كأنو طوّل الوقت شوي ليرجع كلشي عادي!
ولا هاد الطبيعي وكلمة عادي رح تبقى كذبتنا الأبديّة لتمرق هالأيام الي قلنا عليها آخرها تعدّي!
والناس ليه صايرة شياطين بلا قرون وهيّ ع اساس بتصلّي وبتصوم!
الرفقة ليه هيك عم تخون ! أنا كنت مفكرة انهم اصحابي
بس طلعوا لئمة وراحوا وتركو وهجروا وخلّوا كلشي وماسألوا!

انا دايماً لوحدي في حالي بقيلي عنجد كم ذكرى وسؤال مو جواب ع كتير شغلات انعملت ضلت عم تحفر بقلبي ..
بس لا تطلعي عم بحفر نازلك..
لأنو في عالم عم تأمن وعالم عم تكفر..
صار عندي خوف ساكن ضلوعي من أي حدا جديد يمكن هيدي الحقيقة بطّلنا صغار ..
لهيك احلالي امشي وحدي بلا رفيق وكفي هالطريق ع المهل وع الهدا..
هيك ع الأقل مابيبقوا عم يزرعو وانا بقبّع شوكي .

_زهراء
#شويّة_بديل