(نزله ام البنين)
خبر منك يا وكت يلفينه      والله مشتاكين الك تدرينه
******************
يلي خذت وياك كلشي وسافرت
ياحبيبي ليش عني تاخرت
حسين بغياك تراني تمرمرت
جرح بعدك بالكلب ياذينه
*******************
ليش يمه بداركم عفتوني اون
مثل حن الثاكله ضليت احن
صار ابيض يمه موحته الجفن
ينتضر ضل الكلب بونينه
******************
حسين من بعدك احس بلا وجود
يمته من هذا السفر ليه تعود
الدمع يا يمه نطبع فوك الخدود
اخ يا نار البعد تجوينه
*****************
انتضر جيتك على حر من جمر
ياكل بروحي الزمن لمن يمر
كل شي خذت وياك ما خذت العمر
حته لو بالطيف بس مر بينه
*************************
عيني مشبوحه ييمه اعلى الدرب
لا وصل مرسال منك لا كتب
ليش رحتوا وانه عفتوني بحرب
يمته ترجع بالفرح تسكينه
***********************
الله اكبر يمه لو صار الغروب
روحي احس من البعد شمعه وتذوب
يمه مو عشت بحرب عشت بحروب
اتمنه بس ترجع تشوف لبينه
****************************
خادم الحسين عباس الصالحي


https://t.me/qrtahu