ابو ذيات حسينية مجالس

يدنيه الغير وادم بعد /ويهي
ضيمج لايجن العكل /ويهي
امي وتيهت برسوم /ويهي
هذا وليدمن كالت عليه

علي عويز الشويلي

عجيبه اعلى النهر للحين ونصار

بلايه معين ضل حسين ونصـــار

سلوتنه بفكـــــد عباس ون صار

وتضل طول الدهر ونه شجيه

******

يداحي الباب ياحيدر علينه

بسمك عالامم كلها علينــه

أخبرك دارت اهل الشر علينه

أفزع شيعتك راحت ضحيه

الحاج كاظم هلال السماوي

بطا ياحيــــف يا عباس ورداك

أخافن عالشريعه حضــر ورداك

يخويــه ما أريـــدن ماي ورداك

أروه بشوفتك يابو الحمــــــــيه

******

أضل انحب عليك الليل ونهار

أريدك ما أريدن ماي ونهــار

كفيلي جان راعي الجود ونهار

حيلي من رحل راعي الحميه

******

أحب طبعك واحب شعرك ونسلاك

أثر شعرك تبعنه احنه ونســــلاك

أنته السيف للشــــــده ونســـــلاك

أحارب بيــــك عدوان الزكيه

الحاج كاظم هلال السماوي

نهض يوم الغدير احمد فتاها

الدنيا شما جنت حيدر فتاها

عبنه كبود اهل خيبر فتاها

ويعلم بالسما وفوك الوطيه
******

جبت ليله وجبت رمله وسكنه

وكلبي ابيش اهيدنـــه وســكنه

تمنيت اللحد ينفك وســـكـــــنه

ونامن ويّ اخوي البي حميه



انته الجان بيك الظهر ينشـــد

وسيفك جان عالعدوان ينشـــد

اخوك اوحيــد بالميدان ينشـد

لو عباس حي يلحك عليــــــه

الحاج كاظم هلال السماوي

الارض هلت فرح هاليوم وسمه

ومن حسنه الحواري خذن وسمه

هبط جبريل زف الفرح وسمه

علي الكرار للشيعه هويه

******

يبو الحسنين جن وانس ياريت

ومن سيفك جيوش الكفر ياريت

متى ازورك يداحي الباب ياريت

اليه جناح اطير ابهل مسيه

******

علي حبك باالبهر دم ويسري

تفزع دوم الي بعسري ويسري

ظاكت حيل يا حيـــدر ويسري

تفكه بجاه فاطمة الزكيه


الحاج كاظم هلال السماوي

احس وياي حيــــــــدر مالي غيره

لعلي تـلوكـ الخلافه مالغيــــــــــره

خذاهه ابزغل ناقص مالغيـــــــــره

وصار اول خليفه ابن الرديـــــــه

******

الي خلان ابي اتعـنه واصلها

واوشل دمعتي عليها واصلها

يلن الطيب ساس الهه واصلها

يرد لرض الغري وذاك الشفيه

******

انوحن واجذب الونه على الراح

كضيت العمر بس اصفك على الراح

بغربه وما شفت ليله من الراح

من عفت النجف والبي حميه

الحاج كاظم هلال السماوي

جبتـني ابعز تباري الضعن بدراك

عجب يم الشريعه غاب بـــــــدراك

عفتـني شــــــلون يا عباس بدراك

بين اعداك برض الغاضريــــــــــه

******

عطاشه ونخن راعي الجـــود يردن

عذب ماي الفرات اليـــــوم يـــردن

سيوف الغـدرعا العباس يــــــــردن

يـبعـدن هيـبته او جوده عليــــــــــه

******

يحادي الضعـن يم حسين ودنــــي

احط الراس يم الجســــــد ودنـــي

ذيـج الساع لو للموت ودنـــــــــي

بين اهل الشيم باالغاضريـــــــــه

الحاج كاظم هلال السماوي

عجيب الـ للنبي للمختــار عـاده
يصلي اعليه ليل انهـــار عــاده
و يرد يوميه سجب ادماه عاده
اذن لابد صلاته ضــاهريه


