Дунё ичра вафо йўқ мутлоқ,
Кўнгилга хуш сафо йўқ мутлоқ.
Дардинг ила қолдинг бегона,
Дардмандларнинг маъвоси – тупроқ.

Ҳар кимсадан узиб қалб торин,
Ёлғиз Ундан топ дил мадорин.
Олам дардсиз тошлар олами,
Касб тутмишлар кўнгил озорин.

Ўз ўйига қулларни унут,
Гулшаннию, гулларни унут.
Ҳақ йўлида тупроқ бўл, гард бўл,
Фақат Унинг марҳаматин кут!..

2020 йил, 18 август

Акром МАЛИК

@AkromMalikUz