bardavom davom etishing

Qo’lingdan kelganini, kuching yetganini qilishing va natijasini faqat Undangina kutishing

Alloh seni ne’matlantirib qo’yganining eng go’zal ko’rinishi emasmi?!

Alhamdulillah

126 0 0 10

📔Dora’s Page

16 Jul, 13:25

Sinovlarni qalbda sakinat bilan qarshi olishlik ham katta ne’mat ekan.

لَقَدْ خَلَقْنَا ٱلْإِنسَـٰنَ فِى كَبَدٍ

90:4

115 0 0 12

📔Dora’s Page

9 Jul, 14:45

📝 Biz 6,5 oylikdan qo’shimcha ozuqa kiritishni boshladik kichik o’g’limga. Hozirgacha 40 dan ortiq mahsulotni ta’tib ko’rgan va qaysi mahsulotga qanday reaksiya bildirganini bilaman. Chunki ozuqa kiritishda “note-taking” uslubidan foydalanaman. Qaysi mahsulotni qachon berganim, qanday ta’sir o’tkazgani, unga yoqgan/yoqmagani haqida o’zimga eslatmalar yozib qo’yaman. Bu keyinchalik farzandimga mos ratsion shakllantirishda yordam beradi.

🥦 Keyingi nuqta bu - bolaga bo’lakchalar taklif qilayotganda meva yoki sabzavotlarni suvda qaynatib emas, bug’da (manti qasqonda) pishirib bersa mahsulot o’z vitaminlarini saqlab qoladi.

Menimcha, hamma ona jon kuydirib tayyorlagan taomini farzandi mazza qilib yeyishini istaydi. Tayyor turing - bola taomni har narsa qilishi, ammo yemasligi mumkin. Bundan aslo tushkunlikka tushmang. U o’rganyapti, mittii qo’lchalari bilan har bir mahsulotni qanaqa ekanini his qilib ko’ryapti.

Bir bo’lak / qoshiq yedimi? Xursand bo’ling, uning kichkinagina oshqozoniga yetarli darajadagi yangi taom tushdi.

Unga biror mahsulot yoqmadimi? Boshqacha ko’rinishda berib ko’ring. Masalan, brokolli yemadi, uni oladya ko’rinisda taklif qilib ko’ring.

🦷 Tishlarni qo’shimcha ozuqaga ta’siri bormi? Biz qo’shimcha ozuqa boshlaganimizda o’g’limni 4ta tishi bor edi, va bu umuman halal bermagan. Faqatgina biroz hushyor bo’lish kerak. Chunki uzib olsihi osonlashadi.

disclaimer: men mutaxassis emasman, farzandim uchun o’rgangan ma’lumotlarimni siz bilan ulashayotgan bir onaman.

🐣 Postni foydali deb topsangiz albatta bo’lishing.

Dildora Yuldosheva

📔Dora’s Page

Hotirjam onalik va shaxsiy rivojlanishga targ’ib bor 🎧

162 0 4 2 7

📔Dora’s Page

9 Jul, 14:40

Qachon berish kerak?

Ilk ozuqani kunning birinchi qismida bergan afzal. Shunda kun mobaynida mahsulotga bolaning reaksiyasini kuzatish imkoni bo’ladi.

Bundan tashqari, ilk ozuqani bolani emizib bo’lgandan keyin berish tavsiya qilinadi.

Qanday ko’rinishda: bo’tqa yoki bo’lakchalar?

Ilk ozuqani har ikkala ko’rinishda berish mumkin.

Biz yormalarni bo’tqa, meva va sabzavotlarni esa bo’lakcha ko’rinishida berganmiz.

Bo’lakchalar xavfli emasmi?

Yo’q, agar ular to’g’ri holatda berilsa.

Biz www.solidstarts.com web / instagram sahifasidan foydalanamiz. Bu sahifada bolanining yoshiga qarab bo’lakchalarni qanday ko’rinishda berishni bepul o’rgansangiz bo’ladi.

Tiqilish xavfini qanday olsa bo’ladi?

• Bola to’g’ri (90 gradus) o’tirishi kerak
• Dumaloq mahsulotlar ezib berilishi kerak (uzum, cherry pomidor)
• Qattiq meva / sabzavotlarni parda pishirib berish kerak (sabzi, olma, nok)
• Yo’ng’oqlarni maydalab berish kerak
• Silliq po’sti bor mahsulotlarni po’stini ajratish (balg’ari, pomidor)

Bir yoshgacha qaysi mahsulotlar mumkin emas?

