Islom ALI ijodi

Илтижо

Ҳилол туни билан чалқанча сузди.
Кулол хом лойини сувлади қайта.
Зилол тушларимнинг ярмида, қизғин,
Билол тонг саҳарлаб исмингни айтар.

Мудрашдан бошқа бир чора бер Худо!

Наҳр шамол билан ўйнашар ошиқ.
Фақир ўз қисматин йўйган шарафга.
Тахир ёмғир каби кўзимнинг ёши.
Ахир, бу кўнгилни ишқсиз тарафга

Судрашдан бошқа бир чора бер Худо!

Тўзиб бораётир дардларим, эски.
Ўсиб бораётир бир алам тинмай.
Сўзим бораётир тобора кескир.
Кўзим бораётир ер чизиб, жимман.

Титрашдан бошқа бир чора бер Худо!

Ўлимнинг сояси кўзга дориди.
Қўлимни заҳматнинг қадоғи босган.
Қўнимни билмаган қушдай ҳоридим.
Тўнимни қисматнинг ямоғи босган.

Бутлашдан бошқа бир чора бер Худо!

Гоҳи мен ғолиблик кўрдим таъзимда.
Ёки мен билмадим ўзимнинг ҳаддим.
Ёғий бош кўтариб турган базмда
Соқий май тўлдириб менга узатди.

Қутлашдан бошқа бир чора бер Худо!

Ислом Али

https://t.me/IslomAli_shoir

Сизга

Шам ёнди.
Кўнглимдай ёришди ҳужрам.
Туйнукдай тешилди зулматнинг кўкси.
Мен сизни ёғдули туманлар ичра
Қидирдим, сасингиз чиқмади — йўқсиз.
Бунчалар зулматга мойилсиз? Сизга
Мен оппоқ тонгларни қоралаб кутдим.
Қаранг, нур, қоронғу дунёни қўзғаб
Менинг ҳам ингичка соямни ютди.
Оҳ, кўҳна ўтмишни ўтказганман ғаш.
Қоп-қора кунлардан вужудим зада.
Ахир юрагимга яқин бу оташ.
Мен шамга қоришиб кетдим лаҳзада.
Кўнглимга кўланка бўлолмайди ғов.
Сизнинг йўлингизни ёритгум аё.
Илло, энди менинг бу бошим олов.
Илло, менинг бошим сиз учун маёқ.
Сиз ҳамон жимдирсиз.
Зулумот — совуқ.
Йўқ, асло чекинманг, узлатга ғариб.
Сиз учун кўксимга тўлдириб ҳовур,
Ёниб бораяпман ичингиз сари.

Ислом Али

https://t.me/IslomAli_shoir

* * *

Бунчалар ғаш зариф дил
Таъбир излаб юрибман.
Оҳорсиз ва ғарибдир
Таъмир излаб юрибман.
Бир ёнимда нон талаш,
Бир ёнимда шон талаш.
Менинг лабим қонталаш
Сабр излаб юрибман.

Ортимга боқсам улус
Қалқиб турар, қаранг, — дор.
Наҳотки дор тикканга
Олқиш урдим жарангдор.
Бўғзимда қотиб сўзим,
Ер чизиб икки кўзим
Суратин солдим мана
Дунёнинг ҳур ва рангдор.

Ёмоқ босган тўнимнинг
Қасмоғига шеър сано.
Ғул тутган қўлга наҳот
Гул тутган деб берса ном.
Босиб келар ҳавотир.
Ҳали чиқмай саводи
Бир болам бунча хомуш,
Бири бунча серсалом.

Оғам куйиб қўш тортар
Иним йиғлаб тугар мушт.
Волидам қизил жанггоҳ
Тўлмаганча туғармиш.
Ўтрукмиди бу алқов?
Тушларим алғов-далғов:
Қучоқласам пиримни
Қўлимга қон юқармиш.

Не кўргулик, бир замон
Чопонини чап кийди.
Икки миллат ойдини
Бир-бирига сапчийди.
Сўнг айланиб чархи дун
Ғийбат бўлар нархи дун.
Шоирлар ҳам бир-бирин
Сотгани чин гап, дейди.

