نَـجَـاتـي .

يلا حيلي وجهو الصوره ولتحت وكتبو فاتحه تبادل لطفاً 🫂🤍

قُل للذي قَتلَ البراءةَ عَامدًا
شُلتُ يَداكَ وفي الجَحيمِ سَتُحرقُ؛

عاجل جداً

الاطفال تحترق

عاجل

السجاد ينادي بصوت عالي عليكن بالفرار

عااااااجل

هجوم جيوش بني زياد على معسكر الحسين وسماع صوت النساء والاطفال من داخل المخيمات

عاجل

انتهت معركة الطف وقتل الحسين بن علي ؏ ..

همَ لحد الان نلعن بيهم
وامامي ارواحنا كُلنا إله فداء صارله فوك الالف سنه واحنه ما ناسي ونزوره والناس لحد هسه تصيح
لَبيكَ يا حُسين
وكل سنه ملايين تمشيله
والناس تتعناله من كُل الدول ومُختلف الاديان بـ كُل وقت تطلب منه مرادها وما يقصر
الحُسين ابن علي الامام الضامي صاحب الگرامات العَظيمة
اللي بضريحك تنسى الكون وتعيش بـ راحه وسَكينه وحُب و آمان
هوَ امامنا وشفيعنا و وسيلتنا الىٰ الله

هوَ " سيد الشُهداء " و " ذَبيح الله " و " سَيد شباب اهل الجَنه " و " ابا الاحرار " و " ابن حيدر الكرار " و " ابا علي الأكبر " و … اله كثير من الالقاب
هوَ شفيعنا وحبيبنا وسيدنا ومولانا وروحي وارواح كُل العالمين لهُ الفِداء

الامام الحُسين هواي تعذب وهواي تأذه فـ انتَ فَرحة بـ ذِكرك اله حتى من تشرب المي سلم ع امامك اللي استشهد لخاطرك وهوَ عَطشان استشهد حتى الدين الاسلامي يوصلك وما يندثر
فـ لو لا تضحية الامام الحُسين و ثورته ضد يزيد ولو لا نقل الرساله مِن قبل السيدة زَينب وردمها للاعداء جان اندثر الدين الاسلامي وما بقى ولا اي شخص مُسلِم يتبع الدين الاسلامي جان كلها اتبعت يزيد الافعاله مُحرمه ومشت ورا

علمودنا امامنا ضحى بروحة وبـ اعز ما يملُك لخاطرنا ….
لهذا " لأجل الداست صَدرة الخِيل 💔 " احرص على دينك واتذكر انُ امام معصوم ضحى بروحة لخاطر الدين ولخاطر انتَ تكون مُسلِم الله ربك ونبيك مُحمد و كِتابك القُران و اولياءك هم اولياء الله هم علي واولاده واحفاده وحُجج الله في ارضهِ فـ احرص ع الاسلام واسعى لرضاهم و رضى رب العالمين والقُرب مِنهم حلل حلالهم واتبعه
ولا تمشي بالحرام وتخسر الدنيا والاخره

دائمًا گروو …..
اللهُم العن قتلة الحُسين ابن امير المؤمنين اللهُم العن اول ظالم ظلم حق مُحمد وآلِ مُحمد واخر تابع لهُ على ذالك اللهُم العن العصابه التي جاهدت الحُسين وشايعت وبايعت وتابعت على قتله اللهُم العنهم جَميعًا
اللهُم العن معاويه ويزيد ابن معاويه عليهم منك اللعنة ابد الأبدين اللهُم فضاعف عليهم اللعن منك والعذاب الاليم اللهُم العن ابا سُفيان وعُمر ابن سعد وعُبيد الله ابن زياد وابن مرجانه وشُمرًا وحرمله و آل زياد وآل مروان وكُل من شارك بـ قتل الحُسين

السَلامُ على الحُسين وعلى علي ابن الحُسين وعلى اولاد الحُسين وعلى اصحاب الحُسين وعلى قَمر الهاشميين واخوانه اخوان الحُسين وعلى سيدتنا الحوراء زَينب اخت الحُسين وعلى كُل بنات ونِساء وعيال مولاي الحُسين الشهيد العطشان غَريب گربلاء 💔

