نعي🔥🔥🔥🔥🔥🔥
بقلم ام انور الذبحاوي
على طور  بعد وكت

https://t.me/omanor
ـــــــــــــــــــــــــــــــــــــــ


شوكت ترد/ يالغايب وصار اهواي
شوكت ترد / وحشه الليالي بعيناي

والعشره هانت جا ليش
اوگلي انه اعوضك ها بيش
بلياك مايحله العيش
ياامل روحي ودنياي

شوكت ترد
اااااا
عالباب عيني تناطر
كلساع اكولن باجر
يرجع الجان امسافر
ابقه انشد الرايح جاي

شوكت ترد
اااااا
لا لا تخيب اضنوني
يمته ترد يعيوني
بويه بغيابك مليت 
وماريد هالدنيه هاي
شوكت ترد
اااا
تچوي ينار الفركه
يون الكلب من حكه
لومات لتلوموني 
كلبي انجرح ضاع ادواي
شوكت ترد


البنيه ياهو الي الها
انته تره املها
فراكك صعب كتلها
يابعد ذني عيناي
شوكت ترد


ام انور الذبحاوي

https://t.me/omanor