#Оталар_куни
#Дадажон

Дадажон,дадажоним сизни соғиндим!
На кўникдим йўғингизга, на овиндим!
Қон йиғладим, зор йиғладим, оғриндим!
Нима қилай, Дунёсига сиғмаяпман!?

Ўша куни сиз билан тенг ўлдим, Дада!
Қабрингизга ўзимни ҳам кўмдим, Дада!
Капалакдек бошингизга қўндим, Дада! 
Тирикманми, ўликманми билмаяпман!

Ишонгандим сизни асло ўлмайди деб,
Кўзларимни жовдиратиб қўймайди деб,
Кетолмайди кўнгли менсиз тўлмайди деб,
Булут бўлиб ёмғирдайин тинмаяпман!

Қолдирдингиз қадрим кўзга илмасларга!
Дуру зарни  тошдан фарқин билмасларга!
Номардларга,кўксин қалқон қилмасларга!
Аламларга чидолмасдан йиғлаяпман!

Еру кўкка ишонмаган Дадажоним!
Қизим дея, Сен демаган Дадажоним!
Билмай кетиб, келолмаган, Дадажоним!
Мехрингизни,ўзингизни  қўмсаяпман!

Ҳеч бўлмаса тушларимга кириб туринг!
Сизни қандай соғинганим билиб туринг!
Шу кунларда ёнгинамда бўлиб туринг!
Оғриқлардан келганингиз сезмаяпман!

Нима қилай Дунёсига сиғмаяпман!

✍️Shahlo Xon

19.02.2024

😥😥😥😥😥😥

@Shahlo_Xon_ijodiy_kanali