السلام عليكم
اخوتي اني عسكري قديم وحبيت اساعدكم وانطيكم نصائح بخصوص ثورتكم من الناحية العسكرية...
اولا:كل اللي سويتوا عاشت ايدكم علية والخكومة الان ساقطة عسكريا والدليل الجيش اللي موجود ببغداد سحبوا السلاح منه وخاصة القريبين من المنطقة الخضراء خوفهم من الانقلاب وليس الخوف عليكم.
ثانيا: الحكومة دتماطل وانتو بهاي وكفتكم دتنطوهم وقت حتى يرتبون اوراقهم وبنفس الوقت احسبوا حساب بعد كم يوم حيصير ملل وتعب عند البعض وحينسحبون وممكن يقل الدعم (افتراضيا) فالحكومة ماعدها شي الوقت لصالحها بس انتو الوقت مو بصالحكم شهداء دتروح يومية وجرحى وهذا مو صحيح المجتمع الدولي دعمة ضعيف للمتضاهرين من الناحية الاعلامية حتى الامم المتحدة ردناهم يسوون شي وما سوو
ثالثا: لان تضغطون على الحكومة بصورة سلمية قطع الطرق ببغداد وشل الحركة ومسك الارض من قبل المتضاهرين بقطع كل جسور بغداد فقط سيطروا على الجسور
اهل الدورة جسر الطابقين وجسر المعلق
اهل البياع وحي العامل جسر الجادرية
اهل الكاظمية والاعظمية جسر ١٤ رمضان والأئمة
اهل الرحمانية جسر الصرافية
اهل العلاوي جسر الشهداء والاحرار
اهل الزعفرانية جسر ديالى
وبقية المناطق دعم الهم
اذا قطعتوا الجسور شليتوا الحركة ببغداد وهذا ضغط عليهم.
رابعا: وحودكم بهالكم الهائل بالتحرير خطأ لان اذا انتو فاتحين ساحة تظاهر واحدة يسيطرون عليكم بينما اذا فتحتوا اكثر من ساحة ما يسيطرون عليكم ابد لان القوات الموجودة قليلة جدا (الجيش ورقة المتظاهرين الرابحة)اهل التحرير ابقوا بمكانكم نريد اهل المناطق البقية يشلون الحركة ويسدون الجسور .
خامسا: جيشنا (امري القطعات والالوية) كون شجاع مثل ماتعودنا عليكم اذا لواء واحد علن العصيان للحكومة بقية الالوية حتتشجع وحتسقط الحكومة بدون حتى ماتدخلون الخضراء ..(بدون دخول الخضراء لان خطر عليكم)
سادسا:رئيس الوزراء مخطوف حاليا وهمة مشتتين وهاي فرصتكم تسقطون الحكومة بطريقة سلمية.
شكرا لكم
شارك الموضوع
