Men ayol va qizlarimiz haqida post yozsam, ko‘pchilik opa-singillarimiz "Hamma aybni bizga to‘nkayabsiz" deb darrov xafa bo‘lishadi. Birinchidan, ular haqida yozgan birorta postimda kimnidir aybdor qilmaganman. Buni isboti bilan keltirishim mumkin. Ikkinchidan, ha, oila mavzusida sizlarni ko‘p tilga olaman. Chunki oilada o‘rningiz va lavozimingiz juda muhim. Ya'ni, oilaning hamma chorrahasi siz bilan kesishadi. Bu chorrahaning "GAI"si uydagi erkak, svetofori ayoldir. Jamiyatdagi yurish-turishingiz ham har qanaday g‘ururli erkakning tashvishidir.
Endi asosiy masalaga o‘tsam. Shaxsiy kuzatuvimdan bir haqiqat yuzaga qalqib chiqyaptiki, hozirga kelib ayol-qizlarimiz orasida betgachoparlari ko‘payib qoldi. (Ishonmasangiz, bir oy davomida ularni kuzating.)
Men ularning o‘z so‘ziga ega bo‘lib, mustaqil yashashlariga zinhor qarshiligim yo‘q. Bunga sharoit ham yaratib berishim mumkin. Ammo ayol-qizlarimizning tabiatan bir jihati (balki nuqsoni) borki, ortiqcha bo‘sh qo‘ysang ular o‘zi bilib-bilmagan holda o‘zidan ketadilar. Erkak kishining tabiati esa ayolning shattaligi va betgachoparligini ko‘tarmaydi. Ayol kishida had yo‘qolishi, erkak kishida quyishqonning chiqishi oilalarning buzilishiga, baxtning so‘nishiga, sevgining o‘lishiga olib kelishi mumkin.
Ayol kishi istasa erini har ko‘yga solishi mumkin. Shu jumladan, o‘zidan sovutib, boshqa burovga qaratmasligi ham o‘ziga bog‘liq. Erkaklar ham ayollariga bu borada ozroq ko‘mak berib yuborishi maqsadli bo‘lar. Ammo bu degani ko‘chada oilani tebratish dardida tinimsiz mehnat qilayotgan odamdan o‘ziga nisbatan maksimal e'tiborni talab qilish ne mojna.
Nima bo‘lgan taqdirda ham har ikki tomon umr o‘tayotganini har daqiqa his qilib turishsa bas. Bu qisqa davrni esa xoh urushib, xoh baxtiyor yashab o‘tkazishsin. Tanlov o‘zida!
Bu mening kuzatuvlarim asosida yozilgan o‘ta shaxsiy fikrim va oilam bilan bog‘liq emas. Ha, buni inkor qilishingiz mumkin. Siz bilan tortishmayman.
@hazratikursdosh
