قَبل ساعه كده جيت داخله البيت وعندي زول مَفروض اسلمو قروش بس القروش نقصت وحسبتّها جاي جاي ابت تتم ،دخلت ل ابوي في الغرفه قلت ليهو يَابه معاك 300 جنيه مُحتاجاهم ضروري، قال لي اي اي عِندي بقي عامل فيها بفتش في جيب الجلابية وانا اتحَرجت وقلت ليهو خلاص خلاص ما ضروري ،فـ قال لي انا عندي قروش في الدُكان باقي من الصباح ونزل قدامي بي سُرعه رهيِبه مسافة لبست طرحتي ومشيت وراه لقيتو وصل الدكان واول جمله سمعتها " اديني 100 وبتي لو سألتك قول ليها عِندو عِندي باقي" رجعت خطوات ورا و وقفت جنب الحيطه وجا لافي قال لي "هاك"
ف عرفت انو كان عندو 200 جنيه ومشي اتسلف ال100 عشان يديني القروش الطلبتها كَامله.
أبوي الجنه رجع بي كل إستهبال لقيتو عامل نايم كده في السرير عشان ما اسألو لانو حسّه اني عرفت انو هو اتسَلف لي💛
قيل في الأب:
هو ذلك الي تطلب منه نجمتين،فيعود حاملاً السماء ✨🌏

#Fatima_Mahgoub