زۀ او زړۀ🤍
ــــــــــــــــــ
غشی لمر او وچه خولۀ، میرات مزل
تا پسې مې کړی دی، ډېر زیات مزل
ستا پۀ یادښت! هر قدم او ساه ثواب
داسې لکه اوږد تر یو جومات مزل
دواړه ننګرهار! او پېښور سره
یؤ دی لۀ کنړ څخه تر سوات مزل
دا پۀ کږلیچونو ستنه، ستنه لار
وو پۀ ماتو ماتو لارو، مات مزل
ستا د سترګو امر راته شوی و
ځان ته مې پخپله کړ سؤغات مزل
چوپ د رقیبانو پۀ کوڅه تېر شه
وه احمده کانده پۀ احتیاط مزل
ـــــــــــــــــــــــــــــــــــــــــــــــــــــــــــــــــــــــــــــــــــــ
مهاجر احمد ساپي
@aHMad_sAfi2
