POYKENT NURI بويكنت نوري

ЖУМАНИНГ СУННАТЛАРИ:

🌼 Жума учун ғусл қилиш.

🌼 Хушбўй нарсалар суртиш.

🌼 Чиройли кийимлар кийиш.

🌼 Жумага виқор ва сакина билан эрта бориш.

🌼 Жума куни баданни тозалаб, ҳайъатни гўзал қилиш.

🌼 Жума куни Каҳф сурасини қироат қилиш.

🌼 Жума куни ва кечаси дуони кўп қилиш.

🌼 Жума куни ва кечаси Расулуллоҳ соллаллоҳу алайҳи васалламга кўп салавот айтиш.

🌼 Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш.

🌼 Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир.

🌼 Жума намозининг фарзидан аввал ва кейин тўрт ракъатдан суннат намози ўқиш.

🌼 Жумада мудраган одам бошқа ерга ўтиб олиши.

#Янги_кун
#Намоз_вақтлари
3 – 9 май

Ассалому алайкум ва раҳматуллоҳи ва барокатуҳ!

Бугун  жума
3 май, 2024
24  Шаввол, 1445

БОМДОД:              04:55
ПЕШИН:                 13:10
АСР:                        17:50
ШОМ:                      19:50
ХУФТОН:                21:30
•┈•┈•┈•┈•❁✿❁•┈•┈•┈•┈•

Аллоҳ таоло бугунги кунимизни барчамиз учун хайрли ва баракали қилсин!

— Одам учта нарсанинг қадрини доим кечикиб билади. Ёшлик. Соғлиқ. Тинчлик.
— Дўстни хўрлаш – гуноҳ. Умр йўлдошини хўрлаш – юз ҳисса гуноҳ. Ота-онани хўрлаш – минг ҳисса гуноҳ. Гўдакни хўрлаш – чексиз гуноҳ...
— Иш кўплиги-ю, вақт йўқлигидан нолиманг. Вақт кўплиги-ю, иш йўқлигидан қўрқинг. Одамни абгор қиладиган нарса – бекорчилик.
— Ҳатто, булбул ҳам бола очганидан кейин сайрашни бас қилиб, полапонларига емиш ташийди.
— Эрталаб турганингда, кундузи юрганингда, кечаси ухлаганингда ҳеч қаеринг оғримаса шунинг ўзи бахт!
— Ақл билан мансабга эришиш мумкин. Мансаб билан ақлга эришиб бўлмайди.
— Дунёда мукаммал нарса йўқ. Ҳатто Муҳаббат деб аталмиш олий туйғуда ҳам адолатсизлик бор. Ким қаттиқроқ севса, ўша кўпроқ изтироб чекади.
— Инсоннинг баҳоси бу дунёда ўзи олгани билан эмас, ўзидан қолгани билан белгиланади.

Ўткир Ҳошимов

Тафаккур қилинг!