• asal
• meva sharbatlari (fresh)
• tuz / shakar
• sut (ichimlik ko’rinishida)
• polufabrikatlar

Dildora Yuldosheva

140 0 7 4 6

📔Dora’s Page

9 Jul, 11:26

Ilk ozuqa: nimadan boshlash kerak?

Qo’shimcha ozuqa taklif qilishda qonun-qoida yo’q. Shunchaki, bolani turli ta’mga ko’niktirish uchun har xil sabzavot, meva va yormalarni taklif qilish kerak.

Biz nimadan boshlaganimizni tartib bo’yicha yozib qoldiraman:
🥣 yormalardan: grechka, guruch, ovsyanka
🥑 mevalardan: avacado, olma, apelsin, banan, nok
🥦 sabzavotlardan: brokolli, lavlagi, kabachki, sabzi, gulkarom

Qanday boshlash kerak?

Agar siz yormadan boshlamoqchi bo’lsangiz, uni suv yoki ona suti qo’shib tayyorlaysiz va bo’tqa holiga keltirasiz. 1-2 qoshiq taklif qilasiz.

Qizarish, ich ketishi, qorin og’rig’i, ortiqcha bezovtalik yoki qusishlar bo’lmasa, keyinchalik o’zini yoki boshqa mahsulotga qo’shib berishingiz mumkin.

1 kun = 1 mahsulot qoidasiga amal qilsangiz ham bo’ladi.

Masalan,
1-kun = 🥕 | 2-kun = 🥦
3-kun = 🥕 + 🥦

Dildora Yuldosheva

135 0 5 10

📔Dora’s Page

9 Jul, 04:20

Bilishimiz kerak bo’lgan asosiy narsa bu - qo’shimcha ozuqa qorin to’yg’azish uchun emas!

Qo’shimcha ozuqaning vazifasi nima?

• Bolani yangi ta’m, tekstura va ko’rinish bilan tanishtirish
• Taom bilan sog’lom munosabat o’rnatish
• Bolani tanlab yeyuvchi bo’lib qolishini oldini olish
• Mahsulotlarga nisbatan allergik reaksiyalarni oldini olish
• To’yish hissini sezishni o’rgatish
• Kichik motorikasini rivojlantirish

Qachon bolaga qo’shimcha ozuqa kiritilishi kerak?

AAP tavsiyasiga ko’ra bolalarga ilk ozuqa 4-6 oylikdan berilishi mumkin. Lekin boshlash uchun eng maqbul vaqt bu - bola tayyor bo’lganda.

Quyida bolaning tayyorlik belgilari ko’rsatilgan:

• Ovqatga nisbatan qiziqishi uyg’ongan.
• Boshini ko’tara oladi va boshqara oladi
• O’zi yoki yordam bilan o’tira oladi (90 gradusda)
• Qo’llari bilan yaqindagi narsani ushlay oladi, og’ziga oboradi
• Tilidagi itarib chiqarish refleksi so’ngan

Dildora Yuldosheva

113 0 6 10

📔Dora’s Page

8 Jul, 04:51

Hayrli tong 🍳

Kichik o’g’lim hozir 8,5 oylik.

2 oy avval unga qo’shimcha ozuqa berishni boshladim.

Hozirgacha 40dan ortiq mahsulot turlarini berib ko’rdim. Ichida 4tasi top allergen.

Qo’shimcha ozuqa mavzusi sizlarga qanchalik qiziq?

Reaksiya orqali javob bering. Mavzu aktualligiga qarab u haqida yozib qoldiraman.

124 0 1 1 18

📔Dora’s Page

7 Jul, 05:26

Bizda bolalik shunday o’tgan.

p.s rasmlar internetdan olindi.

84 0 0 1 11

📔Dora’s Page

7 Jul, 05:24

“Oldin biz bolalarga qaramas edik, o’zlari katta bo’lishgan.”

Hozir nima o’zgardi?

Oldinlari bolalarni bu qadar kichik yoshlaridan himoyalashga ehtiyoj yo’q edi. Lekin endi hushyor bo’lmaslikning iloji yo’q, sababi dushman har birimizning uyimizda va qo’limizda.

• Bolalar endi ko’chada berkinmachoq, quylashmachoqlar o’ynashmayapti. Hozir tarmoqli gadget o’yinlari ommalashib ketgan.

• Bolalar endi zerikmayapti.

