#قصائد_محرم_1442ﮫ
#الرادود_سيد_علي_الجابري

فدوة الك كلهم بنيني
يا ٲمامي ونور عيني
والله ما عزهم عليك
ولدي كلهم بين اديك
****

من الطفولة وانة نطرة*هذا يومك يالحسين
يلة ياولدي النشامة رايدة تعب السنين
كحلو عين الدينة كحلوانتو ولد ام البنين
صيتي فوك النجمة اريدة**وتشهدلنة العالمين

خادمة خليني يمك
منهو ابوك ومنهو امك
يا سلام الله عليك
ولدي كلهم بين اديك
****

جعفر وعبدالله يمة**ظهرك وظهر الكفيل
وعندي عثمان الغظنفر**وينة وشحدة اليعيل
تشهد الدنية عليهم** والكمر اااااكبر دليل
مشو بدروب الشهادة**وهل درب ماكو بديل

اربعة اورود وشباب
فدوة لحجاب الرباب
بوجة ابيض كون اجيك
ولدي كلهم بين اديك
****
ٲنطر ٲباب المخيم**كلبي وية الراية دكتة
لٱ يهيد ولا يبطل**وبالنهاية الوحدة عفتة
فجاة لان رد المكانة**من بعيد حسين شفتة
من كثر طعنات جسمة**انة امة وما عرررفتة

ولدي ما انشد عليهم
وحنة ما شافة اديهم
انتة مولاي ارتجيك
ولدي كلهم بين اديك
****
انة اوصيكم وصية**من علي هذي اسمعتهة
وياية عاشت كل حياتي**ابراسي ما لحظة عفتهة
حسين وطفالة اامانة** وزينب بكلبي شلتهة
بكلبي ضلت هل وصية**والبوفاضل سلمتهة

هل كمر كد الوصية
كلة ٲخلاق وحمية
كلبة ينبض بس عليك
ولدي كلهم بين اديك
****
المهم عِنـ.̷̷̸̷̐ـديّ الٲمامة* *المهم سالم يرد
اربعة انطيت وقليلة* *انطي لْـۆ عندي بعد
وياك يحسين الشهادة* *والله احلى من الشهد
حسين بالدنية ٲمامي** وبالقيامة اكبر سند

عل ارض ولدي شفتهم
ركضت يمك ماشلتهم
بكلبي كبرك يحتويك
ولدي كلهم بين اديك


مهند الشمري

https://t.me/y2_7y