الفخر للدنيـــه مـن حبت عليهه*
كلام الشِـــين مـا اثــر عليهه*
المفاخــر يا من اتدور عليهه*
تلكَه الكل شريف اسمه هــويه


اجتي وشوكهه البــيهه وَمَـــلْــهَه
حزنهه ايفايض المدمع وَمَــلْــهَه
تِشـِــم اتراب واليهه وَمَـلْــهه
بعشرين ابصَفَر بالغـــــــاضريه


الشام ايزيد بفجـــوره وسمهه
وصــــار الكفر ديدنهه وسمهه
بسيوف الغدر والشر وسمهه
هدمــــت دين باريـنه و نبيه

انه الويــــه الدمع شبيت وكبار
ويضل دمعي بحر لحسين وكبار
يحــــز نحره و يصيح الله وكبار
وحسين الرســـاله الاحمـــديه


يــَـناكرنه بصريح البوح افـ ـلاك
وحنه ابضـــــلمة الايام افلاك
وكلنا بروج بحـر الفـــوز اَفلاك
و اسرعنه فُلك شبل الزجيه

رمـش عين الموالي الدمع بيـ ـبان
يكِت مهما طـويل الدرب بيـ ـبـــان
لأن للجــنه اهـــل البيت بيــبــان
و اوســــع باب باب حســين هيه


بلغنه اعله المراتب مِنــ ـدَرسنه
وذِكرنه بخُـلده خــالد مَندَرسـنه
دِرَسنه و مَنْ دَرَسنه مِن درّسنه
الحسين ابمدرسة حـــامي الحميه


لدفننه الفـرح يــا ناس فاطم
على الودهه بلضى النيران فاطم
تمــر لابد بيوم الــدين فاطم
و علــيهه اثار دم الغاضريه


يزي ضيم وقهر دهري يزي دا
دليــلي غم غدر طبعـك يــزيدا
تريـد الخير من دنيا يـزيدا
امير الهه و حُسين اعله الوطيه؟؟


يلحُبك جَبل يحســين راسي
فُلُك وبمرفأ الوجــدان راسي
يريت ابدال راسك جان راسي
يبن بنت النبي بدم الــرزيه


يادهري كف سهم الغدر ترمي له
رملت منهو ابكــربلا ترميــله
يا مكَصد بجتـــل السبــط ترمي له
تفجع محمد مكَصدك لو حيدر






عَليّ يارب جثيره اْهمـــــوم طَرّن
لَوَنْ صابن صخـر جلمـود طَرّن
عِفِت آنـه الخَلَـــك لِهـواك طٌرّن
وعفت أيتامي برضِ الغاضـــريه


مِتـــه يا فرحي تلفـــــيني وتيني
وروحي تقــــــطف اثمارك وتيني
لأمامي العـــــابد الساجد وتـيني
فده الكل دمعه من عينه سريه


نلطُـم علصـدر خَيلــوم لايم
و طـَبُر هامتنه للعـُـذال لايم
لان يومك يبو الاحرار لايُم
مثله يا ذبيــح الغاضـريه


سلام اعلى الكَبر ذاكه وَمَن بي
سَكينه و ملجه للخايف وَمِن بي
حبيبي و هذا كل ودي وَمِن بي
جِذَب مَن كَال هــاي تصير بيه

رسم جرح الفـده الينزف رساله
وفــُلــُك ياسين من مجده رساله
وابو سفيان ضل حـاير رس آله
فنى و نسل النبي ما يفـنه ضيه


يدهر اشلــــون للنخوه تبسم
ادينـــك تبّن و بيهــن تبسم
تشوف احسين لرماحك تبسم
يصيح اهلاً اذا لله المــــنيه


