?تجمّع الزهراء ع العاشورائي?

عن حال العليلة في الدار


لچم روحي جرحها السلب منها فرحها
عمري بعد شيفيد واهلي راحوا ابعيد
لچم روحي جرحها السلب منها فرحها




**********


عليه تمطر احزان
يادنيا المصايب حزن تمطر عليه
حمّل كلبي وشال
وي ذيج الرجايب ماتت مني اديه
شفت من هظم الايام
يابويه العجايب عليله اشلون بيه

اكضي شلون الايام وياليله الجفن نام
نست روحي صبحها السلب منها فرحها



**********



وحدي بعد الاحباب
ماادري شسوي الكلب حاير يربي
اطفي بدمعتي النار
حتة الدمع يچوي يشعل نار كلبي
صوت ولمة احباب
بيهم داري تضوي شنهو جان ذنبي

وحدي بوحشة البيت وحدي ليش ضليت
الوكت روحي لمحها السلب منها فرحها


*****************


اطبن غرفه غرفه
وادور صرت بيها وتذكر صورهم
بكل غرفه سوالف
من انظر عليها عمري من عمرهم
وين اضعونهم وين
يامسرة حدّيها ماادري بخبرهم

ياهو اليوصل الهم وعن حالي يكلهم
البعد روحي ذبحها السلب منها فرحها



************



عليله وحدي بالدار
والرحله طويله يوم العني راحوا
بدارالاهل ضليت
مهمومه وعليله ولا بالطيف لاحوا
نحت ياما عليهم
كلماتمر ليله مثلي ريت ناحوا

زماني روحي مايوم عفاها من الهموم
كسر منها جنحها السلب منها فرحها


***



شوكت اهلي يردون
شكثر طالت الغيبة شوكت اهلي يردون
يبويه حسين وينك
بعدك يبو الطيبه خوفي تعمه العيون
خاف يطول الفراك
صبري منين اجيبه حياتي بعدك شلون

الوكت ضد روحي لوصار وماكو رجعة للدار
ويهدم صرحها السلب منها فرحها


الشاعر حسن لعيبي الحريشاوي

النغم المحرّم
اسمعوه
ونرجوا دعاكم

المجلس مضيف ابني حسين واني اعزم بخطاره

ما يدخل امضيف ابني كائن ميكون
اليدخله لازم طينه بالحب معجون
وأول صفه بحب ابني لازم مجنون

والمايحبون حسين ما ترهم الهم جاره

ثاني صفه بخطاره لازم وفاي
ما ينسه ذكر ابني لمن يشرب ماي
وبالاربعين الكبره يكصد مشاي

والينظر العرض الناس ما حسبه من زواره

ثالث صفه كون اليحب عنده احساس
يضمهن جفوفه لو حجو عن عباس
لازم غيور وما يأذيها الناس

واليشعل بنار الغيض باجر نشعله بناره

رابع صفه مايعتدي اعله بنيه
عرض البنات يحفظه ويحاميه
اليهتك ستر شارك بجتل رقيه

وجاتل رقيه معروف وكلها تعرف اخباره

خامس صفه لليدخل يبر امه
يعزها ولا يجرحها بأبسط كلمه
والفاكد امه يعرف الام نعمه

واليجرح امه بفد يوم ما تنقبل اعذاره

سادس صفه لازم يحامي اخوانه
الفقره يساعد بالاخص جيرانه
اليدخل مضيف ابني هذن عنوانه

