متذوقي الشعر الشعبي

خاص بالبنات 🙈🙈 ولد عيب لدخلون😉
جريئه 🔞

https://t.me/joinchat/AAAAAEdmTyEIRZMPhPYOlg

(حلم)

يعبرّني السكوت شراع لعيونك واضم عن شوفتك تعبي
واجيس چفوفك الحلوه اغاني وشمس عصريه وشعر شعبي
وحدر غصن الزلف عصفور اذب تعبي
وافز والگاك مويمي
واكفر بالصحو الباگك من عيوني ولچم گلبي
غصن عطشان ياگلبي
ياصاحب المتعوبين ياگلبي
هايم مثل المتيهين ياگلبي
هايم والدروب السود يغرك بيهن خيالي ويرد ضامي
واجيك من السهر للطيف احضنك چذب باحلامي
واگلك هاك
انه بدونك صور متشابهه ايامي
واگلك ليش ماتحله الليالي إلا من اگول اسمك
صدى ليلة مطر يندار بضلوعي من اگول اسمك
حزن كل الاغاني يورّد بروحي من اگول اسمك
واسافر بالونين شراع واسكت والبچي يرسمك
اسكت واشتعل والگاك بركاد النفس شهگه
واصبر الروح بالدخان
واجيك من الرماد ولايه محترگه
واجيسك مشتعل جمره بهبوب الريح
واطفه بأول الشبگه
واكلك ويّه كل شهگه اشتهيت اضحك بوجهك والدموع تزيد
ياذلّة دموعي التغفه كل ليله على الوجنات وانته بعيد
يارخص ال هلا التذبل وره البيبان وانته بعيد
ولك يبعيد يالبيه
يالبيك الضحك شمسين بيه من الحزن غنوه جنوبيه
وبيه من التعب چم ليل مابين السهر والحيف بهتت كل معانيّه
وليل من النشد والشوگ اضويلك بأثر كل دمعه گمريه
بأثر كل السمار الدافن همومي بتجاعيده
اخضّر كون الك جيه

_مصطفى الخزاعي

وانه اعله نغمات الربابه

لـ طـيف محبوبي إحن

وادلالي فاحن هيل ،
والهاون يـرن ،
وأصبع يطگ



- زامــل سعيد فتاح

#ابن_لعيبي

كل غريب يشوف عينك
يذكر أهله




لـ آمير صـبحـي

#حسين_محمد

عودتني

أترك أبيتك بطاقة عيد وموعد

واكتب بابك اذا مسافر چـلمتين

ولگيتك سافرت من غير رجعه


#مظفر_النواب

أنه گلبي نذر لليشتري الخفگة
وذرعاني نذر لليشتهي الشبگه




#مصطفى_الخزاعي

حته السمه اتغيرت
باعتني واني الجنت لعيونها مرايه






#ميثاق_الهلالي

الفرح طيف ونسيته وراح من بالي




- عطا ⁩السعيدي

مو بس وادمي اتغيرت حتى الكاس
شربته ابحركه لكن بيه مانسم.




- وليد العوادي

يجي يوم إنلم حزن الأيام
وثياب الصبر
ونرد لأهلنه
يجي يوم
الدرب يمشي بكيفه
وياخذنه لوطنه



- مظفر النواب

ياسر فليح يگـول ؛

روح شمـا تريد تروح تاليتك تجي ببالي 💙 .

