هذه قصيده لاحد المرتزقه.
ويليه الجواب
البدع من الشاعر المرتزق
قال
اواه يا صنعاء كسرتي خاطري
كم لك على هذا المواجع صابره
تخفي دموعك في سيول الماطري
وتضحكي وانتي جروحك غايره
من عكر الجو العليل الشاعري
يا رائعه يا فاتنه يا ساحره
يا سر احساس القصيد الشاجري
حتى جعلتيهن حدائق زاهره
يا امسي الزاهي و نشوة حاضري
وفي خيالي و الحقيقه حاضره
الشوق لك سجني وحبك آسري
حتى شراييني بحبك زاخره
لا تنحني للخاين المتآمري
بكره تعودي والخواطر جابره
و كابري يا اجمل مدينه كابري
ولا يرو لعدا دموعك ما طره
الشعب من شانك مقاوم ثائري
بكره تعودي من رجسهم طاهره
لن تخضعي كلا لعجل السامري
بإذن الذي سوا النجوم السامره
لو ينقلو باب اليمن للدائري
والدائري يرجع مجرد دائره
الشاعر أحمد علي داود شاجره
ابومنعم
٢٥ نوفمبر ٢٠١٩
الجوااااااب
تستاهل الذله وكسر الخاطري
يا بايع العزه بدقنه فاجره
وكم قد صبرنا لجلكم يافاتري
وكم لي على ذلك ومكرك صابره
ما يوم او ساعه سلي لك خاطري
وهذا لاني من خداعك ماطره
من خست اعمال العميل الماكري
من خست اعمال الوجيه الكافره
ولا اقبل الخاين يدنس خاطري
والمقبره جاهز وانا لك حاضره
وعمري على الهامات شامخ عامري
وصعبه دخول العاصمه والفاخره
ودنبعكم ساوى لعجل السامري
لكن موسى العصر سل الطاهره
تحرم عليكم يالعبيد الماكري
وفي دفن اعدائي تراني شاطره
لو ضدنا الاكوان هي متآمري
وكل الكواكب ضدنا متآمره
ما تدخلوها دام فيها عامري
اما دامت الانصار فيها عامره.
هذا قرار اول وهذا الأخري
وقولو لواشنطن تقل للفاجره
ك. .نمري مطر
https://t.me/aboabdallahmatar
