“Vznos”
O‘tgan yili avgustdagi Osiyo ochiq chempionatida bir xorijlik qatnashchi o‘yin hay’atining oldiga kelib: “apellyatsiya bermoqchi edik, vznos necha pul” deb so‘rab qoldi. Shunda hammamiz bir-birimizga qarab kuldik va eski davrlar esimizga tushib ketdi...
“Zakovat”da ham avval apellyatsiyaga kelgan jamoa a’zosi har bitta apellyatsiyasi uchun ma’lum miqdorda pul to‘lardi. Bu tartib 2020-yilgacha amalda bo‘ldi. O‘shanda to‘lov 2 ming so‘m edi. To‘lovli apellyatsiya faqat Rasul aka Abdullayev o‘tkazadigan o‘yinlarda bo‘lardi (o‘sha vaqtdagi o‘yinlar haqida alohida post qilaman. O‘tmishni eslab bir maza qilaylik 😇). Apellyatsiyang o‘tsa, pul to‘lamasding, o‘tmay qolsa, 2 ming so‘mni cho‘zarding. O‘tmagan apellyatsiyang ko‘proq bo‘lsa, summa ham shunga qarab oshib borardi. Bu narsa pul ishlash maqsadida o‘ylab topilmagandi. Asosiy maqsad - ko‘plab betayin apellyatsiyalarni “chopish” edi. Puli ketishini bilgan odam o‘ylab apellyatsiya beradi. Ham u vaqtlarda apellyatsiya yozma bo‘lmagani uchun o‘yindan keyingi apellyatsiya jarayoni to‘lovli bo‘lsa ham anchagina cho‘zilardi.
Shuningdek, klub o‘yinlari ham to‘lovli bo‘lardi. Har oy ma’lum summa jamoani ro‘yxatdan o‘tkazish uchun to‘lanardi. O‘yinga birinchi marta borganimda (2013-yil) bir jamoa uchun bir oylik to‘lov 30 ming so‘m edi. Kishi boshiga 5 mingdan (solishtirish uchun - o‘sha vaqtda “Kamolaxon” oshxonasida 1 kishilik osh 3 ming so‘m edi).
To‘lov summasi 2020-yilga borib bitta jamoaga oyiga 70 ming so‘mga chiqib qolgandi (Yig‘ilgan pullar klubni saqlab turish xarajatlari - bino ijarasi, ovoz kuchaytirgichlar va yana boshqa xarajatlarga ishlatilardi). U vaqtlar hozirgi ayrim jamoalardagiday 3-4 kishi bo‘lib o‘ynashni zamon ko‘tarmasdi, qancha kam o‘yinchi bo‘lsa, to‘lov shuncha qimmatga tushardi. Shu uchun o‘yini umuman tortmasayam, to‘lovga sherik qilish uchun “konfet”larni jamoaga qo‘shib olish urf edi. Ba’zi “konfet”lar “Zakovat” festivali (ekranga chiqish yo‘llanmasini beradigan musobaqa)da qatnashish pulini ham ko‘targanini eshitganmiz ;)
Shunaqa. “Zakovat”da moddiy manfaat bo‘lmagan davrlarda ham uni sevib qatnashuvchilar bo‘lgan. Lekin e’tibor yo‘qligi sababli o‘yinga qiziquvchilar ham kam bo‘lgan. Toshkentda 50 tacha jamoa, yana qaysidir 3-4 ta hududda doimiy o‘tkaziladigan o‘yinlardan tashqari boshqa yerda muntazam o‘yinlar o‘tkaziladigan klublar yo‘q edi. Ko‘cha-ko‘yda tanishlar: ““Zakovat”da oylik beradimi?” deb so‘rasa, kulgim qistab, “biz pul uchun qatnashmaymiz, “Zakovat - bu hobbi” degan javobni berardim. O‘sha vaqtlarda “Zakovat”da qo‘lga kiritgan eng katta moddiy yutug‘imni 2017-yilda Oliy liga chempioni bo‘lganimizda olgan ekanman. O‘shanda jamoaga 3 mln so‘m pul yutug‘i berilgan. Shuni 5 kishi bo‘lib olganmiz (Yilning eng yaxshi bilimdoni deb topilgan Aziza Ibragimovaga alohida mukofot berilgandi).
2021-yildan boshlab esa “Zakovat”da qanday tub burilishlar bo‘lganini yaxshi bilasiz. “Zakovat”ni ommalashtirish uchun o‘yinlar bepul o‘tkazila boshlandi, katta-katta yutuqlar qo‘yilyapti. Natijada respublikamizning chekka-chekka hududlarida ham klublar ochilib, turli ligalar yo‘lga qo‘yildi.
Hozirgi sharoitlarning qadriga yeting, yoshlar. O‘z ustingizda ishlang, mashg‘ulotlar qiling, bilimingizni oshiring, kanalimizni o‘qing 😁 va eng zo‘ri bo‘ling. Shunda yutuqlarning o‘zi sizni quvishni boshlaydi.
