نعت شريف

چې څومره اوريدلي له اسمان لکه باران
درودونه سلامونه پر جانان لکه باران

نعري يي ده اومت اومت وهلي زنګدن کي
زاری يي ډيري کړي رب ته ګران لکه باران

الله ته يي کړي اوښکي توی بي حده بي شماره
پر مونږ باندې يي پروت دى لوى احسان لکه باران

د څومره لوړ صفاتو دى خاوند خيرالبشر مو
صفات يي بيخي ډير دي پر جهان لکه باران

امامْ النبــيا اول اخــير د مْرســليــنو
پري نه رسي د ښکلو ستر کاروان لکه باران

احسان يي اْمتي چې يمه دا سعادت بولم
په خوله او په زړه شکر د سبحان لکه باران

احسان الله احسان
@adabinari