اليحملهن يضل خطاري

يالتدخل المجلس وليدي تهندم
كثر السواد بمجلسه اتعلم
ومن الادب لا تضحك وتتكلم

اليتمضحك ترصده انضاري

خادمكم حسام العيساوي

نعي في هلا محرم الحرام
🖤☘🖤☘🖤☘🖤☘🖤☘🖤
هاليله الشهر بين اهلاله

والدمع وسط العين لاله

خنوح لبنات الرساله
🖤☘🖤☘🖤☘🖤☘🖤☘🖤
امن اليوم زينب ساعدنها

او وناتچن لا تفترنها

امن الحزن مافتر ونها
🖤☘🖤☘🖤☘🖤☘🖤☘🖤
هاذه الشهر شهر المصيبة

لحسين بي ينخضب شيبه

وزينب تظل عگبه غريبة
🖤☘🖤☘🖤☘🖤☘🖤☘🖤
بي ينذبح لحسين عطشان

وراسه يرفعونه العدوان

الجسد يبقى فوگ تربان
🖤☘🖤☘🖤☘🖤☘🖤☘🖤
اهلال الكدرياريت لاهل

ابنات الرساله بيه تنذل

وبي ينذبح طفل المدلّل
🖤☘🖤☘🖤☘🖤☘🖤☘🖤
زينب حزينه وتهمل العين

هاذه بي تفگد حسین

وتفگد ابو فاضل یطیبین
🖤☘🖤☘🖤☘🖤☘🖤☘🖤
تفگد اهلها الکل سویه

محرومه من شرب المیه

وتروح مکسوره وسبیه
🖤☘🖤☘🖤☘🖤☘🖤☘🖤
تمت بعون الله وبقلم خادمة الزهراء ع ام مهدي الحاج علي العرادي

قصيده حضور الزهراء الى كربلاء اهديها لمولاتي الزهراء عليها السلام
🖊🖊🖊🖊🖊🖊🖊🖊🖊
انا ام حسين يالكاعد على صدره
برد نار كلبه وتالي حز نحره

انا ام احسين اجيت الكربله وحدي
سمعت حسين ناصر صاح ماعندي
نزل دمعي عالخدين ظل يحدي
على ابني الظال وحده ومحد يحضره



ظليت انحب ابرض الطفوف اليوم
ودور ناصر الينغر على المظلوم
مثل ناعور ادورن والكلب مهظوم
لبني الخان بيه عداه وي دهره

صحت عباس وينك ماتجي بزودك
يسبع يالما وصل احد على حدودك
صحت جا وين سيفك وين وزنودك
اسمع زينب اتنادي وتجر حسره


صحت وين البطل عباس وين ابني
نادتني الشريعه هنا تعاي ادني
هذا هنا يفاطم نايم بحضني
السهم نابت بعينه ودمه هاليجره


رحت يم الشريعه ابجي عاالكافل
يستاهل دمعي عليه يظل سايل
ادري امه ماتدري ببو فاضل
انطه للاخوه ركبته وعمره

رديت ابحزن لبني البكه الوحده
اباوع من بعيد وروحي منمرده
انادي ماسمعني من صحت رده
لمن راح بوليده على الكفره


ناعيه الحسين ام فاطمة الزهراء

ماذا ستفعل ان سمعت النداء ظهر المهدي من آل محمد ص???
🕊لسان حال الامام المهدي عج…… .حين ظهوره… ..
[ألا يا أهل العالم إن جدي الحسين قتلوه عطشانا.
ألا يا أهل العالم إن جدي الحسين طرحوه عريانا.
ألا يا أهل العالم إن جدي الحسين سحقوه عدوانا.]
•••••••••••••••••••••••••••••••
•ظهور الامام المهدي (عج)•

وحي الله بمكة نزل يهتف للبيعه العجل
يهتف باسمه
مهدي الأمه
العجل العجل يا صاحب الزمان
••••••••••••••••••••••
ببيت الله نزل جبريل وحي الله هبط بالنور
بكفه يصافح المهدي وجناحه غدا منشور
بالتكبير والتهليل يحيّي الباتر ايد الجور
والمهدي ينادي بصوت وكل العالم يسمعوه

•••••••••••••••••••••••
يا اهل العالم ينادي انا المهدي وعدي حان
انا الموعود لاخذ الثار بيدي راية الرحمان
انا يا ناس جدي حسين بالطف منذبح عطشان
ثلاث تيام على الرمضا عاري بلا دفن خلوه

••••••••••••••••••••••

حزن گلبي بهمومه يروي قصة المذبوح
وجفني يسيل بدمومه كل عمري دمع مسفوح
جدي حسين عالرمضا ثلث تيام ظل مطروح
لا تغسل ولا تكفين بحوافر خيلهم داسوه~~
•••••••••••••••••••••••

انا الگضيت عمري بنوح ابكي لگطعة المنحر
انا لنحب على المذبوح جدي حسين ابو لاكبر
من اذكر چبده الظامي انوحن لاجله واتحسر
الا يا اهل العالم من عذب الروا منعوه

