Фарзандларимни ҳаётда доим биринчи, доим ғолиб, доим лидер, доим аълочи, омманинг наздида ҳаммага ўрнак бўладиган инсон бўлиб яшашидан ҳам кўра, доим ўзини бахтли ҳис қилиб яшашини истайман.

Жамият томонидан сингдирилган бахтлилик стандарлари билан эмас, балки ўз орзуларида тасаввур қилган бахтли ҳаёт эгаси бўлсин. Орзулари ўзиники бўлсин. Севимли иши билан шуғиллансин. Асосийси бировларга ҳам ўзига ҳам зарар келтирадиган, бошқаларнинг кўнглини оғритадиган зараркунанда одам бўлмасин.

Агар кимдир сизнинг яшаш стандартларингизга тўғри келмайдиган ҳаётда яшаётган бўлса, у нотўғри яшаяпди дегани эмас. У ўз йўлида кетяпди.

Фридрих Ницше айтганидек,

Сизнинг ўз йўлингиз бор. Менинг ўз йўлим бор. Тўғри йўл, ҳақиқий йўл ёки ягона йўл деган нарса йўқ.

Баъзи ҳолатларда, нимадир қилиш учун мутлақо тўғри ёки нотўғри усул мавжуд эмас. Сизга шунчаки ўзингиз учун энг мос келадиган усулни топиш керак.

@kongilxotirjam