یەک دونیا چاتم ھەیە لەگەڵ ئەو کەسانەی کە ھاتوون قسەم لەگەڵ کردوون و قسەیان لەگەڵکردوم و دواتر قسەمان نەکردووە بەھۆی بێحەوسەڵەیی و بێزاریەوە و دواتریش ھەمویان ڕۆشتوون. ھەژمارەکانیان سڕیوەتەوە. نەماون. نازانم لەکوێن و چی دەکەن.ھێشتاش چات'ەکانیان لەنێو مەسنجەرەکەمدا ماوە و خوێندنەوەیان بۆ من ھەستێکی سەیرم پێدەدات. ھەربۆیە من دژی ئەرشیفکردنم. دەبێت نامەکانیش وەک قسەکردنی ڕاستەوخۆ، ھەر لەو خولەکەدا بن. دواتر نەمێنن. بسڕێنەوە. تا دواتر نەکەویتە یادی کەسانێکەوە، کە نازانیت لەکوێن و چی دەکەن. ڕۆژگاریان چۆن تێدەپەڕێت و ئەسڵەن زیندوون یاخود نا. نامەکان ھەرچۆنێک بن، حاڵی ئینسان تێکدەدەن. یەک دونیا چاتم لەبەردەستە و نازانم بۆ دەستم تێی ناچێت بیسڕمەوە. لە 2016 تا ئەمڕۆ! ئێستا لە ھی یەکێکیاندا کە نازانم کێ بووە و ناوەکەی دەرناکەوێت، ئەم دێڕم نویسبوو
بێ هەسترین مەخلوقی دنیا لەسەر مەچەکم ئەنوسم کەس وەک تۆ ڕسوامی نەکرد.
"بێشەرەف"

ئیتر مرۆڤ چۆن نەڵێت "ئەی داد ؟!"