The Tiger's Apprentice (2024) " 4K HEVC "
~ IMDb - 7.2/10, Rotten Tomatoes - 59% ~
EEAaO နဲ့ အော်စကာရခဲ့တဲ့ မလေးရှားလူမျိုး တရုတ်မင်းသမီး Michelle Yeoh, ချားလိစ်အိန်ဂျယ်နဲ့ လူသိကြတဲ့ တရုတ်နွယ်ဖွား အမေရိကန်သရုပ်ဆောင် Lucy Liu, အခုနောက်ပိုင်းတော်တော်နေရာရလာတဲ့ ကိုရီးယားနွယ်ဖွား အမေရိကန်သရုပ်ဆောင် Sandra Oh, မလေးရှားလူမျိုး အမေရိကန်သရုပ်ဆောင် Henry Golding, တရုတ်နွယ်ဖွား အမေရိကန်သရုပ်ဆောင် Brandon Soo Hoo တို့လို နာမည်ကျော် အာရှသွေးနှော အမေရိကန်သရုပ်ဆောင်တွေ စုပြုံပြီး အသံသရုပ်ဆောင်ပေးထားတဲ့ အမေရိကန်ရောက် တရုတ်ဇာတ်လမ်းနဲ့ အမေရိကန် ကာတွန်းရုပ်ရှင်ပါ။ ၂၀၀၃မှာ ထွက်ခဲ့တဲ့ Laurence Yep ရဲ့ နာမည်တူဝတ္တုကိုပဲ အခြေခံထားပြီး Monster Hunt ကိုရိုက်ခဲ့တဲ့ ဟောင်ကောင် အန်နီမိတ်တာ Raman Huiက ရိုက်ထားတယ်။ ပါရာမောင့်က ထုတ်လုပ်ဖြန့်ချီပေးထားပါတယ်။
နူဝါဆိုတဲ့ တရုတ်နတ်ဘုရားမက ဇာမဏီငှက်ရဲ့စွမ်းအားကိုသုံးပြီး လူသားတွေကို ဖန်ဆင်းခဲ့တယ်။ အဲဒီဇာမဏီရဲ့ စွမ်းအားဟာ ကောင်းတဲ့လူလက်ထဲရောက်ရင် ဖန်တီးနိုင်စွမ်းရှိပေမဲ့ မကောင်းတဲ့လူလက်ထဲရောက်ရင် ဖျက်ဆီးနိုင်စွမ်းကြီးတယ်။ အဲဒီဇာမဏီက ကျောက်တုံးတစ်ခုထဲရှိနေတယ်။ အဲဒီကျောက်တုံးကို အစောင့်အရှောက်လို့ခေါ်တဲ့လူက ကာကွယ်ရတယ်။ အဲဒီအစောင့်အရှောက်ကို ရာသီခွင်အကောင် ဆယ့်နှစ်ကောင်က ပြန်ကူညီပေးတယ်။ အဲဒီကျောက်ကိုလိုချင်နေတဲ့ မိစ္ဆာမကြီးက အစောင့်အရှောက်အဘွားကြီးနဲ့သူ့မြေးနောက် တစ်ချိန်လုံးလိုက်နေခဲ့တယ်။ ရာသီခွင်၁၂ကောင်ကလည်း သူတို့မြေးအဘွားကို ကာကွယ်ပေးခဲ့တယ်။ ကလေးကို စိတ်ပူတာမို့ သူတို့တွေ ဇာတ်မြုပ်ပြီး နေနေကြတယ်။ တစ်နေ့မှာ ကလေးက သွေးထဲကပါလာတဲ့ အစွမ်းကို ထုတ်သုံးလိုက်လို့ အဲဒီအစွမ်းကို အနံ့ခံမိသွားတဲ့ မိစ္ဆာမကြီးက သူတို့ဆီဆိုက်ရောက်လာခဲ့တယ်...