Oldin biz zerikib ketganimizdan loy, tosh yoki suv o’ynardik, iplardan bir narsalar to’qirdik. Tasavvurimiz zerikkanimizda ishga tushib ketardi. Lekin hozirgi bolalarda zerikishga vaqt yo’q. Hamma vaqt ekran qarshida o’tirish bilan to’lib qolyapti.

• Kattalar ham boshqacha bo’lishgan. Ish qilayotib bo’lsa ham bolalar bilan gaplashishga vaqtlari bo’lgan. Hozir unday ishlarga vaqt yo’q, sababi endi telefon bor.

• Dadalarning ishdan keyin, bobo-buvilarning bo’sh vaqtlaridagi ovunchoq - bolalar edi. Hozir - telefon yoki televizor.

Gadget va internet har kimning uyiga kirib borgan va u yoshu-qari hammaga birdek ta’sir o’tkazayotgan zamonda ekanmiz, oldingidek “bolalar o’zlari katta bo’lib qolishlari”ning iloji yo’q.

Dildora Yuldosheva

📔Dora’s Page

Hotirjam onalik va shaxsiy rivojlanishga targ’ib bor 🎧

111 0 3 3

📔Dora’s Page

1 Jul, 20:18

Ikki (ko’p) farzandli bo’lish bu - …

(2-qism)

Dildora Yuldosheva

127 0 1 6

📔Dora’s Page

1 Jul, 20:15

Ikki (va undan ko’p) farzandli bo’lish qanday?

bu - oldingizga bitta ish orttiruvchi va tergovchi yurgandek gap. Biri yiqilib tushadi, yoyadi, yig’laydi, kuladi. Ikkinchisi har bir harakat uchun “nega yig’ladi?”, “nima yedi?”, “nega yiqilib tushdi?” kabi savollar bilan izoh so’raydi. Sizlarga aytsam, ho’ngrab yig’lab turgan bola bilan tergovchining har bitta ichkilab so’ragan savollariga javob berish oson ish emas.

bu - muhabbat va nafratni soniyalar ajratib turishiga guvoh bo’lish. Bir daqiqa oldin quchoqlashib yotgan bolalaringiz ko’z ochib yumguncha bir-birini urib-surtib bir ish boshlab turishlari mumkin. Umuman kerak bo’lmay yotgan o’yinchoq esa har ikkalasi uchun qiziq bo’lib qolishi mutlaqo tabiiy.

bu - ko’chaga chiqganda super ona bo’lish kerak degani. Kerak bo’lsa ikki bolani birdaniga aravaga solib itarishingiz yoki ko’tarib yurishingiz ham mumkin.

bu - biror yerga borish uchun bir kun avvaldan tayyorlanish kerak degani, va shunda ham nimadir esdan chiqadi. Ba’zan butun boshli bolalar sumkasi. Ha-ha, shunaqasi ham bo’lib turadi.

bu - “Dam olish”ga borganda, manzilga yetib olgungacha charchab bo’lishingiz, va sizga yana bir kun dam kerak bo’ladi degani 😄 Endi dam olish bu - ko’chada zo’r joylarga borib, ko’ngil ochib kelish emas. Hech kim tegmaydigan joyda yarim soat uxlab olish haqiqiy damga aylanadi.

bu - bolalarning bittasi o’z vaqtida yotib uxlagan bo’lsa, o’zingizni chempionlardek his qilasiz degani. Birdaniga ikkalasi ham barvaqt uxlab qolsachi?! Qo’llaringiz bo’shab nima qilaringizni bilmay qolasiz. Ichingizga sig’may hali unday, hali bunday rejalar tuzib tashlaysiz. Lekin yarim soatga bormay rejalaringiz “inga” sadosi ostida barbod bo’ladi.

bu - bolalar uxlashsa, hamma yerni ozoda qilib, saramjonlab qo’yaman deb ulardan oldin o’zing qotib qolishingiz.

bu - kichigaga berish kerak bo’lgan narsani hayol bilan kattasiga berib yuborishingiz ham mumkin degani. U ham onasi nima qilayotganiga tushunmay miyig’ida kulgancha hayron turaveradi 😅

📍Izohlarda davom ettiring: «Ikki (ko’p) bolali bo’lish bu - ….».

Dildora Yuldosheva

142 0 3 2 11

📔Dora’s Page

Гео и язык канала

Категория

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

📔Dora’s Page

140

Язык сайта

📔Dora’s Page

Гео и язык канала

Категория

140