الروايات تكول بوقتها السَماء صارت حَمرررره
الامام الحُسين تقدم وهوَ منتظر لحظة استشهاده بعد ما ودع عياله وبناته واخته العَقيله زَينب

عُمر ابن سعد قائد جيش يزيد لعنهم الله كال للجيش
انطوني سهم وخلوني اني اول واحد اضرب الحُسين 💔
واشهدو بهذا الشي كدام الامير يزيد حتى يكافئني
هنا أُطلقت السِهام على إمامنا الضامي روحي لهُ الفِداء

وهو كال لـ جيش يزيد بـ هاي اللحظه : ويلكم على مَن تُقاتلوني على حَقٍ تَركتهُ ام على شريعةٌ بدلتُها أم على سُنةٌ غَيرتُها
فَـ گالوله : نُقاتِلُكَ بُغضًا مِنـا بـ أَبيك

فَـ هنا بجى مولاي الحُسين و گال
" إن گان دينُ مُحمدٍ لا يستقيم إلا بِـ قَتلي فَـ يا سيوف خُذيني "

فـ انطلقت السيوف عليه واجت بـ صدره وكع الامام الحُسين وگال " بسم الله وبالله وعلى ملة رَسولِ الله " وصاح بصوت " وااااجداااه وامُحَمداااه "

وَقع حَسيرًا گسيرًا غَريبًا ضامـي

طاح وجانت تدور عليه السيدة زَينب بعدها لكته وحاجته من شافها الشِمر اجه دفعها لعنه الله رأسًا بعدها تقدم و داس ع صدر الحُسين فـ السيدة زينب بجت وكالتله

" ارفق به لقد كسرت صدره واثقلت ظهره فـ ان هذا الصدر قد تربى على صدر رسول الله وصدر فاطمة الزهراء هذا الذي ناغاهُ جبرائيل وهز مهدهُ ميكائيل ، دعني اودعهُ "

بس الشمر لعنهُ الله ما اهتم لكلامها ومن بعدها سير الخيول الاعوجيه اللي هي اكبر خيول بالتاريخ وزن حذوتها كيلواااات واكثر وكومه خيول من هذا النوع اطلقوهن لعنهم الله يدوسون ع صدر الحُسين ابن امير المؤمنين وحوافرها نبتت بصدر الضامي

الله أكبر يعني والله ما تنحچي
امام مَعصوم هيج يصير بي
هوَ غريب وتعبان وعطشان وفوك السهام وعذابه واذيته الخيول بحذوتها تسحك صدره وتنبت حوافِرها بـ صَدره
الله أگبر شصار بيك يا مولاي ابا الأگبر


حتى تكول الروايات
الامام الحُسين اختفى خَياله من الكاع
صار ماعنده ظِل گد ما انسحك 💔

وقبل لا يذبحه الشمر كال الامام الحُسين اله
والله انك الذي كنت تزورني في المنام وانتَ الذي وصفك جدي رَسول الله بـ الشخص الذي لديه بوزٌ گ بوزِ الگلب …….

يكله انتَ نفس الشخص اللي جنت تجيني بلحلم تذبحني ونفس الشخص اللي جان يوصفه جدي رسول الله من يشوفني ويبجي ع مُصابي

الشمر سمع الحُسين هيج كال غضب وكال :
انا الذي لدي بوزٌ گ بوز الگلب ؟. والله لأذبحنك مِن القَفا

كِلب الحُسين وذبحه من الكُفا يعني من ورا وجان مَولاي الحُسين الوحيد من بين كُل الشُهداء الذي نُحِر وبعده بي نفس كُلهم جانو بعد ما يموتون وتنتهي حياتهم ينحرونهم ويعلكون راسهم على رُمح يتفاخرون بي
الا الامام الحُسين وهوَ عايش والنفس بعده بي نحرو
و ما اكتفو بكل هذا بعدها قُطِع اصبع ايده " خُنصرهُ الگريم " وشال راسه بـ الرُمح يستعرض بي
وفرحو آل زياد وآل مروان لعنهم الله بوقتها من استشهد الامام الحُسين " عليه السلام "