•┈•┈•┈•┈•❁✿❁•┈•┈•┈•┈•

Ривоят қилишларича Абдулқодир исмли бир меҳнаткаш йигит бўлиб, ўзининг тўғрисўзлиги ва соддалиги билан элга машҳур экан. Унинг тинимисиз ҳаракати ва меҳнатига яраша Аллоҳ ҳам деҳқончилигига баракотни дариғ тутмас, хосили доимо унумли бўларкан. “Эй Аллоҳим, мени элим корига ярайдиган қил, шу юртда кўз очдим, шу юртда кўзим юмилар, токи жасалим тупроққа айланиб, тупроғи ҳам шу юртга хизмат қилсин” деб тилар экан.
Кунлардан бир куни бой кўшниси ҳаж сафарига бориб қайтибди ва икки ҳарам кўрганини жуда қизиқарли қилиб сўзлаб берибди. Бундан Абдулқодирнинг юрагига ҳаж мухаббати тушиб астойдил захира тўплашга киришибди. “Интилганга толе ёр” деганларидек ҳолис тилакли кишиларнинг ниятига етишини Аллоҳнинг ўзи вожиб айларкан. У мўлжаллаган захирани тўплаб, ҳаж сафарига кетаётган бир карвонга қўшилиб йўлга тушибди. Карвонда асосан бойлар бўлиб, улар Абдулқодирни кўп мазаҳ қилишар, у эса карвондаги одамларга ёрдам қилар, тиқилиб қолган араваларни суриб чиқаришарди. Худди хизматкордай ҳамма ишга ўзини урар, аста секин барча уна хурмат қила бошлабди. Бироқ карвонбоши мазах қилишни қўймабди. Хулллас карвон эсон омон Маккатуллога кириб борибди. Ҳожилар ҳаж амалларини аста секин бажариб орқага қайтишибди. Ҳамма енгил тортган, ўз амалларидан хурсанд бир кун йўл юришибди ва чарчаб дам олгани тўхташибди. Тунда карвонбошининг тили қичиб Абдулқодирни махах қилмоқчи бўлибди: - Эй йигит, мана биз билан ҳаж қилдинг, ҳаж амалларини бирга бажардинг, лекин ҳожи бўлганингга баротинг (хужжат) қани?
- Ия қанақа барот?! – дебди Абдулқодир.
Карвонбоши мийиғида кулиб дебди:
- Баротсиз ҳеч ким ҳожи бўлолмайди.
Абдулқодир бечора бу гапга лаққа ишониб, дод деб орқага қайтибди. Ҳамма орқасидан кулиб қолаверибди. Абдулқодир кўзидан шашқатор ёш оқизиб, бошини ҳарам остонасига қўйиб илтижо қилибди: - Эй, Аллоҳим мен бечорага раҳминг келсин. Мен харом таомдан ҳазар қилдим, элим деб яшадим, элим корига доимо камарбаста бўлдим. Қўлимда боримни бева-бечорадан аямадим, нахот мени баротдан қисдинг? Ё мени ҳажим қабул бўлгани тўғрисида барот ёки жонимни ўз уйим остонасида ол. Ота-онам мендан рози бўлиб дунёдан ўтишган. Бутун қишлоқ аҳли йиғлаб дуо қилиб мени кузатишган. Ахир баротсиз улар олдига қандай бораман?
Бечора Абдулқодир беҳуш уҳлаб қолибди. Шунда тушига Пайғамбаримиз Муҳаммад (с.а.в.) кирибдилар: “Эй ўғлим, ғамнок бўлма, сен ўз эътиқодинг билан Аллоҳ раҳматига етишдинг. Насиб этса жаннатда мен билан бирга бўласан. Мана сенга барот, ҳожиларнинг ҳажи қабул бўлди. Энди тезроқ бор, сен қўшилган карвон анча узоқлашиб кетди”
Абдулқодир ўзига келиб кўзини очса қўлида барот. У ўзида йўқ хурсанд бўлиб, Аллоҳга ҳамду-сано айтиб тағин ҳушидан кетди. Яна унинг тушига Муҳаммад пайғабаримиз кирибди: “Эй ўғлим яна сенга нима керак? Элим деб яшабсан, ҳимматингга балли. Аллоҳ элингни ризқини мўл қилди. Энди бор. Кўзингни оч, сен ўзинг келган карвондасан”
Абдулқодир кўзини очса, карвон дам олаётган жойда пайдо бўлиб қолибди. Ҳамма ҳангу-манг, карвондагилар унинг қўлидаги баротни кўзларига суртиб, Аллоҳга ҳамду-сано айтиб йиғлашармиш.

#Янги_кун
#Намоз_вақтлари
26 апрель –  2 май

Ассалому алайкум ва раҳматуллоҳи ва барокатуҳ!

Бугун  пайшанба
2 май, 2024
23  Шаввол, 1445

БОМДОД:              05:00
ПЕШИН:                 13:10
АСР:                        17:50
ШОМ:                      19:45
ХУФТОН:                21:25
•┈•┈•┈•┈•❁✿❁•┈•┈•┈•┈•

Аллоҳ таоло бугунги кунимизни барчамиз учун хайрли ва баракали қилсин!

Асал сотувчи киши сирка сотувчидан сўради:

— Одамларга нима бўлган ўзи? Сендан кўп харид қилишади-ю, менга қараб ҳам қўймайдилар?

— Мен асалдек ширин тил билан сирка сотаман. Сен эса сиркадек аччиқ-нордон тилинг билан асал сотасан.

Гап молда эмас, муомалада.

Энг муҳими — молдан олдин тақдим этилган гўзал хулқ, чиройли муомала ва мол эгасининг одобдир.

Ширин сўз билан атрофингдаги одамлар қалбини ишғол эт.


•┈•┈•┈•┈•❁✿❁•┈•┈•┈•┈•