•••••••••••••••••••••

يشيعة گوموا واسوني بالاحزان والعبره
وابكوا وياي جدي حسين هالمذبوح عالغبره
گوموا لكربله نمشي ونشهر رايه يم گبره
الا يا اهل العالم راسه اعلى الرمح رفعوه

•••••••••••••••••••••••

يشيعه لكربله وياي نروح ونطلب الثارات
عبدالله الرضيع هناك يون من السهم ونات
ونحر حسين يناغيله باسمي وينشد اﻵهات
الا يا اهل هالعالم ما ذنب الطفل ذبحوه

••••••••••••••••••••••
الشاعرة الحسينية
✍🏻خادمة آل محمد ص

*لسان حال الحوراء غ حين نظرت لهلال شهر محرم*

*(ريحة خيم )*


جني اشم ريحة خيم احترقت واسمع الم
قلت هل شهر الحزن اعرفته من شفته يون
بحالي ما والله رحم

______________________

هل الهلال وبجييت وقلبي فر امن الضلع
والله مكسور ورجيت روحي طلعت بالدمع
بيك يا شهر اشلقيت عمر بالهم منفجع
اسمع اونين الحمام وقلبي بالونه انصدع
انا زينب بت علي بيك امشي ابلا ولي
ياشهر بيك العجب شفته اهلالك رسم
_______________________

ياشهر اسمع ونين يقطع انياط القلب
ادري اعليه بجييت ودمعة اهلالك تصب
ويلي ويل من المصايب اشلون قطعيته الدرب
وحدي وابلمة يتامى امشي لديار الغرب
وينهم بالله اخوتي وين عنها امصيبتي
اشلون ياغيرة علي ابلا ولي اتظل الحرم
_______________________

جني اسمع بيك حافر خيل وايكسر صدر
روحي فرت من وجعها والله بفادي الكسر
بيك اشوف اطفال عطشى وعود قلبه منفطر
ابلايا راس وليه اناظر بعده مااشوفن فجر
عالرمح راسه ارفعوه وعمري والله ضيعوه
ليش مو يم النهر ليش من مايه انحرم
________________________

اه ياهلال المصايب شفت جفين وقمر
وجود مذبوح بسهام مطشره يم النهر
ورايه بس تبجي وتنوح تريد راعيها ايحضر
ولونك ابدم انصبغ اعرفته محزوز النحر
ياكفيل العايله دموم منك سايله
عالترب ضامي طريح وحيل زينب انهدم
________________________

جني اشوف خيام شبت وروحي اشعلها الجمر
وبيك اشوف احبال حمرا وطفله مفزوعه وتفر
وسوط يتلوى ابعيوني ايعلم بوجه الدهر
امقطع المصحف اشوفه ووجهه ذبلان وحمر
وجبل ماشي للسبي ومطر من عين النبي
وكبرت صوت الزجيه وارفعت اسود علم
_________________________
*تمت بحمد الله تعالى*
*بقلم:بنت الشمري*
*___الكويت ___

🏴 •● *أمنية محرم* ●• 🏴

● قصيدة في طلب التوفيق لخدمة سيد الشهداء عليه السلام
.
.
.
*إلهي بخدمة احسين ، وفقنا نحيي مآتمه*
*إلهي بخدمة احسين ، وفقنا نحيي مآتمه*
〰〰〰〰
هَل مُحَرم وإبتدأ شهر الحداد
وقَبُل ثُوبي قلبي اتوشـَّح سواد
ابدمعتي أدعيك يا رب العباد
إبخدمة المظلوم رَيِّح هالفؤاد
وإبخدمته إلهي ، أرضي أمه فاطمه
〰〰〰〰
إبجاهه وفقني إلهي بخدمتي
وبالمجالس خلها تجري دمعتي
ما أريدن لحظه تبرد مهجتي
على امصابه يا إلهي وحسرتي
ولا تنشف إدموع العين ، دوم لجله ساچمه
〰〰〰〰
ربي لا تحرمني من هذا البكاء
وهالمجالس يا إلهي و هالعزاء
وأمنياتي يا إلهي بكل دعـــــاء
ربي إرزقني زيارة كربــــــــلاء
تدري ابهَواها روحي ، يا إلهي هايمه
〰〰〰〰
رايد أتوَّفق يربي للطــــــــــم
وصدري لمصابه أريده ينهشم
وأون يم الزهره ونات اليِتِــــم
تحضر أدريها بضلعها المنلچــم
واتنادي آيمظلوم ، يُمه جيت إمألمه
〰〰〰〰
تحضر أدري فاطمه أم الحسن
اتصيح آيبني اللي ما حَصَّل كفن
توقف ويحضر معاها المؤتمــــن
اتشوف منهو ينعى وياها ابشجن
واليلطم ويجري العين ، اتسجل اسمه بقايمه
〰〰〰〰
ربي خادم سجل إسمي بدفتره
أقرأ لو للمجلس أقصد وأحضره
لو أوزع ماي بإسمه وأذكـــــــره
من وقع ضامي جَبِدْته اموجره
ماريد كلشي يارب ، بس أظلن أخدمه
〰〰〰〰
وانته ياربي غياثي والمُعيــــن
ومنك التوفيق إِله العالميـــــن
ما أريد بهالشهر تنشف لي عين
خاف أقصّر سيدي بحق الحسين
إمنين العذر ألاقيه ، آنه من حامي الحمه
〰〰〰〰
تمت بحمد الله تعالی
✒بقلم الشاعرة/ فاطمہ كريم
       •••• الكويت ••••
|| شرعاً لا أجيز حذف الإسم ||
*نسألكم الدعاء لتعجيل الفرج*
*يــــــــــا أبا عبـــــــــــــــدالله*