يعني ذبحو وهو عايش " ذَبيح الله "
استشهد الحُسين وهوَ مو شهيد عادي لا " سَيد الشُهداء " و " سَيد شَباب أهل الجَنه "
والروايات تكول بس ذُبِحَ الحُسين تزلزلت واهتزت الارض والسَماء وامطرت السَماء بَدل الماء دَمًا فـ ان هذه دموع المَلائكة جَرت على إبن بنتِ رَسولِ الله

وما اكتفو بـ هذا الشي بعد ما استشهد الحُسين سَلبو هدومه وخلو جَسده ثلاثة ايام على العراء والرِمال بِـ ارض گربلاء استشهد ضامي و ظَل بلشمس مَولاي 💔
الا مِن بعدها اجا ابنه الامام زَين العابدين عَ بيوم دَفن الاجساد الطاهره دفن جَسده ابو الطاهر
والروايات تكول
من جاي يدفن الجسد الشريف مولاي زين العابدين عَ سمع صوت ابو الحُسين يكله .. وَلدي عَلي .. وَسِد رَضيعي على صَدري

طِلب يندفن عَبدالله الرضيع ويا بنفس القَبر
ويخلي ع صدره ولحد الان موضع دفن الامام الحُسين نفسه عِند مَرقده الشَريف بـ گربلاء المُقدسه هوَ و ولده عَبدالله بـ نفس القَبر وعلى يمينه ويساره اصحابة الشُهداء و ابنه و نَفسه و روحه عَلي الأگبر و گباله الإمام العَباس
والروايات تكول بعدها
السيدة زَينب عَ هي رجعت رأس الامام الحُسين ودُفِن ويا جَسده


عبالكم يزيد واتباعه من هذوله الكُفار اللي يدعون الاسلام بـ هاي افعالهم ربحو ؟
لاا خسرو خسارة عَظيمة و فاز الحُسين وتخلد بـ القلب والروح وبكُل الازمان راح يضل مُخلد امامنا
ونلعنت وماتت سيوفهم
" انتصر دَم الحُسين ع السيف "

المُهم ظت القافله تسير لحد ما وصل الامام الحُسين لـ ارض توقف بيها غير الكوفة لان عرف ما راح يلاكي منهم شي ينفعه وكُلهم غدر
فـ توقف بـ ارض عِرف انُ هالارض اللي هوَ و اولاده واخوانه واصحابه كُلهم راح يستشهدون بيها وعياله راح ينسبون منها
بوقتها ظل يسئل ع اسمائها وعددوله
ارض نَينوى … الغاضريه ……. الخ
لحد ما كلوله گربلاء
كال الامام الحُسين
إنهـا ارض كِربٌ و بَلاء

هناك لكو واحد اسمه عمر ابن سعد لعنه الله كال
يزيد طلب منك تبايعه واذا ما تبايعه راح يقتلك ويقتل كل اهلك واتباعك
لكن الامام رفض مبايعة يزيد ورفض يندثر دين جده رسول الله بـ افعال يزيد وقومه المُحرمه واتباع الناس الهم

هنا الامام الحُسين جان ويا اخو الامام العباس واصحابة واخوانه اولاد ام البنين اللي هم اخوان الامام العباس جعفر وعبدالله وعثمان وهم ويا بنته سُكينه وابنه علي الأكبر واخته السيدة زَينب

وابنه الامام زَين العابدين ، علي السجاد عَ اللي هوَ يسمو عَليل گربلاء
الوحيد اللي ما كدر يشارك بلمعركه لان جان مريض
وجان كل ما يعين روحه ويريد يطلع يشارك من يشوف ابو الحُسين وحده
هو يجي يدخله للخيمه ويرجعه يمنعه من الطلعه لان جان يكله
ابقى انتَ اني راح استشهد وانتَ الامام من بعدي وانتَ اللي بيك راح تتكمل سلالة احفاد رسول الله و عَلي …. واحفادي واحفادك يكونون أأئمة معصومين مِن آلِ مُحمد

