مولوی حنيف مظهري

یو منصور شو دارته پورته انالحق دده شعار وو
بل منصور په اور لوګی شو پروت د مینی په انګار وو

دا د مینی څه خوږ راز دی عاشقان یې لیونی کړه
د سرونو یې جوړ کړی خپل و مینی ته سینګار وو

د کوثر تصویر یې زړه کې د هجران تندی ځپلی
اوس واصل شو خپل مقصد ته له وختونو انتظار وو

څه د مست عشق جنون دی په رقیب یې توبې ویستی
څه په عزم کلک سړی وو څه د عزم دنګ منار وو

ددي یون هر یو زلمی یې شاګردي د کارنامو کړي
ددې یون هریوه ځوان ته په پوره معنا سالار وو

د تدبیر مراندې یې ټينګې د د تدبیر په تدبر کړې
سیاست یې وو سپيڅلی سیاست یې د سردار وو

نور به بیا شنه کړي حنیفه دده وینی نور تخمونه
مونږ ته پاته تل له داسې رهبرانو لاله زار وو

السلام علیکم ورحمة الله وبرکاته

د نیکمرغه کمکې اخترمبارکې
تاسوته اوستاسو درنې کورنۍ ته وایم
او د سترڅښتن تعالی څخه غواړم
چې ټوله لمونځونه تراویح روژې او نور کړې عبادات مو په خپل دربار کې قبول وګرځوې
او دعا کوو چا دا اختر مو د هیواد د ناخوالو او بدبختیو اخرې اختر وې
دیوه سوچه اسلامې اوټول ګډونه نظام په هیله

ورورمو م حنیف مظهري

1400-2-23

لمن ډکه د سولی د ګلونو کړه اختره
راځه مونږه خوشال په خپلو پلونو کړه اختره

دغم تورو لوګیو ده فضا ککړه کړې
نور خلاص مو د نفرت له وحشتونو کړه اختره

په سر د هندوکش دسولی سپين بیرغ رپاند کړه
ډاډه زړونه د ټولو اولسونو کړه اختره

چی غیږه د وختونو مرور جانان ته ورکړم
اوبه مو د وصال په سپين جامونو کړه اختره

میوې د ورورولی د اریانا په باغ کی شنه کړه
ماړه مو په دیدن د ګلابونو کړه راځه

دکونډو یتیمانو په خوله نرمه خندا راوړه
هوسیا یې له دردونو له آهونو کړه اختره

پرهرپرهر وجود مو د وخت غشو راسپړلی
پټۍ دې را هوارې په زخمونو کړه اختره

په تاباندې مو داځلې بیا نیک فال دی وهلی
زړګی د حنیف خلاص له دې غمونو کړه اختره

د اختر لمونځ نيت اوطريقه
شير يی کړۍ د ثواب په خاطر
مینه والو نشر یی کړئ.مننه
د اختر لمونځ دوه رکعته دى او دا لمونځ واجب دى
لومړى به نيت وکړى
نيت مى کړى د زړه د اخلاصه د کوچنی اختر دوه رکعته لمونځ سره د شپږو تکبيرونو په دى امام پسې ادا کوم خاص خداى لره مخ مى د کعبي شريفى پر لور
الله اکبر
دوهم: به ثناء (سبحنك اللهم ...) تر اخره پوري ووايي.

دريم: به درې واره تكبيرونه ووايي امام په اوچت آواز او مقتديان په ورو(کرار) سره دری تکبيرونه ووايي، په هر تكبير كي به لاسونه غوږو ته پورته كوي او ايله كوي به ئې او د هرو دوو تكبيرو تر مابين به دومره سكوت كوي چي درې تسبيحات پكښي ويل كېدلاى سي.

څلورم: امام به سورة فاتحه او قرائت وائي او ركوع ته به ځي دا ركعت به پوره كړي كله چي دوهم ركعت ته راپورته سي.

پنځم: نو بیا به امام سورة فاتحه او قرائت وايي او بيا درې واره تكبير وايي پر هغه طريقه چي پورته ليكل سوې ده په څلورم تكبير سره به ركوع ته ولاړ سي.
او لمونځ به د نورو لمونځونو په څير ختم کړي.
ــــــــــــ
د اختر لمونځ :

پر چا چې د جمعې لمونځ فرض وي په هغه باندې د اختر لمونځ واجب دی ، د اختر د لمانځه وخت د لمر ختلو څخه د لمر تر زوال پورې دی .

د اخترونو د لمانځه مسائل :

۱- د اخترونو دلمانځه د پاره آذان او اقامت نشته .

۲- په جُمعه کې خطبه د لمانځه نه مخکی ويل کيږي د اختر په لمانځه کې د لمانځه نه ورسته .

۳- که د جُمعی لمونځ قضا شي نو د ماسپښين لمونځ به کوي خو که د اخترونو لمونځ قضا شي څه نشته که ډیر لمونځ کونکی پاتی وي نو ځانته لمونځ کولای شي .

د اخترونود ورځی سنت او مستحب کارونه :

۱- د عيد شپه په عبادت لکه : ذکر ، لمونځ ، تلاوت ، تکبير او تحليل ، دعا او استغفار تيرول لکه څنګه چې رسول الله صلی الله عليه وسلم فرمايلي : «من أحيا ليلة الفطر وليلة الأضحى محتسباً، لم يمت قلبه يوم تموت القلوب» (حسنه ابن ماجه ، دارالقطني و طبراني و ضعفه النووي) .
يعنې : څوک چې د کوچني او لوی اختر شپه د ثواب په نيت په عبادت سبا کړي ، د ده زړه به نه مري په هغه ورځ چې د خلکو زړونه مري .

۲- د سبا وروسته او د عيد لمانځه ته له تللو مخکې غسل کول ، د نارينه لپاره خوشبويي وهل، پاکې او ښې جامې اغوستل او د الله تعالی د نعمت ښکاره کول او شکر ايستل .