||•● *اهلالك يالمحرم* ●•||

● وزن : *التجليبه*
.
.
.
*اهلالك يالمحرم بالهضم جاني*
*مسبيه أشوف امذبحه اخواني*
____
اهلالك يالمحرم شفته واهضمني
زودلي الجروح وبالألم لمني
من شفته اهلالك بالكدر ذبني
وبوجهك شفت مرسومه أحزاني
____
شفتك وانجرح دلالي من شفتك
واعرفت الهضم بانوارك وخفتك
مسبيه وتقول انوارك اعرفتك
وسهم البين شفته ومدري اشجاني
____
واعرفت ابنهارك افقد الوالي
عطشان ورميه يا هضم حالي
وابلاهم أردن والضعن خالي
وآنه امن اليسر متغيره ألواني
____
اِعرفته كفيلي ما إله رده
مطفيه العيون ومنقطع زنده
شبعن بالهضايم يا حرم بعده
ومن غابت عيونه عزي ينساني
____
ينساني الدَلال وأنسى أيامي
وبوجهك أشوفن ضحكة آلامي
صَوّبت الدليل ابسهمك الدامي
وآنه أم المصايب دهري سماني
____
*تمت بحمد الله تعالی*
*بقلم : بنت الشمري*
*___الكويت ___*

ليالي الانين الحسينيه:
•●🏴 *خادم اسمه* 🏴●•

● قصيدة جديدة { *ارتجاز الموشح* } في حب الإمام الحسين (ع) تقرأ بعدة أطوار مختلفة موضحة في أسفل القصيدة

● الوزن : موشح
.
.
.

*آنه حقي بالحسين امن افتخر*
*وخادم اسمه امن الولاده للقبر*
_*حسين حسين حسين حسين*_

〰〰〰〰〰

حسين لمصابه يون حتی الحجر
لجله ما يكفي لون نعمي البصر
ما نمل من الحزن طول الدهر
عدنا كل ليله محرم مو شهر
حسين حسين حسين حسين

〰〰〰〰〰

اقلوبنا بعشقه تظل امتيمه
ولآخر الأنفاس ننصب مآتمه
لو نشف دمع الجفن نجري الدمه
وما نواسي عشر دمعة فاطمه
حسين حسين حسين حسين

〰〰〰〰〰

عبد آنه ومنخلق يحسين إلك
وغير حبك هالقلب لا ما ملك
المشالك يعني للجنه سلك
والي ما حبك خسر عمره وهلك
حسين حسين حسين حسين

〰〰〰〰〰

امن المهد قلبي يبو اليمه هواك
وما اشوف بدنيتي والله سواك
ياحبيبي وموتي أتمنی فداك
وحتی بعد الموت اظل آنه معاك
حسين حسين حسين حسين

〰〰〰〰〰

حبي لك عن معرفه مو عن جهل
رحمة الله الواسعة وخير العمل
حتی لو اتقطع بحبك وصل
اشما أذوق بخدمتك عندي عسل
حسين حسين حسين حسين

