عاشور لمن يهل نار الكلب يشتعل
ارواحنه تنسبي ويشيب حتى الطفل
_________________________________

تهب ويه ريحة محرم مواجع
تألمنه واتهد علينه المدامع
موبس نواظرنه تبجي المسامع
يحس بينه طف العلينه يباوع
=
نمشي وننكط قهر
ونبجي حتى الحجر
نلعن شكو ناصبي
ويشيب حتى الطفل
____________________________________

يهل والحزن يصبح النه علامه
الليل ابمحرم ينوح الضلامه
تحس الموالي النحيب ابكلامه
يدك جفه صدره ويطبرهه هامه
=

كلبه الفرح مايطب
عينه تضيع الدرب
اتنزل دمعته العبي
ويشيب حتى الطفل
____________________________________

اويلاه نصيح اعله سكنه ورقيه
يطشنه ويلمنه ثره ابن الزجيه
انتمنه نموت اونضوك المنيه
من جرحه صرنه نحب العزيه
=
وسفه عظيمة الاصل
تنشد اديهه بحبل
شصصار ابنات النبي
ويشيب حتى الطفل
____________________________________

مصيبه تمرنه ونحسهه جبيرة
وتخلي الموالي يلجمه ضميره
زينب الابيه العظيمة الاميرة
وي روس اهلها خذوهه اسيرة
=

ملعون ذاك الزمن
راوها كل المحن
كلها اليسر مطلبي
ويشيب حتى الطفل
____________________________________

لاخر نفس نبقه نبجي لمصابه
نون او دمعنه نذرفه اعله بابه
جمر بينه يجوي قضية عذابه
حسين الي سلبو يوسفه ثيابه

=
نبجي ونهل الدمه
لمصاب ابن فاطمة
نصرخ يروح اندبي
ويشيب حتى الطفل
____________________________________


للشاعر
حسين المحامي