Kyrgyz Football Union

АК КАЛПАК КҮНҮ МЕНЕН!

Асмандан жарык көрсөң,жылдыз деп бил! Ак калпак кийгендерди кыргыз деп бил!

Кыргыз футбол биримдиги сиздерди улуттук сыймыгыбыз болгон Ак калпак күнү менен куттуктайт! Ак калпак – бул ата-бабаларыбыздан калган улуу мурас, элибиздин нарк-насилин, руханий баалуулуктарын даңазалаган ыйык белги.

Бул күндө ар бирибиз ак калпагыбызды бийик көтөрүп, кыргыз экенибизди дагы бир жолу сыймыктануу менен белгилеп, улуттук маданиятыбызды жана спортубузду өнүктүрүүгө салым кошолу!

Кыргызстандын футболу эл менен бирге өсүп-өнүгүп, Ак калпагыбыз ар дайым бийик болсун!

Ак калпак күнүңүздөр куттуу болсун!

#kfu_kg

БҮГҮН 14 КЛУБДУН КАТЫШУУСУНДАГЫ ПРЕМЬЕР-ЛИГАНЫН ОЮНДАРЫ СТАРТ АЛАТ

Бүгүн, 4-март күнү Кыргыз Республикасынын Премьер-Лигасынын оюндары старт алат.

Белгилесек, өлкөнүн негизги чемпионатына быйылкы жылы 14 клуб катышат: Абдыш-Ата (Кант шаары), Алга (Бишкек шаары), Азия-Гол (Чүй облусу), Алай (Ош шаары), Барс (Каракол шаары), Бишкек-Сити (Бишкек шаары), Дордой (Бишкек шаары), Илбирс (Бишкек шаары), Талант (Чүй облусу), Мурас Юнайтед (Жалал-Абад шаары), Нефтчи (Кочкор-Ата шаары), Өзгөн (Өзгөн шаары), ОшМУ (Ош шаары), Кыргызалтын (Кара-Балта шаары).

🎥 Беттештердин түз алып берүүлөрү Кыргыз Спорт ТВ, ЭЛТР жана Регион ТВ каналдарында жеткиликтүү болот.

Премьер-Лиганын оюндарынын жүгүртмөсү, беттештердин жыйынтыктары жана башка маалымат КПФЛдин телеграм каналында жеткиликтүү болот.

#kfu_kg

Премьер-Лиганын старттык турунун беттештеринин расмий өкүлдөрү ✔️

#kfu_kg

КЫРГЫЗСТАНДЫК АДИСТЕР U-20 АЗИЯ КУБОГУНУНДА ИШТЕШТИ

Кыргызстандын адистери континенттин эң мыкты 16 команданын катышуусу менен Кытайда орун алган U-20 жаштар курама командалар арасындагы Азия Кубогунда иштешти.

КФБнын Мелдештер бөлүмүнүн жетекчиси Михаил Толкачев турнирдин тайпалык, жарым жана чейрек финалдык оюндарын кабыл алган Шеньчжень жаштар футбол борборунун стадионунда башкы координатордун милдетин аткарды.

Ал эми Кыргыз Республикасынын футзал ассоциациясынын жетекчиси Абаз Торез мелдештин негизги «Боан» стадионунда коопсуздук офицери катары тайпалык оюндарда, чейрек жана жарым финалдык жана финалдык оюндарда иштеди.

Аталган дайындоолор Кыргызстандын адистери эл аралык аренада талабы бар, жогорку кесипкөйлүккө ээ экендигинен кабар берет.

#kfu_kg

«АБДЫШ-АТА» 2025-ЖЫЛКЫ КЫРГЫЗ РЕСПУБЛИКАСЫНЫН СУПЕРКУБОГУНУН ЭЭСИ БОЛДУ

Бүгүн, 1-март күнү Кара-Балта шаарынын «Манас» спорт комплексинде Кыргыз Республикасынын Суперкубогунун беттеши орун алды. Суперкубок үчүн өлкөнүн учурдагы чемпиону «Абдыш-Ата» футболдук клубу жана 2024-жылкы өлкө кубонунун ээси «Мурас Юнайтед» кез келишти.