〰〰〰〰〰

لقبري ما انسی مصاب اطفوفك
وتظل شمس الماتغيب انشوفك
ابكعبة الله انطوف من انطوفك
يخسه والله القال عنه انعوفك
حسين حسين حسين حسين

〰〰〰〰〰

اتحملت چم جرح يحسين و ألم
شلون أسمع قلبك انصاب بسهم
وصدرك الطاهر بعد ويلي انهشم
ريت هذا الصدر بعدك لا سلم
حسين حسين حسين حسين

〰〰〰〰〰

والله اظل للموت انصب مجلسك
وأمشي بجنوني بمسيرة عابسك
يا هواي وطول عمري اتنفسك
انته ما يحصل شبيه ايقايسك
حسين حسين حسين حسين

〰〰〰〰〰
تمت بحمدالله تعالى
✒ بقلم الشاعرة/ فاطمہ كريم
•••• الكويت ••••
|| شرعاً لا أجيز حذف الإسم ||
*نسألكم الدعاء لتعجيل الفرج*

.
.
.
● *ملاحظة* :
- *تقرأ القصيدة بطريقة الإرتجاز في نهاية اللطم*
- تقرأ القصيدة كأبيات نعي
- تقرأ بطور المربوعة في الگعده وتقرأ بطور سريع في الميدان
- تقرأ بطور : يا شهر عاشور
- تقرأ بطور : شلون بيه وثقل وزن حسابي
- تقرأ بطور : ركظة طويريج
- تقرأ بطور : شيعوا نعش الطاهره
- تقرأ بطور : يا زينب شجابج لصوب النهر
- تقرأ بطور : آه واويلاه يا أم البنين
- تقرأ بطور : جينه ننشد كربله
- وعدة أطوار أخرى .

بسم الله الرحمن الرحيم
قصيده في استهلال شهر المحرم 🏴
*
دار أبو السجاد وحشه بالمدينه
وين ناوي بهل سفر آه يا ولينه
.....
تدري جدامك حرب
و ما تغير الدرب
و بوالفضل جدام يحدي بالظعينه
و بوالفضل جدام يحدي بالظعينه
*
1
هل هلال شهر المحرم مجبل ابحزانه
ینشر أخبار الظعینه و السده بولیانه
هل شهر رایح یخلی من أثر نیرانه
ابگلب الشیعه جمره للأبد ولعانه
.....
الحسین الیاسبب
دامی جسمه علترب
الفاجعة كرب و بلا الشيعه حزينه
و الولايه ابلا ولي دون الظعینه

*
2
سار ظعن حسين ناوي مقصده أرض الطفوف
...
أرض إلى من المصايب كم و كم بيه يشوف
...
مصيبة الوالى و ذبحته ،طیحت الرایه و چفوف
...
الوالده التترک ولدهه مرمی علقبره و تعوف
....
الحرم تندب ندب
حایطه بیهه الغرب
الحادی مگطوعه یساره وی یمینه
و عگبه أعداء التحادي بالظعينه
*
3
*
هل شهر بي چم الم حامل ويه الایام
حامل أخبار السبایه الماخذیهه للشام
چم خبر من الألم و الی مر بالایتام
من الهواشم چم و چم طفله بخرابه بتنام
تترجف من الرعب
لو شکت هم تنضرب
سائله الیاسبب المر علینه
بالبراری امشتت دون الظعینه

4

*
الظعن سارو وصل أرض البلا بی المسیر
ویه قائد المسیره و بوالفضل حادی الجدیر
نصبت اخیام الهواشم و الفرح بیه یدیر
لاچن الایام مرت و ا لفرح عمره قصیر
الزمن دار و گلب
حلت ساعات الحرب
صانع أعظم المصایب من سنینه
ما رحم حتی الطفل البلظعینه
__
5
المحرم مأخذ صيته من مصيبت كربلاء
من ذبح بواليمه واهله والوگفله بالولاء
من ذبح بدرالهواشم و إلى حامل اللواء
هل شهريحمل اسامي ساطعه بنور الوفاء
لامعه مثل الذهب
چل الزهیر ویه وهب
بن الحسن الناصر عمه واليعينه
تارك امه سابيه وي الظعينه

⚫⚫⚫🍃🌹🍃⚫⚫⚫

كلمات خادم المنبر الحسيني
✍🏻الشاعرأحمد الفاضلي