خليتونا نستنفروا ،ونهربوا ،ونصدوا، كل حد يحاول يقدم خطوة في حياتنا ، خليتونا منستقبلوش أي حد يعبرلنا علي مشاعره ، بعد خابوا ظنونا فيكم، خليتونا في نص الطريق ومشيتوا ، بعد كلام طويل معبي تعبيرات ، ومشاعر حب ، وذكريات ، صدقناها وعشنا عليها أيام ، بعد دموع في طول الليل ، بعد كسره ، وصدمه ، وغصه ...

وبعد عطينا روحنا فتره للحزن للالم ولذكريات ..
ايقنا ان الضربه للي ماتقتلك تقويك
ايقنا انكم مجرد درس مش حلو تعلمناه، فيه هلبا حاجات،
الطريق للي خليتونا فيه، مش ح نكملوه بروحنا، وطيفكم للي يقعد يلاحق فينا ح نغيروه ونمشوا في طريق تانيه غيره،
ذاتنا تسحق ان نقدسوها، خدت وقتها في حزنها علي ايام ضاعت من عمرها، وعلي كدبه عاشت فيها علي خدلان عانت منه،
جي وقتها انها تزهر ،لانه مافي شي يستاهل ان يخليها تذبل ...

كوني اقوى من أي شي يحاول يكسرك او حتى يخدشك،
ما توتقيش في حد تقه كامله ..
ولا تغرك كلمات وبدايات ..
عيونك الجميلات ميستحقوش يبكوا على شخص خان ..
الدنيا .. كل يوم تعلمنا حاجه
كوني مستعده لدروس الدنيا ...
ما تخلي شي يخفي بهجة ضحكتك...•♥️⛓️

‏