بې ادبي....

ادب کې درنه ونشي اشنا بې ادبي
په ژوند کې چیرته ونکړې دچابې ادبي

له دره یې شړلی دی صفت یې شو رجیم
غلام چې کله وکړ د مولا بې ادبي

چې خلک ګنهګاربولې اوځان دې بې ګناه
داومنه چې شوې ده له تا بې ادبي

داټوله دونیا نه ارزي دزړه په ماتولو
داځکه ګڼل شوې نا روا بې ادبي

ایمان به یې قبول نشي ابد به دوزخي وي
که چا وکړه زما دخوږ اقا بې ادبي

توفیق د ادب غواړم وحیدي له ربه تل
صادر دې الله نه کړي هیڅ له ما بې ادبي

وحیدالله وحیدي