حرموهم من الماي
وظلو عطشانين والامام الحُسين جان ينمرد كلبه من يشوف عياله واولاده عطاشى
بحيث من كثر العطش لسانه صار خشب
بيومها جان علي الاكبر بس يريد ماي
فـ من تقرب عَلي الاكبر ع ابو الحُسين يشوفه
ما حَس الا كال يا ابتاااه لسانك گ الخشب
من كد ما ضامي مولانا لسانه يبس گ الخشب لان الاعداء لعنهم الله كطعو عَنه حتى الماي ورفضو ينطو


جان الامام عنده طفل رضيع اسمه عبدالله هذا الطفل رضيع ويحتاج مي وهوَ صارله ايام ما شارب قطره تصورو طفل رضيع و ايام ما واصلته قطرة ماي !؟

الامام بوقتها من شاف ابنه هيج راحلهم يطلب منهم الماء لعياله وهمَ يرفضون
فـ هنا صاح بـ اعلى صوته
هل تعلمون ان جَدي رسول الله ؟
كالوله : نعم نعلم
كاللهم
هل تعلمون ان امي فاطمة بنت مُحمد ؟
كالوله : نعم نعلم
كاللهم
هل تعلمون ان ابي علي ابن ابي طالب ؟
كالوله : نعم نعلم
كاللهم
هل تعلمون ان هذه عِمامة الرَسول التي ارتديها ؟
كالوله : نعم نعلم
فـ كللهم : لِمَ تستحلونَ دَمي ؟
كالوله : انا نعلم ذاك كُله لكنّا لسنا تاركيك حتى تذوق الموت عطشا

لاحول ولا قوة الا بالله العلي العظيم اللهم العن قتلة الحُسين ابن أمير المؤمنين


لحد ما امر الحُسين اخو العباس بيوم العاشر من بعد ما رواهم بالسابع هذا اليوم هم يروح يجيبلهم الماي حتى لو يقاتلهم وسُكينة هم طلبت من عمها الماي وكُل العيال جانو عطلشى

فـ من راح العباس و وصل النهر ملئ القربه وبطريق عودتهُ غدرو
ولم يُقتَل العَباس إلا غَدرًا

نغدر ابا الفضل و وكع من وكع حس بي الحسين وطلع اله ركض يدور عليه لحد ما لكى دنك عليه حظنه وكلبه ينزف وحس شي بداخله نكسر وضهره نحنى بس شاف ابا الفضل متوسد بلكاع
سهم بعينه و سهم بـ صدره
وبباقي جسمه
بدون اذرع ثنينهن متقطعه
ضربة العامود بـ راسه
نفطر كلبه بهالساعه ومن استشهد العباس الحُسين رفع راسه وشَعره كُله صار ابيض و ظَهره انحنى

السلام عليك يا ابا عبدالله الحُسين 💔


بعد ما رجع مولاي الحُسين عطشان رجع لعبدالله يدورله ماي يريد بس يروي هالطفل الرضيع
فـ اخذه وراح رفعه وقدمه طلب منهم المي اله
لكن هم لعنهم الله و حَرمله لعنهُ الله بـ ايده اطلق سهم ثُلاثي حاد لـ نحر الطفل الرضيع ذبحه وهو بـ كماطه
وبين ايدين ابو
تخيل …!
الامام الحُسين شصاير بي
يا اب يتحمل اولاده يتذبحون بين ايديه ويضل يلم بـ اجراء جسمهم
يا اخ يتحمل اخوانه يتذبحون كدام عيونه ويضل صامد
يا صاحب يقبل صاحبة ينذبح كدامه ويموت
هذا كله لخاطري ولخاطرك ولخاطر نكون اسلام
لخاطر الحُسين اللي تعذب كُل
هذا العذاب حافظ على دينك والتزم بي …


وكع دم عبدالله الرضيع بين ادين الحُسين نظرله بقهر و شمره للسماء وكال
" اللهُمَ إن گانَ هذا يُرضيك فَـ خُذ حَتىٰ تَرضى "

