KO CHIT (MDY)

IBEC ဗုဒ္ဓတက္ကသိုလ်နှင့် ကျွန်းလှဗုဒ္ဓတက္ကသိုလ် ၏ ဒုတိယအကြိမ်မြောက်ဘွဲ့နှင်းသဘင်အခမ်းအနားသို့ သီတဂူဆရာတော်ကြီးကြွရောက်

IBEC Buddhist University (IBEC)နှင့် ကျွန်းလှဗုဒ္ဓတက္ကသိုလ်တို့၏ ဒုတိယအကြိမ်မြောက်ဘွဲ့နှင်းသဘင်အခမ်းအနားအား ယနေ့ ဒီဇင်ဘာ ၂၁ ရက်နံနက် ၈ နာရီက IBEC ဘွဲ့နှင်းသဘင်ခန်းမ၌ ကျင်းပရာ သီတဂူဆရာတော်ကြီးကြွရောက်တော်မူခဲ့သည်။

ထိုသို့ ကြွရောက်တော်မူပြီးနောက် သက်ဆိုင်ရာနယ်ပယ်အလိုက် ဂုဏ်ထူးဆောင်ဒေါက်တာဘွဲ့ရရှိသူများ၊ မဟာဝိဇ္ဇာဘွဲ့၊ ဝိဇ္ဇာဘွဲ့နှင့် ဒီပလိုမာလက်မှတ်ရရှိသူများကို သီတဂူဆရာတော်ကြီးမှ ဘွဲ့လက်မှတ်များချီးမြှင့်ပေးအပ်တော်မူခဲ့သည်။

အဆိုပါ IBEC ဘွဲ့နှင်းသဘင်ခန်းမ၌ ဘွဲ့နှင်းသဘင်ကျင်းပပြီးချိန်နှင့် ဒီဇင်ဘာ ၂၂ ရက်(မနက်ဖြန်)တို့တွင် မြတ်စွာဘုရားရှင်ထားတော်မူခဲ့သည့် သုံးဖြာသောသာသနာတော်မြတ်ကြီးဖွံ့ဖြိုးတိုးတက်စေရန် "ဗုဒ္ဓသာသနာနှင့် ယနေ့ကမ္ဘာ" ခေါင်းစဉ်ဖြင့် ယနေ့ဖြစ်ပေါ်လျက်ရှိသော ကမ္ဘာကြီး၏အခြေအနေအား ဗုဒ္ဓသာသနာရှုထောင့်မှ သုတေသနပြုလုပ်သုံးသပ်တင်ပြမည့် တက္ကသိုလ်သုတေသနစာတမ်းဖတ်ပွဲကိုလည်း ကျင်းပလျက်ရှိသည်။

သုတေသနစာတမ်းဖတ်ပွဲ၌ မြန်မာနိုင်ငံအဝှမ်းရှိ ဗုဒ္ဓတက္ကသိုလ်များမှ သုတေသနစာတမ်းရှင်များက အင်္ဂလိပ်စာတမ်း(၈)စောင်၊ ပါဠိစာတမ်း(၃) စောင်နှင့် မြန်မာစာတမ်း(၁၈)စောင်(စုစုပေါင်းစာတမ်း ၂၉ စောင်)ဖတ်ကြားသွားကြမည်ဖြစ်သည်။