يلايمني حبيبي حســين جَنّي
بمحبته كل اماني الشوك جَنّي
دطب دوحة حبيبي حسين جني
ورود الخير من شبل الزجيه


حبيبي عشكَه بدمــومي ركبهه
سره الحد ما وصل حده ركبهه
الشيعه ابدربه من تنطي ركبهه
قليل اتصيح لبن الهاشميه


منو مثله الكرامه ابسيف حيهه
يصيح اعله الشباب الثار حيهه
لرض الطف شموس الدين حيهه
و بيت الله بدماهم يشع ضيه

اجيت الدارك احبي ونته داري
المدامع انته إمسَح ونته داري
اسيرك آنه ضامــي ونته داري
كـَسِر دلالي جَــــبْره الغاضريه


سيد زكي الياسري النجفي

يمـن تبغى النجـاة حسين منجاه
يحضره ابكبره ابو الاحـرار من جاه
وجيه ابمحشر الثقلين من جاه
اله الكون جاه ابن الزجيه


الدهر عاده النـبي وبالـــود عليمن
دمه اعيون السمـــــه تجـري عليمن
على المحسن على الاصــــغر علي من
سنه ما تمّــــم و شـاف المنيه


ونيني و بثي وآهاتي وســيله
احاول بيهه اجر دمعي وسيله
اريد انشد سبــط طاهه وسيله
يحضر لو دنت لينـــه المنيه

سيد زكي الياسري النجفي

الشام ايزيد بفجـــوره وسمهه
وصــــار الكفر ديدنهه وسمهه
بسيوف الغدر والشر وسمهه
هدمــــت دين باريـنه و نبيه


سلامي اويه النسيم الهــاب وديت
الك يا من الك مفـطور وديت
ولأنك حــارس الاسـلام وديت
اقــَـدِم دَمّي وي دمَّــك هَـديه


يهيبة وجهك التضوي بهاهه*
ويحسرة زينب التبجي بهاهه*
الك شمس المجد اهدت بهاهه*
و غدت تضوي ابسناك الغاضريه


ترابــك من اشمنه وقبــله
الكرامه تصير محرابي وقبـــله
نسيمه امن الورد ازكه وقـبله
فلا مثله دمه ايعَطــْــرِ الوطيه


الدهر ياحيف للعــتره ولمهه
جـمع كل صايب اسهامه ولمهه
فلا يشفعله والدهــــه ولمهه
لأن ذبحــت غريب الغاضريه

سيد زكي الياسري النجفي

شهر عاشور لدمــوعــــــي وجرها
على الحُبهم جزه الشِرعــه وجرها
صدگ زينب شمر شدهـــا وجــرها
بحبل بت فاطمة و حامـي الحمية ؟


وصل ضعن النبـــي للطـــف ورضها
دهر قر بالجــــــرة الفاطـــم ورضها
صدگ داس العدو اضلوعه ورضها
إبنها احسين برض الغاضــــــــــرية


يريت الگه صعيـد الهــــــــم وَسكنه
لعل بيهِ الدمع يرضـــــــــــى وسكنه
صدگ زينب يضربوهـــــــه وَسكنه
تِصيح الغوث بالنبــــــــــرة الشجية


الكفر و الحـگ لهـــم جبهه وجبهه
و ابو اليمـــه التـــزم هدمـه وجبهه
صـــدگ صابـــوا چبد منــه وجبهه
سبط طه النبـــي خيــــــــر البرية ؟

سيد زكي الياسري النجفي

الوكت دمعات زينب ..... مستحلهه
وجيش الحزن بالطف... مستحلهه
شتظن عباس يرجع ... مستحي إلهه
وبلاية الجود وجفوفة رميه


الشاعر الحيدر الحرگاني

أبو فاضل بطف حسين ... كفه
جاد بعين... جاد النوب .... كفه
ميزان الفضل ما مال ...... كفه
لأن جفين عباس التجيه


للشاعر عادل الصويري