Nikohdan oldingi sevgi
Oramizdagi eng ko'p bemori bor kasallik shu bo'lsa kerak.
Ko'pchiligimiz chalingan, ba'zilarimizgina shifo topgan, ba'zilarda hali ham asari qolgan...
Ey birodarim yoki singlim, shu kasallik sizda bo'lsa, sizga aytarimni aytsam.
Keling birinchi aslida bu "kasallik" qachon xafvli bo'lishini aytsam.
Insonda qalb bor ekan, u albatta kimgadir yoki nimagadir muhabbat qo'yadi.
Bizning holatimizdagi kasallik, biror qarshi jinsdagi insonga bo'lgan muhabbat, sevgi.
Aslida bu kasallik emas. Ammo, uning shunday darajalari borki, insonni hayvon ahvoliga ham olib bora oladi.
Demak, kasallik bo'ladigan davri shuki, sevgan yoki yoqtirgan insoningiz bilan shar'iy yo'llardan chiqib, nikohsiz gaplashib yurish, uchrashish, xullas "sevishish".
Kasallik bo'lmagan davri esa, Allohni roziligidan chiqmagan holda, yaxshi ko'rsangiz halol yo'l ila buni halollash(nikohlanish).
Agar nikohni iloji bo'lmasa, Alloh uchun uni tark etish.
Aslida, nikohdan oldin sevib qolishga qarshiman. Butunlay qarshiman. Ammo, shunday bo'lgan taqdirda, uni darajalarini bilib qo'ygan yaxshi deb aytdim buni.
Buni "Kasallik" darajasiga chalingan bo'lsangiz, sizga haqiqiy, chin dildan beradigan maslahatim shuki -
buni darhol to'xtating.
Chunki bu kasallik, shunday kasallikki,
1. Qalbni qotiradi.
2. Allohni g'azabini olib keladi va Undan uzoqlashtiradi.
3. Dunyoda ham, oxiratda ham yomon oqibatlarga olib keladi.
4. Qalbdagi Allohga berilishi kerak bo'lgan o'rinlarni egallab oladi.
Va hkz.
Aslida, siz "Sevgi" deb o'ylaydigan holatlarni ko'pisi, "Nafs xohishi" xolos. Sevgining haqiqiysi Allohga bo'ladi. Shu sevgi orqali biz qolgan narsalarni va insonlarni Alloh uchun, haqiqiy
sevamiz va U Zot uchun yomon ko'ramiz.
Yo'q, meniki haqiqiy sevgi deyapsizmi ?
Unda keling tekshiramiz.
Sizniki haqiqiy sevgi bo'lsa, tepada aytgan kasallikka chalindingizmi yoki yo'qmi ? O'zingizga savol bering.
Agar u kasallikka chalinmagan bo'lsangiz va Alloh sevgisi ostida sevgan bo'lsangiz unda tabriklayman.
Agar aksi bo'lsa, bu "sevgi" sizni shunday qiladiki, bir kun qattiq nadomatlar qilasiz.
Ko'chada, qanchadan qancha musulmon yosh qizlaru yigitlardan, nikohsiz "sevishib" yurganlar qancha. Bular Alloh uchun sevishishyapti rostan a ?
Yo'q, bularning sevgisi shaytoniy sevgi, nafsning xohishi xolos. Bu sevgilari ularni do'zahga o'tin qilishini bilishmayapti xolos.
Ha, insonda muhabbat bo'ladi. Ammo, Alloh aytgan to'g'ri yo'l ila bo'ladi. Ana o'sha bizni, bu dunyoda hotirjam, taskin topgan va oxiratda esa baxtiyor qiladi.
Xarom sevgilar esa, bizni bu dunyoda aldangan, oxiratda esa afsuslangan qiladi.
Ko'zingizni oching yoshlar. Halolini qo'yib, xaromga yopishadigan nafsini quli bo'lishdan qoching. Kasallik yuqtirgan bo'lsangiz, O'zini dargohiga qoching. Qutuling unday shirin ko'ringan zahardan. Zero, Alloh aqlni bekorga bermadi.
Har shirin ko'ringan narsa aslida shirin emas, har achchiq esa achchiq emas. Aql esa, buni fahmlovchi qilib berilgan. Uni ishlatmasak, nega ko'tarib yuribmiz axir ?
Qalbni Egasiga beraylik. U bizga hamma go'zalliklarni beradi, sevib adog'iga yetolmaymiz.
Alloh O'zi bizni O'ziga muhabbat qo'yganlardan qilsin, shundaylarga yo'liqtirsin.
Amiyn.
#tanqid #tavsiya
@UmarSadullayev
