لكل حد مضايق وومهموم من اي شيء في حياته.

اقرا الكلام وافتح قلبك 🌸

كل شيء في حياتنا يصير لسبب وربي كاتبلنا كل شي، ف ماتلومش نفسك ولا تلوم حد ولا حياتك نفسها وتقول الحياة ظالمة، قال تعالى : ﴿مَاۤ أَصَابَ مِن مُّصِیبَةࣲ فِی ٱلۡأَرۡضِ وَلَا فِیۤ أَنفُسِكُمۡ إِلَّا فِی كِتَـٰبࣲ مِّن قَبۡلِ أَن نَّبۡرَأَهَاۤۚ إِنَّ ذَ ٰ⁠لِكَ عَلَى ٱللَّهِ یَسِیرࣱ﴾

الحياة، والأيام هي ظروف زمان ويقدر الله فيها المقادير، وماليهاش إي تأثير لتكون ظالمة لك، واعلم إن الله وحده مسير كل شي وخالق كل شي بقدر قال تعالى : ﴿إِنَّا كُلَّ شَیۡءٍ خَلَقۡنَـٰهُ بِقَدَرࣲ﴾ 🌸

وخلي في بالك إن ربي عالم بكل شي في داخلك وحتى بالضيقة اللي ما تحكيش فيها لحد، وتخلي في روحك عادي قدام عيلتك واصحابك، انت ادعي بس إن يهدي قلبك ويشرح صدرك حيستجيبلك وهو الذي قال إنه أقرب إلينا من حبل الوريد 🌸قال تعالى : ﴿وَلَقَدۡ خَلَقۡنَا ٱلۡإِنسَـٰنَ وَنَعۡلَمُ مَا تُوَسۡوِسُ بِهِۦ نَفۡسُهُۥۖ وَنَحۡنُ أَقۡرَبُ إِلَیۡهِ مِنۡ حَبۡلِ ٱلۡوَرِیدِ﴾ 🌸

أنت مش محتاج تفكر علاش هكي يصير معاك، ولا تخمم شن بصيرلك بعدين لان ربي معاك ويدبر لك أمرك 🌸

وماتنساش إن صبرك على كل شي يضايقك هذا ليه أجر كبير 🌸قال تعالى : ﴿إِنَّمَا یُوَفَّى ٱلصَّـٰبِرُونَ أَجۡرَهُم بِغَیۡرِ حِسَابࣲ﴾ 🌸