КАДРЛАР ХИЗМАТИ ХОДИМИ НИМАНИ БИЛИШИ КЕРАК?
САВОЛ.
Ассалому-алайкум, Саидали Мухторалиев, Мен бир МЧЖда котибаликдан кадрлар бўйича инспеторлик вазифасига ўтганман. Аввал кадр бўлиб ишламаганман, шунинг учун қийналяпман. Кадрларни асосий ишлари нима, улар нималарни билиши керак? Илтимос шу саволга жавоб беринг.
ЖАВОБ.
☝️
Одатда, корхона ва ташкилотларнинг кадрлар хизмати ходимлари билиши лозим бўлган жиҳатлар шу кадрлар хизматининг низомида ёки кадрлар хизмати ходимининг лавозим-йўриқномаларида белгиланган бўлади.
Мен, бу борада умумийроқ қилиб кадрлар бўлими ходимлари билиши лозим бўлган энг асосий масалаларга тўхталиб ўтаман.
Демак, кадрлар хизмати ходимлари қуйидагиларни билиши керак:
➖қонунчилик ва меъёрий-ҳуқуқий ҳужжатлар, ходимларни бошқариш бўйича услубий материаллар;
➖меҳнат қонунчилигини;
➖корхонанинг тузилиши ва штатлари, унинг йўналиши, ихтисослиги
ва ривожланиш истиқболларини;
➖корхонанинг кадрлар сиёсати ва стратегиясини, ривожланиш таҳлилларини тузиш, кадрларга истиқболли ва жорий эҳтиёжни аниқлаш тартибини;
➖корхонани кадрлар билан таъминлаш манбаларини;
➖меҳнат бозори ҳолатини;
➖ходимларни баҳолаш тизимлари ва усулларини;
➖кадрлар малакаси даражасини;
➖кадрлар ва уларнинг ҳаракати билан боғлиқ ҳужжатларни расмийлаштириш, юритиш ва сақлаш тартибини;
➖корхона ходимлари тўғрисидаги маълумотлар базасини шакллантириш ва юритиш тартибини;
меҳнат фаолиятининг ҳисобини ташкил этишни;
➖кадрлар ҳаракатини ҳисобга олиш усуллари, белгиланган ҳисоботларни тузиш тартибини;
➖кадрлар хизматида замонавий ахборот технологияларидан фойдаланиш имкониятларини;
➖ходимлар билан ишлашнинг илғор маҳаллий ва хорижий тажрибасини;
➖психология ва меҳнатни ташкил этиш асосларини;
➖касб-ҳунар асосларини;
➖интернет ва ахборот телекоммуникацион тизими ҳамда алоқа воситаларини;
➖меҳнатни муҳофаза қилиш қоидалари ва нормаларини.
Умуман, корхона ва ташкилотнинг фаолият йўналишидан келиб чиқиб, ушбу рўйҳатни кенгайтириш ёки оптималлаштириш (ихчамлаштириш) мумкин.
манба 👉
@yuristkadrДавлат хизматини ривожлантириш агентлиги Ахборот хизмати
Агентлик каналига уланинг👉
https://t.me/argos_uz
