قدوتي زينب عليها السلام:
حماسية للنبي ص
مات هليوم سيد الرسل مولانه
مات مظلوم يازهرة ياحزنانه
------------
الزهرة لمصاب النبي نصبت عزية
اعلى طه المصطفى هاي المسية
اتكول ياوسفة الابو راح من ادية
الجان كل يوم اليمر ينشد علية
وهسة ياناس رحل وخلانه
مات مظلوم يازهرة ياحزنانه
--------------------------
تصيح ام الحسنين ابدمع جاري
اظلم البيت على فراكك يغالي
يانجاه الامه يارحمه الباري
عكب عينك ياالابو وحشة الليالي
ياابو ابراهيم ظلمه اصبحت دنيانه
مات مظلوم يازهرة ياحزنانه
------------------------------
غاب نور المصطفى وظلموا الزهرة
وبقت مهضومه وتون تجذب الحسرة
ومنهة مكسور الضلع ياهو اليجبرة
وتنحب وياهة وتون زينب الحرة
انهدم ركن الدين او مسرورين عدوانه
مات مظلوم يازهرة ياحزنانه
-----------------------------
بس غبت يابوي ياسيد البريه
هجمت الكوم وخانت بالوصية
دفعوا الباب اكسروا ضلعي الرذية
وطاح محسن وانغمه ويلي عليه
والله بعدك لكظي العمر حزنانه
مات مظلوم يازهرة ياحزنانه
----------------------------
كلي يالمصطفى دارك كيف اطب ليه
اظلم وموحش يروحي من اصد ليه
والكلب كلي ابغيابك بيش اسليه
والله مجروح يغالي اشلون اداويه
بيته ااظلم خالي وبجانه
مات مظلوم يازهرة ياحزنانه
----------------------------
انه لكضي العمر والدمع غدران
على افضل الرسل ابيت الاحزان
الجان خادمته الملك والانس والجان
رحل ولجلة مظلمه هاي الاكوان
حيف دنيانه ماانصفت ويانه
مات مظلوم يازهرة ياحزنانه
-----------------------------------خادمه الحسين ع العلوية ام غيث الذبحاوي
تمت الحمد لله

حماسية للنبي ص

يازهراء الليلة الابو تودعينه
يازهراء والمرتظى اتهل عينه
بالكتاب وعترته النبي ايوصي امته



يانبي الامه ياهادينه
الزهرة لمصابك تون وحزينه
الحسن يبجي عليك وتهل عينه
يازهراء فراكه صعب ياذينه
يازهراء لو غاب منهو لينه
ابعلي وبضعته النبي ايوصي امته



فاطمه بياحال لجل الغالي
اتصيح ايبوية اياالغالي
والله بغيابك فكدت امالي
يازهراء لجلة العين همالة
يازهراء والاملاك تنعاله
رحل تارك عترته النبي ايوصي امته



اليوم طه المصطفى اختارة الإله
الروحه اتهيئت املاك السما
لجلة صرخت فاطمه وا ابتاه
يازهراء الشيعة تدك عالهامه
يازهراء صرنه ابغيابة يتامه
بالصلاة وصيته النبي ايوصي امته



شال نعش المصطفى حامي الحمه
وطلعت الطاهرة بنته فاطمه
والدموع اتسيل عالوجنه دمه
يازهراء جن وانس حزنانه
يازهراء والاملاك ويانه
اشلون شال اجنازته النبي ايوصي امته


اليوم ابيي راحوا ايدفنونه
وعلي لمصابة تهل عيونه
ابيهدة للمرسول لو شلتونه
يازهراء غايب نبي الامه
يازهراء والاكوان مضلمه
الابوهة رادته النبي ايوصي امته


خادمة الحسين ع
العلوية ام غيث الذبحاوي
تمت الحمد لله📝