Fikrnoma______✍

Shogirdning taqdiri — ustozning qo'lida yozilgan asar, lekin qalamni ushlab turish shogirdning o'ziga bog'liq.

#olindi

@fikrnomaa

"Islomga bag'ishlangan umr"

Shayx Muhammad Sodiq hazratlarining hayotlari qisman yoritilgan ushbu kitobdan ko'plab manfaatlar oldim. Ularning Shayx Muhammad Sodiq bo'lib yetishishlarida oiladagi islomiy muhit, ota-onalari bergan go'zal tarbiya katta ro'l o'ynagan. Ota-onalari ham shunday muhitda ulg'ayganlar va dinga, ilmga muhabbat ularga meros bo'lib o'tgan ekan.

Kitobni o'qish davomida shunday fikrlar o'tdi:

Demak, mujtahid olimlar yetishib chiqishi uchun albatta ota-onalarning mas'uliyati katta. Bizning ajdodlarimizdan ilmga, dinini o'rganishga xaris insonlar o'tmagan bo'lishi mumkin. Lekin biz buni o'zimizdan boshlasak, farzandlarimizga ham dinimizni tanitib, ilmda peshvolardan bo'lishiga yordam beramiz. Ular ham keyin farzandlarini shu ruhda tarbiyalaydilar. Shu tarzda zanjir davom etadi. Nega islohni o'zimizdan boshlashimiz kerakligi, oila isloh bo'lsa, jamiyat isloh bo'ladi deya bot-bot uqtirilishini yana bir bor chuqur anglab yetdim.

Kitobni o'qiganlar nafaqat Shayx Hazratimiz hayotlaridan ibrat oladi, balki haqiqiy musulmon, haqiqiy oila qanday bo'lishi haqida ham ko'plab kerakli hikmatlar olar ekan.

Bizga ne'mat qilib berilgan Shayx Hazratimiz haqida qancha ta'rif bersak ham kam. Vatan firoqi, volidalari vafot etgan paytida borolmaganlarining armoni va yana qancha ko'p zahmatlar evaziga qoldirib ketgan ulkan ilmiy meroslari ikki dunyomiz uchun haqiqiy xazinadir. Ularni o'qib, o'rganishimiz lozim va lobud ekan.

Kitobda yozilganidek, olimning o'limi — olamning o'limi. Alloh ularning ohiratlarini obod qilsin, joylarini jannatda qilsin!

@fikrnomaa

#ojizona_fikr

Balki "mahkumlik"dan qutulish vaqti kelgandir. Bizda ham endi kitobga navbat turadigan holatlar bo'layotgan ekan. O'zim guvohi bo'lib, bundan juda quvondim.

Ko'pchilik eshitgan bo'lsa kerak, Ibn Haldunning "Muqaddima" kitobi o'zbek tilida nashrdan chiqib boshladi. Hali bosmaxonadan kitob do'konga yetib kelmagan holatda ham odamlar navbat kutib turishibdi. Do'konga kirayotgan har bir odam shu kitobni so'rayapti. (Bunga bir tomondan kitob sotuvi uchun yaxshi ishlangan marketing ham sabab bo'lgan albatta) Kitob, ilm olish kabi xayrli ishlar uchun navbatda turadigan jamiyat albatta yana rivojlanadi.

Faqat yana bir jihat borki, shunchaki hamma olayotgani uchun hamma o'qiyotgani uchun ko'r-ko'rona ergashish emas, o'qiganlarimiz bo'yicha fikr yuritib, xulosa olsak va hayotimizda ham aks ettirsak, shunda go'zal natija bo'ladi InshaaAllah )

@fikrnomaa

"Xaloyiq, birodarlar, guvoh bo'linglar, men marhumadan ming marta roziman"

"Onamdan ajrab ham yetimlikni sezmagan ekanman, Otamdan ajrab ham yetimlikni sezmagan ekanman. Endi esa o'zimni haqiqiy yetim sezmoqdaman"

(Shayx Muhammad Sodiq hazratlarining onalariga atab yozgan marsiyalaridan)

***

Rahmatli Shayx hazratimizning volidayi muhtaramalari vafot etganlarida qiblagohlari ushbu jumlalarni aytib yig'lagan ekanlar. Onalari otalariga qanchalar go'zal xizmatda bo'lgan ekanlarki, farzandlar tarbiyasi, ilm olishi va ummatga xizmat qilishi yo'lida ularga qanchalar yelkadosh bo'lib, fidoyilik qilgan ekanlarki, vafot etganlarida turmush o'rtoqlarining shunday go'zal roziliklariga musharraf bo'lgan ekanlar. Alloh ularning ohiratlarini obod qilib, ruhlarini hamisha shod aylasin. Ulardek sabr-matonatli, ilm yo'lida xizmat qilishda jasoratli muslimalar ko'paysin. Amiyn!