@zakovat_anagramma
O‘tgan yili avgustdagi Osiyo ochiq chempionatida bir xorijlik qatnashchi o‘yin hay’atining oldiga kelib: “apellyatsiya bermoqchi edik, vznos necha pul” deb so‘rab qoldi. Shunda hammamiz bir-birimizga qarab kuldik va eski davrlar esimizga tushib ketdi...
“Zakovat”da ham avval apellyatsiyaga kelgan jamoa a’zosi har bitta apellyatsiyasi uchun ma’lum miqdorda pul to‘lardi. Bu tartib 2020-yilgacha amalda bo‘ldi. O‘shanda to‘lov 2 ming so‘m edi. To‘lovli apellyatsiya faqat Rasul aka Abdullayev o‘tkazadigan o‘yinlarda bo‘lardi (o‘sha vaqtdagi o‘yinlar haqida alohida post qilaman. O‘tmishni eslab bir maza qilaylik 😇). Apellyatsiyang o‘tsa, pul to‘lamasding, o‘tmay qolsa, 2 ming so‘mni cho‘zarding. O‘tmagan apellyatsiyang ko‘proq bo‘lsa, summa ham shunga qarab oshib borardi. Bu narsa pul ishlash maqsadida o‘ylab topilmagandi. Asosiy maqsad - ko‘plab betayin apellyatsiyalarni “chopish” edi. Puli ketishini bilgan odam o‘ylab apellyatsiya beradi. Ham u vaqtlarda apellyatsiya yozma bo‘lmagani uchun o‘yindan keyingi apellyatsiya jarayoni to‘lovli bo‘lsa ham anchagina cho‘zilardi.
Shuningdek, klub o‘yinlari ham to‘lovli bo‘lardi. Har oy ma’lum summa jamoani ro‘yxatdan o‘tkazish uchun to‘lanardi. O‘yinga birinchi marta borganimda (2013-yil) bir jamoa uchun bir oylik to‘lov 30 ming so‘m edi. Kishi boshiga 5 mingdan (solishtirish uchun - o‘sha vaqtda “Kamolaxon” oshxonasida 1 kishilik osh 3 ming so‘m edi).
To‘lov summasi 2020-yilga borib bitta jamoaga oyiga 70 ming so‘mga chiqib qolgandi (Yig‘ilgan pullar klubni saqlab turish xarajatlari - bino ijarasi, ovoz kuchaytirgichlar va yana boshqa xarajatlarga ishlatilardi). U vaqtlar hozirgi ayrim jamoalardagiday 3-4 kishi bo‘lib o‘ynashni zamon ko‘tarmasdi, qancha kam o‘yinchi bo‘lsa, to‘lov shuncha qimmatga tushardi. Shu uchun o‘yini umuman tortmasayam, to‘lovga sherik qilish uchun “konfet”larni jamoaga qo‘shib olish urf edi. Ba’zi “konfet”lar “Zakovat” festivali (ekranga chiqish yo‘llanmasini beradigan musobaqa)da qatnashish pulini ham ko‘targanini eshitganmiz ;)
Shunaqa. “Zakovat”da moddiy manfaat bo‘lmagan davrlarda ham uni sevib qatnashuvchilar bo‘lgan. Lekin e’tibor yo‘qligi sababli o‘yinga qiziquvchilar ham kam bo‘lgan. Toshkentda 50 tacha jamoa, yana qaysidir 3-4 ta hududda doimiy o‘tkaziladigan o‘yinlardan tashqari boshqa yerda muntazam o‘yinlar o‘tkaziladigan klublar yo‘q edi. Ko‘cha-ko‘yda tanishlar: ““Zakovat”da oylik beradimi?” deb so‘rasa, kulgim qistab, “biz pul uchun qatnashmaymiz, “Zakovat - bu hobbi” degan javobni berardim. O‘sha vaqtlarda “Zakovat”da qo‘lga kiritgan eng katta moddiy yutug‘imni 2017-yilda Oliy liga chempioni bo‘lganimizda olgan ekanman. O‘shanda jamoaga 3 mln so‘m pul yutug‘i berilgan. Shuni 5 kishi bo‘lib olganmiz (Yilning eng yaxshi bilimdoni deb topilgan Aziza Ibragimovaga alohida mukofot berilgandi).
2021-yildan boshlab esa “Zakovat”da qanday tub burilishlar bo‘lganini yaxshi bilasiz. “Zakovat”ni ommalashtirish uchun o‘yinlar bepul o‘tkazila boshlandi, katta-katta yutuqlar qo‘yilyapti. Natijada respublikamizning chekka-chekka hududlarida ham klublar ochilib, turli ligalar yo‘lga qo‘yildi.
Hozirgi sharoitlarning qadriga yeting, yoshlar. O‘z ustingizda ishlang, mashg‘ulotlar qiling, bilimingizni oshiring, kanalimizni o‘qing 😁 va eng zo‘ri bo‘ling. Shunda yutuqlarning o‘zi sizni quvishni boshlaydi.
@zakovat_anagramma