OʻZBEK OʻZLIGINI ANGLASHI KERAK
1-qism.
Hurmatli obunachilar!
Biz kanalimizda oʻzbek xalqining turkiy elat sifatida asl tarixini, oʻtmishini, buyuk ajdodlari kim boʻlganini, shoʻrolar davrida soxtalashtirilgan tarixiy haqiqatlarni bayon qilib kelmoqdamiz.
Shunday haqiqatlardan biri bu BUYUK SOHIBQIRON BOBOMIZ CHINGIZXON va uning avlodlarining chin vorislari turkiylar, oʻzbeklar ekani haqida edi.
Albatta, biz shu paytgacha ham ushbu masalada barchaga tushunarli va tan olingan ilmiy-tarixiy faktlarni yetarlicha keltirdik.
Ammo bu mavzu afsuski, hozir ham sobiq shoʻrolarning soxta taʼlimotini taʼsirida oʻsgan ayrim savodsiz “tarixchi”larning beʼmani eʼtirozlari, asossiz tortishuvlar, bahslar va munozaralarga sabab boʻlmoqda.
Biz esa oʻz ishimizni muqarrar gʻalabaga qadar davom ettirish va rad etib boʻlmaydigan dalil va faktlarni taqdim etish yoʻlida izlanishda ekanmiz, dastlabki natijalardan mamnunmiz: aksariyat obunachilarimiz nafaqat oʻzlari avval duch kelmagan bu tarixiy faktlarni katta mamnuniyat bilan qabul qildi, balki, shu paytgacha biz bilgan soxta tarixni yerparchin qilib, asl haqiqatni yuzaga chiqarishda bizga koʻmakchi ham boʻlmoqdalar.
Kanalning izohlar (kommentariylar) boʻlimida bildirilayotgan fikrlardan maʼlumki, aksariyat obunachilarimiz bu borada yakdil fikrda.
Ishonch hosil qilishingiz uchun ulardan birining tortishuvlar chogʻidagi teran fikrlarini aynan keltiraman:
“Eron ham oʻz davrida Safaviy yoki Qojar davlati deyilgan, xuddi Turkiya Usmonlilar davlati deyilgani kabi.
XIVA, QOʻQON, BUXORONI boshqargan sulolalar Oʻzbeklar edi. Qoʻqon, Xiva xonlik deyilgan, lekin nima uchun Buxoro amirlik edi, bilasizmi?
Chunki xon boʻlish uchun Chingizxon naslidan boʻlish kerak edi. 1750-yillarda Buxoroda hokimiyatga kelgan Mangʻitlar sulolasi Chingizxon avlodi boʻlmagani uchun oʻzlarini xon emas amir deb bilishgan. (P.S. Shu masalaga shu paytgacha men ham eʼtibor qaratganim yoʻq. Shuning uchun alohida post tayyorlamoqchiman).
Avvalgi Buxoro xonlari boʻlgan Shayboniylar va Ashtarxoniylar esa oʻzlarini Chingizxoni avlodi deb bilishgan.
Xiva xonlari oʻzlarini toʻliq Chingizxon avlodi deb bilishgan.
Qoʻqon xonlari esa Amir Temurning avlodi edi. Temur esa oʻzini Chingizxoning vorisi deb bildi va minataqadagi uzoq yillik hukmronlikdan keyin ularning avlodi ham xonlik maqomiga erishdi. Chunki, avvalo Chingizxon va Amir Temur aka-ukani avlodi edi. Nima shuni ham bilmaysizmi?
Temur oʻz davrida Chingizxonning toʻgʻridan toʻgʻri avlodi boʻlmagani uchun ham xon boʻlib taxtga oʻtirmaganini ham bilmaysizmi? Siz tarixdan faqat Muqanna va moʻgʻil soʻzidan boshqa narsani bilmaysizmi deyman?”
Albatta, biz oʻz tarixiga befarq boʻlmagan va oʻz ajdodlari oʻtmishini, oʻzligini chuqur anglaydigan bunday muxlislarimiz borligidan boshimiz osmonda.
Aynan ular uchun biz yangidan yangi tarixiy faktlarni taqdim etishda davom etamiz.
Shu asnoda biz uchun juda muhim tarixiy maʼlumot qoʻlimizga tushganini katta mamnuniyat bilan eʼlon qilaman!
Ochigʻi, Sizlarning eʼtiboringizga ushbu aslida juda qadim, ammo koʻpchiligimiz uchun yangi tarixiy faktlarni taqdim etayotganimdan nihoyatda xursandman.
Material oʻz mohiyatiga munosib tarzda saaal kattaroq, yuki ham zalvorli.
Shubha yoʻqki, ustozimiz, professor Erkin Musulmonov qalamiga mansub “Chingizxon moʻgʻul boʻlmagan” deb nomlangan seriyali maqolalarimizdan yaxshi xabardor boʻlgan muxlis ushbu materialning ham chinakam qimmatini yaxshi anglaydi.
Biz ushbu materialni ham seriyali taqdim etamiz va umid qilamizki, millat oʻtmishi va kelajagiga befarq boʻlmagan har bir kishi ushbularni diqqat bilan oʻqib chiqadi va evaziga manqurtqarash, qulsifat qavmga munosib javob berish imkoniga ega boʻladi.
Yana bir gap: Shukrki, kanalimiz aʼzolari soni 6 mingga yaqinlashdi. Agar Sizlar ushbu materialni imkon qadar tarqatishga koʻmaklashsangiz, ishonchimiz komilki, millat kelajagi uchun muhim boʻlgan bu tarixiy faktlardan 50 ming va balki 500 ming vatandoshlarimiz xabar topishi mumkin.
Sizdan yagona iltimosimiz shu.
Vaholanki, biz eʼlon qilayotgan materiallardan maqsad bitta – OʻZBEK OʻZLIGINI ANGLASHI KERAK!
