السلام عليكم: اليوم راح اكتب عن موضوع كلكم كطلاب اعدادية وجامعة. تعانون منه. وانا كذلك. عانيت منه بوقت الي كنت بيه طالبة.
الموضوع هو. شلون ندرس المادة الي نكرهها .او الي مانحبها.
كل احنا عانينا من هاي المسألة. واكيد الها اسبابها الي خلتنا نكره هاي المادة
بداية اعرفكم بنفسي
زينة باسم. من محافظة البصرة. معلمة لغة عربية. حاليا ادرس الصف الثاني ابتدائي
واخذت عهد على نفسي انه من اكون معلمة او مدرسة. راح اكون اخت وصديقة وام. وابدا ما (اكش )بوجه طالبة او طالب واتعامل معاهم باسلوب جاف. وانظر الهم على انهم الة وليس بشر
لان اني هم مثلكم عانيت من المدرسة. بمرحلة المتوسطة. للان بسببها اكره مادة الرياضيات.
وحتى تتخطون هاي العقدة. كره مادة معينة. راح ابدا من اليوم الثاني انطيكم نصايح. شلون ندرس المادة الي نكرههها ونتفوق بيها