Билолмайман, тентираб
Надир излаб юрибман.
Балки ўзимга қиймат
Қадр излаб юрибман.
Қаердадир ютиб қон
Мурғаклар топшириб жон
Паноҳ топар ўлимдан.
Ҳеч не келмай қўлимдан
Ҳақдан фақат биргина
Амр излаб юрибман.

Мана ўзим учун шарҳ
Керак бўлса гар мисол.
Ўйларим беҳаёдир
Қорни очиқ ғар мисол.
Мен ўзимдан қочганча
Ахтарарман ўзимни.
Топсам юзим уётлиғ
Топмасам ҳам шармисор.

Билмайман бу йўлларда
Надир излаб юрибман.
Очилмаган гуллардан
Абр излаб юрибман.
Ҳайқириғим шеъримдир
Жимлигим ҳам ёзганим.
Айтолмаган сўзимга
Қабр излаб юрибман.

Ислом Али

https://t.me/IslomAli_shoir

⏳⏳⏳⏳

11-dekabr – shoir Chori Avaz tavallud topgan kun

Chori Avaz 1957-yil 11-dekabr kuni Qashqadaryo viloyatiga qarashli Gʻuzor tumanida tugʻilgan. Oʻzbekiston milliy universitetining filologiya fakultetini tamomlagan.

Uning tiriklik chogʻida "Baxtiyorlik shu emasmi?" nomli esselar kitobi, shuningdek, "Tortilgan kamon", "Uygʻonishdan oʻzga tole izlama", "Kuz ertasi" kabi asarlari nashrdan chiqqan. Vafotidan keyin "Saylanma", "Yashil so'qmoq" nomli kitoblari chop etilgan.

SHOIR

Zulmat bosib kela boshladi,
Tun tushirdi qora pardasin.
Shoir asta oʻrnidan turib,
Ochib qoʻydi nurli darchasnn.

Bir hovuch nur darchadan sachrab,
Zulmatga tigʻ kabi sanchildi.
Shoir esa negadir sekin,
Sekingina jilmaydi, kuldi.

Soʻng shoirni qamradi ilhom
Va qalamga choʻzdi qoʻlini.
Nafisgina bir zangor tuygʻu
Sheʼr uyiga burdi yoʻlini.

Sheʼr eshigin ochdi-yu, shonr
Ichkariga tomon yoʻl oldi.
Tashqarida zulmatning boʻgiq,
Oʻksik, gʻarib ovozi qoldi.

✅Jadid.uz’ga obuna bo‘ling

"ДАРВЕШ ҚЎШИҒИ" керакми?!

Жигарлар, Жонтемирнинг "Дарвеш қўшиғи" китоби кимга керак бўлса, мана бу @Nurmuhammad_Abduzoirov
телеграм эгасига
ёки
93 558-96-78 рақамига
алоқага чиқаверасиз.

Китоб муаллиф дастхати билан қўлингизга етиб боради.

Чекка ҳудуддагилар, куюнманг, Ўзбекистоннинг исталган ерига почтадан юборилади. Почта пулини эса ўзингиз тўлайсиз. Лекин бу жуда камхарж. 5 ё 10 минг атрофида бўлади адашмасам.


"Дарвеш қўшиғи" 2018-йил академнашр нашриётидан чиққан.

КИТОБ НАРХИ : 80 минг сўм.

Ишонинг, бу китобни бошқа ҳеч қаердан тополмайсиз!

Яна эслатиб ўтаман, китобни олмоқчи бўлганлар мана бу рақам 935589678 ва @Nurmuhammad_Abduzoirov га мурожаат қилишсин.

ХОТИРА

Хайр, агар сизни бошқа кўрмасам,
Сўнг бор қўлингизни қўлимга қўйинг.
Ўлсам, гуноҳимдан кечинг, ўлмасам,
Ўша гуноҳимни бўйнимга қўйинг.

Агар кўмган бўлсам сизни озорга,
Кўз ёшингиз янглиғ кетай тўкилиб.
Ўлсам, кўмилишим тайин мозорга,
Ўлмасам, хаёлга ётай кўмилиб.

Жавоб тополмадим битта жумбоққа…
Мени ўшал битта нодонга йўйинг.
Ўлсам, қўйинг, майли, қора тупроққа,
Ўлмасам, мени ўз ҳолимга қўйинг…

Одил Икром

https://t.me/IslomAli_shoir