@fikrnomaa

Qiynalmayotgan bo‘lsangiz - o‘smayapsiz. Adlerning gapi bilan aytganda ma’lumot olgan kishi mazza qiladi, ilm olayotgan kishi qiynaladi.

© Aziz Rahimov

@fikrnomaa

ҚАЙТИНГ

Уйга қайтинг...
Юракка қайтинг...
Агар қолган бўлса.... Севгингиз омон...
“Ниҳоят... Мен келдим!
Келдим!..” – деб айтинг...
Қолсангиз-да, зулмат ичида пинҳон...
Йўлга тушинг,
Тушинг ғурур отидан...
Бу ёғи Ёлғизлик – Руҳият йўли...
Чиқинг бу қафасдан...
Хасм ёдидан...
Чирмашиб тортса-да чирмовуқ қўли...
Дунёни қолдиринг...
Қолдиринг танни...
Илон терисини ечгандек... Ечинг!
Изланг... ичингизда кутган Ватанни...
Занжир Олтин бўлса-да... Кечинг!..
Онангизга боринг...
Тирик бўлса – У!
Кетган бўлса, агар... қабрига боринг.
Ёруғ дийдорини кўрмоқ бўлсангиз,
Кўксингизнинг ўртасин ...ёринг!

Бир пиёла чашма...
Бир оби ҳаёт...
Сизга берган кўз ёш –
томган томчи Нур!
Тирик томирингиз тупроқда токи...
Демак,
Руҳингизда Ҳақ этар зуҳур!
...қайтинг. Уйга қайтинг...
Лойсувоқ... девор...
Ўчмагансиз ҳали хотирасидан...
Бир дилни топасиз...
Румий ё Машраб...
Ва ёки Навоий чодирасидан!..
...агар унутмаган бўлсангиз йўлни,
Тиконлар қоплаган бўлса сўқмоқни...
Исодан...
Мусодан сўранг... Дуч қилсин
Расуллуллоҳ байт қилган тоғни!
...агар тош устида бўлса мусича,
Агар ғор оғзини тўсса ўргимчак...
Қайтинг!
Белингизда ҳали зуннор бор,
Ҳали ичингизда Бутлар бор... демак!

...жойнамозга йиғланг...
Кўкка очинг кафт...
Чўк тушинг...
Энг гўзал васлдир Сужуд!
“Ахир борлигингиз учун дунё бор,
Ахир ёрлигингиз учун Ишқ мавжуд!”
...ҳижоб – Сиз!
Девор – Сиз!..
Эшик – ўзингиз!..
Тақиллатинг уни!..
“Келдим!..” деб айтинг!
Сизни кутиб турган шу дийдор ҳаққи...
Парвардигор ҳаққи,
Асл Ёр ҳаққи...
Ичкарига киринг!..
Юракка қайтинг!

2020 йил 30 март

Зебо Мирзо, Ўзбекистон Ёзувчилар уюшмаси аъзоси

© Zebo Mirzo

@fikrnomaa

Diydorga oz qoldi InshaaAllah 🥹

✅ Ayol-qizlar uchun manfaatli tavsiya

Sotib ololmaysiz lekin...

Aslida oddiygina, samimiy mehr insonni cheksiz baxtga to'ldiradi.

Buni qachon his qilasiz, bilasizmi?

• Sizni esingizni taniganingizdan beri qo'llab-quvvatlab, yoningizda turgan, sizni har qanday holatda ham tashlab qo'ymagan, hamisha sizga ishongan insonlarning yuzini yorug' qilib boshlaganingizda

• Biror yutuqqa erishib, ularga sizlar tufayli, sizning duolaringiz sabab degan paytingizdagi quvonchlarida

• Aslida ularning sizga qilgan yaxshiliklari oldida arzimas bo'lsada biror kichik yordam qilganingizda "rahmat, boringga shukur" degan samimiy so'zlarida

• Asta-sekin, oz-ozdan endi siz ham ularni qo'llab-quvvatlab boshlaganingizda

Bularni o'qiganingizda xayolingizga kelgan insonlar mehringizga eng loyiq insonlardir. Ularning hayotingizda borligi ulkan ne'mat. Qadrlarini hamisha ulug' biling.

@fikrnomaa

Ibn Sino aytganlar:

Bola g'azablantirilmasin, achchiqlantirilmasin, mahzun qilinmasin, mazlum qilinmasin. Bola shu tuyg'ulardan holi katta bo'lsa, katta bo'lganda o'zi ham boshqalarda bu tuyg'ular tug'ilishiga sabab bo'lmaydi.

© Husayn Buxoriy suhbatlaridan

Ulamolarimiz aytadilar:

Hayo xulqi qalbning tirikligiga qarab bo'ladi. Qalbning hayotlik darajasi qanchalik yuksak bo'lsa, hayo shunchalik yuksak bo'ladi.

© Hasanxon Yahyo Abdulmajid