و الليل جفنه نعس و الجفن يا دوبه
‏باقي له من الليال ٫ اللي معك باقي

‏و أن قلت : ربي يقدّرني على التوبه
‏طارت مشاعر وفاي ٫ و طاح خفاقي

‏لا واهني قلبه اللي ما أنت محبوبه
‏ما تلت اعماقه .. اللي تلت اعماقي

‏الطعنه اللي من الغالين محسوبه
‏إما على جيتي .. و إلا على فراقي

‏يا من رمتني دروب العمر بـ دروبه
‏إن كان لي خاطر بـ مْحبتك شاقي

‏صحيح مالـ البنادم .. غير مكتوبه
‏بس أنت يمديك ترحمني من أشواقي

‏أنا على كثر ما انجى منك بـ " أعجوبه "
‏إلا إني أسلمك عمري .. و أنا هاقي

‏لا ميّل الشوق قلبك .. و ألتفت صوبه
‏جعل العوض في مجيّك عن تعب ساقي.