شلونك ..؟
زينه هيه وهذا يكفيني

شخبارك..؟
كالو حيل مرتاحه هل ايام
بس طروها ياخذني ويوديني

جا وانته ..؟
انه..؟
اروحن فدوه الها من تخليني

شبيه عيونك مغوشه وشحيب شوف..؟
مدام ابعاد ما مش فايده بعيني

جا صوتك شجاه شو رايح ومبحوح..؟
جنت انه طفل وهيه التناغيني

شكو ماكو بعد..؟ صدكوني مامش شي
بس العمر عدة وركضت سنين

مامش رده الهم ..؟الله يعلم عود
أذا ردو صدك ترجعلي عشريني

ويخضر سواد بشعري مو بس شيب
وما دمع لم̷ـــِْن واحد يحاجيني

ولا اسولف بجي ولا اغاني احزان
وشفتي من الضحك تعبر على جبيني

واذا ما ردو انته شلونك بهاي ..؟
اناماً موت بس محد يصحيني

وافز بن دفوه اليل بردان
واغاني احزان اغنيهه وتغنيني

وتوحش واصير انسان مكروه
واكل كل بشر بذكره ياذيني

مرات من اغمض اشتهي الموت
ومن اسمع حجيهم والله يحيني


حسين محمد

شلي بغيرك؟
يَـ بيه منين مااديرك ،

#شريف_سعود

هلــبــت
مــن تمرّك آه تتشاهد حسرتي
ياربيع الريــف

هلــبــت
مــن يمرّك ظيم تتناگث فرحتي

آخ والهلبت سفينه وشطّك المحبس والمعاتب شذرتي!

هــا يـ عيني مايج الفاهي قرارج
ودومج ادورين رايج ولاذبلــتي


لــ سيــد عباس الغالبي

مشو بيّه، وصرت ب احضان تابوت
واصيحن آخ حتى من الهوى يفوت
ميّت بس أحس بداخلي إنسان
يريد يصيح بس مايطلع الصوت
شاعر وانلچم من طاري الفراگ..
واغرگ بالدمع من ابچي بسكوت
جوه الگاع اغني وما اهتميت
هذا المايعرف يموت... و يموت





زياد البصراوي

🍂
كون الله بكثر ما رقه منطيك
مخليلك ضمير ..
وذرة احساس
الف مره كلتلك ..
كلبي مو زين
يوجعني اذا بالطيف تنباس
اذا مابيك وجهي تبيضه فد يوم
انه اترجاك كافي تبيض الراس !!
،
،
،
لـ فاضل كريم

ها هية ودآعتج لآتستحين ؟!

دوسي فوك الروح .. العبي..
او اعديني ولا تجــــين

حبي غيري .. اتشاقي .. اضحكي ..
... صاحبي..وحقج يحلوه تصاحبين

انتي مو اول حبيبه
تشكك بسجينها ثياب السنين

ليش كل احنه حزانى ؟
لا يشيل هموم كلبج
يكفي بس اني حزين

يكفي اشيل اهمومج

اهموم الشماته

اهموم وكتي .. ؟!

وكلهن بهل الركًبه دين

مو عجيبه تموت

*كطرة نده بخد الياسمين*

واني وحده اللي احبهه

وانتي ؟ يدري الله ؟!

اشكثرهم..عاشكين..ومعجبين..وعاجبين

وماكول اكثر شكولن ؟!

هوه ذنبي

لا سكنت اويه الاجوني

ولاتبعت الراحلين

ولانه خالي ومختلي ومرتاح بالي

ولانه من العاشكين ؟!

ومدري ليلي شلون اخلصه

لاسهرت اويه السهارى ولاني من النايمين

ولاني عابد وارتجي الجنه امن اموت
ولاني من الكافرين

انه قصتي وياج قصه انكتبت بورقه قديمه
وخط حزيـــــــن

وانه وين وانتي وين

وليش اوج واشتكيلج وانه اعرفج

تطفين الحريق ابانزين .!!!!

واعترفلج .. انتي ماعندج ذنب

واعترفلج .. اني جنت بلا كلب

شلي بعلوم الاحبهه وما تحب

وشلي بالعين الوسيعه الما تضم بصبيها تصوير المحب ..

وشلي بالنار بشته العشاك تطفه وما تشب ..

وشلي بالكذله ابهبوب الريح ماتلعب لعب ..

وانه وين وانتي وين

انه لحظه ؟ اشجابها اللحظه تدك باب السنين؟؟

وليش اموتن موت غيمه
وبالجزيره الغيم خطوه تايهين

آه يابنت الحلال لو اكو تأمين عالحب

جان اطالبهم يردولي

ولو ربع السنين




الگاطع

غض عينك لا تغوي گليبي

،
،

#حسام_علي_الكعبي