Tradycyja

Этнаграфічныя рэгіёны Беларусі

Працягваем знаёмства з ТРАДЫЦЫЯЙ ВАЛАЧОБНІКАЎ✨

📖 Цэнтральнае месца ў валачобным абрадзе займалі і працягваюць займаць валачобныя песні. У песнях гаспадарскага цыкла падаецца разгорнутае ўрачыстае апісанне земляробчага каляндара беларусаў. Валачобныя песні спявалі і адраснага вызначаныя - гаспадару, гаспадыні, іх дарослым дзецям, - і неадрасныя, прысвечаныя ўслаўленню свята.
Галоўным у гурце быў запявала(пачынальнік), які добра ведаў не толькі валачобныя песні, але быў красамоўным, добра прамаўляў адрасныя велікодныя пажаданні для ўсіх. У гурце амаль паўсюдна былі музыкі, часцей за ўсё скрыпка, а пазней і гармонік, якія суправаджалі ігрой велічальна-віншавальныя велікодныя песні. Большасць удзельнікаў гурту спявалі часам толькі рэфрэн. Адзін ці два ўдзельнікі гурту(механошы) насілі атрыманыя дары.

З прыкладамі песен можна пазнаёміцца на сайце ✨SPEVY.BY✨http://spevy.by/songs

photo by Alfred Mikus

На гэтым тыдні мы будзем знаёміць вас з унікальнымі велікоднымі абрадамі і традыцыяй валачобнікаў☑️


📖 Галоўная адметнасць народнага святкавання Вялікадня на Беларусі - ВАЛАЧОБНЫ АБРАД.
Валачобны абрад распаўсюджаны на Падняпроўі, Панямонні, у Цэнтральнай Беларусі, але ў сваім класічным выглядзе з поўным наборам абрадавых дзеянняў, ролевым размеркаваннем удзельнікаў, традыцыйным полаўзроставым складам гурту, разгорнутымі багатымі тэкстамі валачобных песень гэты абрад вядомы на Падзвінні.

У розных вёсках нават аднаго раёна валачобнікаў называлі па-рознаму:валачобнікі, валошнікі, валакальнікі, валооўнікі, ралешнікі, галкальнікі, хрыстоснікі.
Раней класічны гурт валачобнікаў складаўся з мужчын адной узроставай катэгорыі, у больш познічас з'явіліся і змешаныя гурты:мужчыны і жанчыны, маладыя хлопцы і дзяўчаты. Валачобны гурт пачынаў свой абход надвячоркам, не мінаючы ніводнай сядзібы ў вёсцы. Як лічылася ў народзе, прыход валачобнікаў спрыяў багатаму ўраджаю на ніве, дабрабыту ў сям'і гаспадара, да якога яны прыйшлі.

фота - Альфред Микус

#валачобнікі #вялікдзень

✨З ВЯЛІКАДНЁМ усіх тых, хто святкуе гэты дзень сёння!

📖 Вялікдзень — адно з самых значных і важных святаў беларусаў.
У старажытных славян першапачаткова так называлася веснавое свята ў гонар сонца, абуджэння прыроды і надыходу «вялікіх дзён» палявых работ.

Падобнае свята пачатку жніва было і ў старажытных семіцкіх плямёнаў, называлася яно «Пасха» (грэц. πάσχα, ад іўр. פסח песах — «праходзіць міма»). Старажытныя габрэі святкавалі Пасху ў гонар іх зыходу з Егіпта. У дахрысціянскія часы ў Беларусі на Вялікдзень адбываліся магічныя абрады з мэтай забеспячэння плоднасці жывёлы, урадлівасці зямлі, засцеражэння ад нягод.
▪️У гэтым годзе каталікі і ўніяты святкуюць гэты дзень сёння - 12 красавіка, праваслаўныя —19 красавіка.

У першы велікодны вечар на нашых тэрыторыях былі пашыраныя валачобныя абыходы, падчас якіх групы валачобнікаў хадзілі па хатах і выконвалі валачобныя песні з пажаданнем гаспадарам плёну на ніве, прыплоду ў статку, добрага здароўя, шчаслівае долі.
У велікодны абрадавы комплекс уваходзілі рытуальныя трапезы, карагоды і памінанне памерлых родзічаў — веснавыя дзяды.

picture by Sviatlana Vetrava
«Belarusian folk rites and beliefs», оpen series
https://www.facebook.com/media/set/?set=oa.552737831880935&type=3

🎥 анлайн-фестываль дакументальнага кіно BelarusDocs

глядзіце зараз 👇👇👇

https://belarusdocs.com/movie/folklore/?fbclid=IwAR1s2nvegK1wYj2krTFAjkHs9wXPf1pp9Cxj-RokbR5t8vCvTVHk76AuAVI


✔Фільм "Фальклор і жыццё"
Фальклор з’яўляецца адлюстраваннем чалавечага існавання, толькі ў вобразнай, метафарычнай форме. Не выключэнне тут і эратычны складнік жыцця. Абрады з эратычным падтэкстам у нашым продкаў былі падрыхтаваны да кожнага свята і цесна знітаваны з паняццем урадлівасці

🎵 А так праходзіць карантын у гурта "Калыханка" з вёскі Міханавічы!
Песня ўсіх ратуе👏🏻