اني فيا هلبا حاجات مش متشابهة مع اي حد ، فكرة أن شخص عايش فيا معتزل على هلبا ناس ، مايحبش يحاول يحب حد ماكانش يحبه ، ولا يقدر يحب حد مايحباش ، فيا هلبا شعور ، هلبا كلام ، وهلبا حب لصحاب قلبه ، فيه المستثني ..
الراضي والمقتنع لي حكمة ربي مهما صار ، لي فيه شخصية لاهي قوية ولا هي ضعيفة ، فيه كائن خرافي ، خيالي ، معبي هلبا حنية ، لا يعرف الكره ولا يحب يكره حد ..
لي يحبه يخليه فعيونه ، ولي يكرها يخليله مساحة علي قد مايقدر ، يسكر حسابه بإحترام ، لا يغلط ، ولا ضميره يتعبه مهما عاش ..
فيا شخص عايش ويعيش فالدنيا بالبساطة لي تنحب ، ولي تتلطف على منبع الليل والنجوم ، فيا هلبا شعور فقلب واحد ، غير هكي ساد .