خادمة الحسين فاطمة عدنان

لطمية تشرح حال مولاتي زينب عليها السلام بعد استشهاد الإمام الحسين عليه السلام
*********'
عمتي زينب
رأسَنا شيب
بعدما فارقيناهُ الحسين
🎤🎤🎤🎤🎤
كانَ بلامسِ حسيناً واقفاً بينَ الخيام
ياترى ماذا جرى حته تركنا للئام
صدرهُ مهشومُ بلخيلِ وفي العينِ سهام
راسهُ مقطوع
بلقنا مرفوع
بعدما فارقيناهُ الحسين
🎤🎤🎤🎤🎤
حائره بينَ اليتامى زينبٌ والدمعُ سال
عينها تذرِف دموعاً كُلما قالو السؤال
هذهِ انتي سبيه هذهِ كُل العيال
أُنضري حالك
أينَ كفالك
بعدما فارقيناهُ الحسين
🎤🎤🎤🎤
جَمعونا في خَرابه ادخَلونا عل رجال
قيدونا في حديدٍ ياخي والدمعُ سال
أين خُدري أين عِزي اينهُ ذاك الدلال
أنني امشي سَبيه وانت في صدرك نبال
كُلها تسئل
أحضَرو الهزل
بعدما فارقيناهُ الحسين
🎤🎤🎤🎤🎤
عندما كنا جميعاً لم يراني اي احد
بعد ما فارقتكم اسرو بنا في كل بلد
انضر الرأسك يخويه الدم عله عيونك جمد
حايره بعيله
مانمت ليلة
بعدما فارقيناهُ الحسين
🎤🎤🎤

تمت بعون الله وتوفيقه
خادمة أهل البيت
عليهم السلام

فاطمة عدنان
2021/9/13
نسئلكم الدعاء

https://t.me/fatimaAdnaan

لطمية عتاب زينب عليها السلام لاخوتهه بطور قصيدة
( هذه الحكاية للحاج باسم الكربلائي)
🎤🎤🎤🎤🎤🎤
راحو النشامه
حايرة بيتامه
متني صاير ازرگ
بي الف علامه
🎤🎤🎤🎤🎤🎤
راحو اخواني وبقيت لوحدي والله محيره
يامصيبتنه العظيمه حسين حزو منحره
وابو فاضل ع شريعه نايم بحر الثره
من ندهته مانهضلي ماسمعني ياترى
خويه انهض وينك
سلبوه حسينك
ياكفيلي انشدك
وينهه العمامة
🎤🎤🎤🎤🎤🎤
جابو النوگ الهزيله وكلهه صاحت للسبي
انه حره مدلله ويحديني خويه الاجنبي
رايده اطلب طلب منكم خويه سمعو مطلبي
مدلله ياخويه اخيتك وينهه ووين السبي
جتفو بناتي
سلبو عباتي
حسين اخوي اموتن
لو شفت سهامه
🎤🎤🎤🎤
راسك كبالي وهظمني ويهزونه بلرمح
لو نضرت الراس اخوي اتمنه راسي المنذبح
ولا اشوفه كبالي راسه معلگ براس الرمح
اخ ياگلبي الحزين البي الف مية جرح
بسبيي عذبوني
كلهه شتموني
خويه يابو فاضل
ياحلو الشهامه
🎤🎤🎤🎤
تذكرت روحي عزيزه مدلله بين اخوتي
ومن بعدهم ياعظمهه ما مثلهه مصيبتي
ياهي عدهه مثل صبري والله بلوه بلوتي
شكد هظمني دهري
ابچي خلص عمري
وفگدت كفيلي
وكفلت يتامه
🎤🎤🎤
تمت بعون الله تعالى
بقلم خادمة أهل البيت
عليهم السلام

فاطمة عدنان

نسئلكم الدعاء
2021/9/10

https://t.me/fatimaAdnaan

نعي عن لسان محبين الحسين عليه السلام
*********

في مثل هذه الأيام تعالت أصواتنا بالصراخ جعلنا مصاب سيد الشهداء نجزع على ما مر عليهم ف اخذو العذال يلومونا على جزعنا ف لسان الحال للمحبين يقول:


يلومونه من نبجي عليك
يحسين ميعرفونك شبيك
موذر بلشمس وتراب غاطيك
محد غسلك محد وصل ليك
عن حر الشمس محد يغطيك
🎤🎤🎤🎤
هل كلمات صدكن ياصعبها
هدمن حيل زينب وي گلبها
عگب البطل شامت ضربها
🎤🎤🎤🎤🎤
وي عباس ماشافولهه خيال
يباريهه اخوها وشايفه دلال
عگب عين اخوها تهينهه رجال
🎤🎤🎤🎤
يل لايمه عليمن تلومين
حسين انذبح جا ماتصرخين
بكلوبنه شكد حزن تدرين
يستاهل المگطوع الايدين
لو مات الج واحد تنوحين
ومن البجي تعمينهه العين
بس لمن نصرخ عله الحسين
تحجن علينه حجي مو زين
يستاهل الونه والدموع
كون ابجينه تنعمي العين




تمت بعون الله تعالى
بقلم خادمة أهل البيت
عليهم السلام

فاطمة عدنان

https://t.me/fatimaAdnaan

نعي لحضور الزهراء عليها السلام إلى المجلس

🎤🎤🎤🎤
انه فاطمة الزهره الزچيه
تره انه حاضره بهاي العزيه
مرمرت گلبي الغاضرية
🎤🎤🎤🎤
انه أجيت للمجلس اشوفن
واسجل أسماء الجاي يبچن
رغم هل ضروف ومايخافن
🎤🎤🎤🎤
اسجل أسماء وگلبي مقهور
والله عماني مصاب عاشور
ومصاب ابني المات منحور
🎤🎤🎤🎤
كل الهله يامن تعازين
اريدج دموعج ماتبطلين
وني وعينيني عله حسين
🎤🎤🎤🎤
يل جايه عوفي السوالف
علني حدادج بلمجالس
وجني بمحبتج مثل عابس
🎤🎤🎤🎤🎤
انه كاعده وبعتبت الباب
اسجل البچتلي بدمع سچاب
اعتب عليكم يحله الاعتاب



جواب الخدام لهاا


هله بيج يلدومج حزينه
ابنج غريب وذابحينه
مات من العطش لا مانسينه
🎤🎤🎤🎤
كل الهله بجيتج يزهره
گلبج تعده الصبر صبره
تبچي السمه دم ومغبره
🎤🎤🎤🎤
نعازيج وتشفعين لينه
وبلحشر باجر تحضرينه
وينعاد هل مجلس علينه
🎤🎤🎤🎤
كون المجالس كلهه تنعاد
ونبچي عليج بحركه افاد
فدوه نروحلج ضحيتي الاولاد
🎤🎤🎤🎤
احس مقصره وياج عذريني
كون من البچي اعميهه عيني
والخدمتج اكضي سنيني
اويلاه يمصيبة حسيني


تمت بعون الله تعالى واسئل الله القبول
بقلم خادمة أهل البيت
عليهم السلام

فاطمة عدنان

https://t.me/fatimaAdnaan

نعي بطور الفراق لهلال محرم
🎤🎤
هل محرم
هل هلال البي اذية
هل محرم
جايب مصايب اليه
هل محرم
خويه ياابن الزچيه
هل محرم
محيره واصفك بديه
هل محرم
عل مصايب والاذيه
🎤🎤🎤🎤
يلله صرخو
هل شهر بي موت اخوتي
يلله صرخو
انسبي وينسمع صوتي
يلله صرخو
ماكو مثلج يابلوتي
يلله صرخو
اتمنه لو يلفيني موتي
🎤🎤🎤🎤
ها يخويه
لون تسمح خل اقبلك
ها يخويه
وصية عندي وخل افهمك
ها يخويه
خويه انه وصتني امك
ها يخويه
خل ابوسنك واشمك
ها يخويه
خافن الحافر يسحگك
ها يخويه
وتصعد خيول عله صدرك
ها يخويه
وبعد موتك هم ترضك




جواب الحسين لزينب ع


خويه زينب
هذا المگدر عليه
خويه زينب
انسحگ وانتي سبيه
خويه زينب
شوفي محلاهن اديه
خويه زينب
خلي عينج عد رقيه
خويه زينب
تنسبي بعدي خطيه


