كل واحد مننا عاش قصة حب حقيقية في وقت ما من عمره ، جايز عاشها فالضلمة ، وكان بيحاوط عليها وكله أمل وعشم ف ربنا إنها تطلع للنور ، لكن مكملتش ، الظروف وقفتلها ومنعت إنها تظهر ، مع ذلك اللي حوالينا بيبقوا عارفين بيها ، ومهما مر الوقت لما بنفتكرها اللي حوالينا بيشوفوها ف لمعة عينينا ، ف ضحكتنا الحلوة ، ف أغانينا المبهجة .

روبي في مسلسل أهو ده اللي صار .. كانت بتقرأ جواب من حبيبها مكتوب فيه : لم تغيبي عنّي ولو لحظة واحدة ، عادت الحياة إلى روحي الميّتة حين رأيتكُ آخر مرة .. الحب فعلًا لا يموت .💞

بنتها سألتها : فيها إيه الورقة دي يامّا؟ ف ردت عليها : فيها روحي يا سنيورة

وده كان أبلغ رد عن إن القصص الحلوة حتى او مكملتش بتفضل محفورة فالذاكرة جوانا ، محفورة ع إنها روحنا اللي عايشين بيها ، حتى لو عشنا الف قصة بعدها وكانت لينا حياة تانية ، بتفضل أماني ف قلبنا بنحبها وبنعشقها ومديونين لكل لحظة عشناها فيها .