Репост из: 手机卡流量卡电话卡香港卡银行卡
النهارده ولأول مره في المواصلات أشوف راجل متعصب كده وبيتكلم بكل نرفزه وحرقة دم وصوته جايب أخر العربية.
كان بيقول : خلاص يا إسلام أنا تعبت ومبقتش قادر أتحمل اكتر من كده ، 17 سنة مستحمل واقول هانت بكره تعقل بكره تعقل ، لكن لا هي بتعقل ولا بكره بيجي.
أنا عندي أعيش لوحدي وأموت لوحدي ولا أني أكمل مع واحده قلبها جامد بشكل ده وعلي خلاف معايا طول الوقت.
بيسكت شويه.
صوته بيهدي.
بيرجع يكمل تاني ويقول : أنا مش صعبان عليا غير حياتي اللي ضاعت في الوهم علي أمل إنها تتغير ، وعلي بنت الأصول اللي بعتها زمان ؛ اللي لو يرجع بيت الزمن والله مهختار غيرها.
من كام سنه يا إسلام روحت أتجوزت واخترت بنت الحسب والنسب وام شكل مفيش منه اتنين.
والنهارده الحسب والنسب بينصروا بنتهم عليا ، والشكل راح. ومفضلش غير واحده متشبهليش.
كلنا فينا عيوب بس عيوب عن عيوب تفرق واللي متقفش معاك في أزمتك تبقي محبتكش ولا تستهلك ولا هتحبك.
خلص كلامه وقال : خلاص أنا خدت قرار الطلاق وأنا من جوايا راضي وقدر الله ماشاء فعل.
بسرح بخيالي وبفكر في آي اللي ممكن يخلي إنسان ينفر من حد بشكل ده ؟
افتكروا دايمًا إن الأحسن في الأحسن منه ف اختاروا دايمًا الانسب عشان ميجيش اليوم اللي نوصل فيه لكده ونقول ياريتنا ، لإ ظلم النفس مش هين ولا حتي ظُلم الغير وكُله بيترد حتي لو بطريقة غير مباشرة.
ف ربنا يرزقنا المناسب دايمًا وينور بصريتنا فيه.
سلوى عبد الرحمن