جواب زينب للحسين ع


خويه يحسين
گلب ماعندي المصابك
خويه يحسين
اتسلبن خويه ثيابك
خويه يحسين
الله أكبر ياعذابك


تمت بعون الله تعالى
بقلم خادمة أهل البيت
عليهم السلام

فاطمة عدنان

https://t.me/fatimaAdnaan

نعي كرناوي للإمام العباس
(روحي له الفداء)
🎤🎤🎤

اريد اكتب شعر من أجل الحسين
واريد أعلن حداد عله المصيبه
واريد انشر بيارغ بيهه عباس
واكتب بي اسم اخته الغريبه
عله العباس حگج من تنوحين
وصوت ونينچن عالي نحيبه
تدرين بغيابه تذلج الگوم
ونار خيامجن يسعر لهيبه
وام الحسن تنحب رفعت اشعار
اه يحسين يمصابك عجيبه
🎤🎤🎤🎤

يعباس نومك مو محله
بوجودك الديوان يحله
والفارگك بالعمر شله
🎤🎤🎤🎤
شلي بحياتي بعد عباس
حنين وعزيز ورافع الراس
متگوم بعد اختك ينوماس
وتفزع الي مو عالت الناس
🎤🎤🎤🎤
ياخوية من بعدك سبوني
حرمه وغريبه ولوعوني
ولو گلت خويه يشتموني
لو صحت بويه يضربوني
سياط العده مزورگه متوني


تمت بعون الله تعالى

بقلم خادمة أهل البيت
عليهم السلام

فاطمة عدنان

https://t.me/fatimaAdnaan

فزاعية للهلال مولاتي زينب تخاطب ابا عبدالله الحسين عليه السلام
🎤🎤🎤
يحسين خويه
بين هلال الشوم ٢
🎤🎤🎤🎤🎤
مضلم ياخويه اشوفه هل شهر
بيه المصايب بيه سبيي والقهر
انه ادعي ربي يحميك من القدر
چني اشوف الماي خويه ملزوم
🎤🎤🎤🎤🎤
ياخوي هل شهر الحزن والوعه
انه ادري اصير بهل شهر مفجوعه
گلبي حزين وفايضات دموعه
ياريت اموت ولا وصل هذا اليوم
🎤🎤🎤🎤🎤
ياريت موتي گرب گبل اخواني
ولا ابقه وحدي أبين كل عدواني
محتاره ألم الحرم لو رضعاني
يحسين بعد اختك گليبي ملچوم
🎤🎤🎤🎤🎤
كلش حنينه وخاف مني تروحون
وانه مره وحملي ثگيل تعرفون
شنهو البصر والراي من تموتون
تخلوني محتاره وگلبي مثلوم
🎤🎤🎤🎤🎤🎤
احتار بيكم لو ألم اطفالي
جاوبني يابو الفضل ها يلغالي
انته الجبتني والصرت كفالي
تقبل اخوك أمن الميه محروم



تمت بعون الله تعالى
بقلم خادمة أهل البيت
عليهم السلام

فاطمة عدنان

https://t.me/fatimaAdnaan

لكل خادمة
ملاحظات جدا جدا مهمة ياحبيبتي الخادمة

١...قبل ان تدخل مجلس سيد الشهداء عليه السلام يجب ان تكون على وضوء

٢...مجلس الحسين كقبة الحسين عليه السلام حافظ على قدسيه المجلس

٣...حينما تخرج من بيتك قل
مولاتي يافاطمه اني ذاهب إلى عزاء ولدكِ الحسين عليه السلام

٤...توسل بمولاتي فاطمه عليها السلام ان تشرف المجلس بحظورها

٥..قبل ان تدخل باب المجلس قل(أعاهدك يااباعبدالله لنصرة ولدك صاحب الزمان عج )

٦...حينما تدخل باب المجلس قل
(السلام عليكِ يامولاتي يافاطمه)

٧..حينما تدخل المجلس فليكن ذكرك في قلبك (حسين حسين)
١٠٠مره

٨..لكي ترزق بالدمعه عليك بالتوسل بمهيج احزان الطفوف
(ياعلي ابن موسى الرضا هيج احزاننا وارزقنا الدموع)١٠٠مره

٩..لكي ترزق التوفيق في المجلس اقرء الفاتحه مع الصلوات ودعاء الفرج واهدي ثوابها الى مولاتي ام البنين عليها السلام

