=صباح الخير شوفتك النهاردة وإنتِ بتشربي قهوتك كالعادة في مكانا المفضل، قلبي كان بيدق بطريقة وأنا شايفك بقالي كتير كان نفسي أدخل أقولك الكلام دا بس عارف إن مهما عملت مش هتسامحيني أنا أكتر شخص غبي في الدنيا، بس جايلك وكلي أسف وحزن إنك تسمعيني زي زمان وتغفري ليا.
_كنت قاعدة بشوف السما وماسكة روايتي المفضلة في إيدي لقيت إشعار برسالة على الواتساب من رقمه، لوهلة قلبي دق جامد إيه فكره بيا بعد كل الوقت دا.
شوفت الرسالة ومردتش بعدها بنص ساعة لقيت مسدج تانية .
=لما شافت الرسالة مردتش عرفت ساعتها إن مهما أعمل هي مش هتسامح فقررت أبعت آخر مسدج هتشوفها مني .
"مساء الخير يا حبة قلبي عارف إني أكتر شخص أذاكي في الدنيا كنتِ دايمًا ماسكة فيا وأنا كنت الغبي علشان ضامن وجودك بتمنى تسامحيني أنا عارف غلطتي قلبي حبك والله والمرة دي غير، عمرك ما كنتي قاسية ولا قلبك قاسي، عارف إنك متستاهليش كل دا، أنا أسف."

شاهندا أبوزيد