Frontdan xat...
Salom.
Yozayapman senga bu xatni,
Yetib bordimi-a?
Yaxshi, xursandman.
Yig'lama... tanamda hali jonim bor,
Halok bo'lmoq uchun axir fursatmas.
Urush ketayapti juda shavqatsiz,
Qonlar qoplayapti yurgan yo'limni.
Ko'zim qonga to'lgan.
Qo'llarim ham qon,
Qarshi olayapman har kun o'imni.
Bilsayding bu yerda mitti temirlar,
Minglab odamlarni o'ldirayapti.
Tanamda o'zga bir inson qimirlar,
U qo'llarim qonga to'ldirayapti.
Bugun yana urush, avtomat ushlab,
Chiqaman odamlar o'ldirmoq uchun.
Qancha ko'p o'ldirsam, shuncha ko'p yaxshi,
Ko'plab o'lik jonlar belgilar "kuchim".
Eslaysanmi mening kechagi kunim,
Kecha bundaymasdim, qotil emasdim.
Hatto, kichkina bir hasharotni ham,
Qo'limdan jonini olish kelmasdi.
O'ylasam men otgan odamlarni ham,
Balki, uylarida yaqini kutar.
Meni bilmasa ham, tanimasa ham,
Balki, butun umr la'natlab o'tar.
Kecha ko'z o'ngimda bo'ldi katta jang,
Hamma joyda olov, osmon to'la dud.
Huddi, qizg'aldoqday minglab odamlar,
Qonlari qopladi ulkan bir xudud.
Bahaybat bu tanklar eng vaxshiy qotil.
Qirib tashlayverar yo'ldan chiqqanin.
Mashinami, uymi yoki tirik jon,
Farqi yo'q, tank uchun u faqat g'anim.
Bu yer qarg'ish tekkan eng katta maskan.
Bu yerda kezadi notinch arvohlar.
Balki, ular ruhi topmagan taskin,
Shu sabab, tunlari chekishar ohlar.
Sen qo'rqma, sen tomon borolmas g'anim,
Bunga yo'l qo'ymayman jonimni tikib.
Axir, sening qalbing- mening vatanim,
Uni asragayman qonimni to'kib.
2
Men juda sog'indim seni va uyni,
Qaytgim kelar vatan tuprog'in bosib.
Afsus, shu urush deb qoldirdik to'yni,
Kut meni devorga suratim osib.
Men hali qaytaman g'alaba bilan,
Ko'simda o'q emas nishon bo'ladi.
Sen faqat Allohdan yaxshilik tila,
Bu yomon g'oyalar bir kun o'ladi.
Faqat, hozir tanam sal sovuq qotdi,
Yurak ham muzladi, o'zgardim biroz.
Qalbni nishon qilib dushman o'q otdi,
Mayli, meni aybla, qilgin e'tiroz.
Boshimga tushganda ko'p qora kunlar,
Eng yaqin do'stimga aylandi qurol.
Jonga tegib ketdi bu Kapitanlar,
Buyurar- "G'animni borib jonin ol".
Bilsang, men o'zimni o'xshatdim kimga,
Jallodman qo'lida bolta ushlagan.
Buyursalar qarshi chiqmay xukmga,
Jon olib kimningdir ko'nglin hushlagan.
Qaytaman, ko'rasan hali vatanga,
Boshimni tik tutib, ko'kragim kerib.
Hamma qoyil qolar, bu "metin tan"ga,
Qahramon deyishar, medallar berib.
Lekin bu narsalar menga kerakmas,
Qo'lim qonga botgan, axir men qotil.
Ko'plab onalarni zor qaqshatganman,
Farzandin ko'ksiga o'qlarim otib...
Bitta fikrda ko'p o'ylanib qoldim,
Balki, nikoximiz buzganing yaxshi.
Bu yerda men toshga aylanib qoldim,
O'zga bilan baxting tuzganing yaxshi.
Iltimos, sen meni tushungin to'g'ri,
Men faqat o'yladim sening baxtingni.
Bu xatni yozyapman... (yuragim og'rir),
Meni deb o'tkazma bekor vaqtingni.
Axir, bittagina mitti temircha,
Meni sendan judo qilishi mumkin.
Yurgan yo'lim hatar, bilsang har kuni,
Tanamni yov o'qi tilishi mumkin.
Mayli, ne bo'lsa ham erking qo'lingda.
Seni zo'rlamayman kut deb, yo kutma.
Muhumi yiqilma hayot yo'lingda,
Va maktub yozishni sira unutma.
Doimo, o'zingni qilgin ehtiyot,
Meni deb qayg'urma, men amallayman.
Tanamni o'q teshsa bordir tibbiyot,
Hali ko'plab xatlar senga yo'llayman.
2017y.
✍FAZLIDDIN MUROD
@Sheriyat_FM @Muhammad_Yusuf_ijodi