Беттештин негизги жана кошумча убакыты жеңүүчүнү аныктаган жок, андыктан пеналтилер сериясы ойнотулду. Анда «Абдыш-Ата» ийгилик жаратып, 4-3 голдук көрсөткүч менен атаандашты жеңди.

Беттештин мыкты оюнчусу болуп «Абдыш-Ата» дарбазачысы Султан Чомоев табылды.

Жеңүүчүлөрдү сыйлоо аземине Кара-Балта шаарынын мэри Мирлан Джекшенов, Кыргыз футбол биримдигинин Биринчи Вице-президенти Нурдин Букуев, Кыргыз профессиональнык футбол лигасынын Президенти Асылбек Кадралиев катышышты.

Нурдин Букуев КФБ атынан «Абдыш-Ата» клубуна 2025-жылкы Кыргыз Республикасынын Суперкубогун жеңгендиги үчүн 30 000 АКШ доллар өлчөмүндөгү сыйлык сертификатын тапшырды.

#kfu_kg

КЫРГЫЗ РЕСПУБЛИКАСЫНЫН 2025 СУПЕРКУБОГУ ҮЧҮН БЕТТЕШИ ЮСУП МУСАЕВДИ ЭСКЕРҮҮ МЕНЕН БАШТАЛДЫ

Бүгүн, 1-мартта старт алган Кыргыз Республикасынын Суперкубогу үчүн болгон «Абдыш-Ата» - «Мурас Юнайтед» беттеши СССРдин спорт чебери, Кыргыз Республикасынын эмгек сиңирген машыктыруучусу, Кыргызстандын XX кылымдагы эң мыкты футболчусу наамынын ээси, кыргыз футболунун легендасы Юсуп Иминович Мусаевди эскерүү менен башталды.

Өз өмүрүн футболго арнаган Юсуп Иминовичтин үй-бүлөсүнө жана жакындарына чын жүрөктөн көңүл айтабыз. Юсуп Иминовчтин элеси түбөлүккө сакталат!

#kfu_kg

КЫРГЫЗСТАНДЫН 2025-ЖЫЛКЫ СУПЕРКУБОГУНУН ОЮН КҮНҮ!

Бүнүн, 1-март күнү Кара-Балта шаарынын «Манас» стадионунда Кыргыз Республикасынын Суперкубогу үчүн беттеш өтөт. Бул оюнда өткөн сезондун чемпиондору жана өлкөнүн атын таанытып келе жаткан «Абдыш-Ата» клубу менен 2024-жылкы Кыргыз Республикасынын кубогунун ээси «Мурас-Юнайтед» клубу беттешет.

🕓 Оюн-зоок программасынын башталышы: 16:00
✔️ Беттештин башталышы: 17:00
📍 Жери: «Манас» стадиону, Кара-Балта
🎟 Кирүү акысыз!

Беттештин түз алып берүүсү Кыргыз Спорт ТВ, Регион ТВ, УТРК Спорт жана ЭЛТР каналдарында жеткиликтүү болот.

Оюн алдында Бегиш, Курал Чокоев сыяктуу белгилүү эстрада жылдыздардын катышуусундагы концерттик программа орун алат.

Белгилесек, Суперкубоктун жеңүүчүсүнө КФБ тарабынан 30 000 $ өлчөмүндөгү байге ыйгарылат.

#kfu_kg

ЫЙЫК РАМАЗАН АЙЫ КУТ БОЛСУН!

🌙✨Сиздерди ыйык Рамазан айынын келиши менен чын жүрөктөн куттуктайбыз! Бул жан дүйнөнү тазалоонун, чын ыкластан дуба кылуунун жана жакшы иштерди ишке ашыруунун мезгили. Ушул берекелүү айдын ар бир күнү жүрөгүңүздөргө тынчтык, сабырдуулук жана шүгүрчүлүк алып келсин.

Орозо ишенимиңизди бекемдеп, өзүн-өзү өркүндөтүү үчүн жаңы мүмкүнчүлүктөрдү ачып, руханий өсүү кубанычын тартууласын. Үйүңүздөрдө ар дайым жылуулук, ырыскы жана береке өкүм сүрүп, жакындарыңыздардын жүзүнөн жылмаюу кетпесин.

Орозоңуздар кабыл болсун!🤲🏻

#kfu_kg