١٠..وبالشكر تدوم النعم
في ختام المجلس قل شكرا ياحسين شكرا يافاطمه شكرا ياام البنين شكرا على توفيقكم لي لحظور المجلس ورزق الدمعة

انشروهاعلى محبة سيد الشهداء عليه السلام
لكي تستعد الخدام للمحرم
https://t.me/fatimaAdnaan

نعي للهلال مولاتي زينب عليها السلام تخاطب الهلال
⚫⚫⚫⚫⚫

ريتك لا تهل ياشهر الاحزان
بيك حسين يبقى وحيد حيران
وراسه يگطعونه العدوان
وما يسگوه ماي يموت عطشان
🎤🎤🎤🎤🎤
يهلال لا تجبل عليه
هم وحزن جايب اليه
ون وبچي ونوح واذيه
تخليني بس اصفك باديه
🎤🎤🎤🎤🎤
يهلال اعرف بيك سبيي
بيك المصيبة وذبحة اهلي
عگب الاهل بلدنيه شلي
🎤🎤🎤🎤🎤
شلي بدنيتي عگب اخوتي
ياروحي من الضيم موتي
لو صحت ما ينسمع صوتي
🎤🎤🎤🎤🎤
شهر الكدر شهر النوايب
بيك الحزن بيك المصايب
هلالك يشوفني العجايب
🎤🎤🎤🎤🎤

تمت بعون الله
بقلمـ✍🏻 خادمة أهل البيت عليهم السلام فاطمة عدنان

https://t.me/fatimaAdnaan

نعي للعلية عليها السلام
🎤🎤
خلوني اهلي ومحد وياي
ومحد يساعدني عله بلاوي
لديرة غرب حملو ولياي
🎤🎤
شالو اهلنه وفارگوني
روحي طلعت من ودعوني
من البجي اعمن ياعيوني
🎤🎤🎤
بلدار چا شلي انه بلدار
و تحملون الحريم زغار وكبار
وتلخلوني وحدي وكلبي محتار
🎤🎤🎤
محلاتنه لمت حبايب
مالاگيه النه المصايب
من القهر دلالي ذايب
🎤🎤🎤
حاجيت ابوي وعاتبيته
يدفني بيده والله ردته
ليش يعوفني چا انه بته

تمت بعون الله تعالى
بقلم خادمة أهل البيت
عليهم السلام
فاطمة عدنان

https://t.me/fatimaAdnaan

لطمية لمولاتي فاطمة العليلة
عليها السلام
🎤🎤🎤🎤🎤
فارگوني الجنت دوم وياهم
فارگوني مو سهل فرگاهم
ضلت صورهم حسافه وصط العيون
و الغوالي رايحين ومايردون
فارگوني
فارگوني
🎤🎤🎤🎤
شفت كل احباب گلبي ودعوني
ودعتهم ونعمت والله عيوني
تالي لحگيت الضعينة وماخذوني
وصحت وياكم اروح ومسمعوني
فارگوني
فارگوني
🎤🎤🎤🎤
گلت بلكي حسين ياخذني وياهم
مدلله ياناس ما احمل جفاهم
روحي طلعت من مشو راحت وراهم
كون ياخذني ايا موت الخذاهم
فارگوني
فارگوني
🎤🎤🎤🎤
شافني حسين الحنين وگال ردي
بوگفتج يابوية والله نمرد چبدي
كتله بوية شلون أضل بلدار وحدي
بوية عبدالله الطفل خليه عندي
فارگوني
فارگوني
🎤🎤🎤🎤
يگلهه يابوية السفر مابيج حيله
وصدكي يبنيتي المسافة هم طويلة
وبعدچ زغيره ومريضه وهم عليله
تگله تصعب فرگتك كلش ثگيله
فارگوني
فارگوني
🎤🎤🎤🎤
تگله ميهمني التعب وأنه قويه
بوية ما أگدر افارگها الرقية
ياحلات الممشه من نمشي سوية
خلاف عينك اكسر الخاطر خطيه
فارگوني
فارگوني


تمت بعون الله تعالى
بقلم خادمة أهل البيت عليهم السلام
فاطمة عدنان

2021/8/3

https://t.me/fatimaAdnaan