عُذرًا مَولاي عُذرًا يا صاحِب الزَمان 💔

وحَسب الروايات
اكو موقف يروي عبدالله ابن جَعفر زوج السَيده زَينب يبين الحُب اللي يحمله مولاي الحُسين لـ اخته السيدة زَينب


يكول عشت حياتي ويا زينب حياة سعيدة فـ هي امرأه مطيعه مُحبة مُضحيه تربية الامير علي وفاطمة الزهراء ونابت بيها حب الحسن والحُسين والعباس بعد إمراه عظيمة

بس بيوم من الايام دخلت للبيت شفت زَينب متوتره نادتني جاوبتها لكن ما حجت ولا ردت عليه
ترفع ايدها لوجها لو تحرك بـ ايدها لو تمشي وبعدها تكعد
لمحت القلق والذُعر بـ زَينب
سئلتها مره ومرتين لحد ما جاوبتني وهي ترجف وكالت
الحُسين راح يسافر … وحجتله كلشي
هوَ هنا ظل ينظرلها اخر شي كالتله
عَبدالله اروح …؟

هوَ سكت ومولاتي ردت كالتله
اني امشي بـ امرك لان انتَ زوجي و واجب عليه طاعتك وما اكدر اطلع الا برضاك
لكن ثق يا عَبدالله اذا ما رحت ويا الحُسين اموت اني مالي عيشه دون الحُسين ماكدر بدونه

يكول هنـا اني بجيت لكن ما بجيت على زَينب بجيت على ابا الأگبر

تدرون ليش بجى ع الحُسين ؟
هسه اكُللكم ليش
قِبل هو وانطى موافقته للسيدة زَينب
حزمت الامتعه وجهزت كلشي تحتاجه

وكاللها يلا امشينه اوديج الهم
يكول مشينه وتونه طلعنه ولكيت الحُسين واكف بـ بداية الشارع ينظر جن منتظر عزيز يريد يشوفه
اول ما شاف زَينب ضحك و بچى امامي الضامي
هي ركضت عليه وبشرته بـ قبول عبدالله
فتحلها ذرعانه وحضنها وهو ما مصدك وكلشويه يكلها
زَينب خويه تمشين ويانه زَينب ويانه واحنه اخوانج

وهي تجاوبه
اي وياك نور عيوني
الحُسين يصد ع العَباس ويضحك ويكُله
خويه عباس زَينب هَم ويانه
وظل حاظنها وما بوده يتركها

هنـا بچه عبدالله على ابا الاكبر وحُبه و لهفته لاخته
هيج الامام الحُسين جان يحب السيده زَينب وهيَ كذالك
سارت القافله وجان الحُسين يوصي زَينب زَينب ماريد احد يأذيها والعَباس يكول ماريد احد يلمح ظِل زَينب وهوَ والحُسين يوصون بـ زينب تضل بالخيمه

بحيث اكو رجل يوصف يكول من قبل لا تسير القافله مرت نساء مُغشايات بـ الاسود ما عرفناهن منو وحده منهن رادت تصعد ع الجواد ما كدرت
اجـاها رَجُل جَميل وسيم عنده ضخامة وجسم و باينه على هيئتة الهيبة والشجاعه ويتميز بـ نظرة عيون حاده مُخيفه لا بَل تكون مُميته
دنك كدامها يَم الجواد ورفع رجله
وصوته گال

أُخيه دوسي على رجلي وصعدي ع الجواد ..
هذا منو عرفتو ؟
مَولاي ابا الفَضل العَباس ♥️
من شاف السيده زَينب ما تكدر تصعد ع الجواد عالي دنك كدامها ومد رجله رفع ركبته وكاللها دوسي ع رجلي يا خويه وصعدي
من صعدت هي ما سيطرت رادت توكع لوحت اديها واذا بـ شخص جميل الهيئه ويملئ وجهه الوِقار ومُرتدي عِمامة أقل ما يُقال عنها جَميله فَـ هذهِ عمامة الرَسول
يلزم ايدها ويسندها ويرفعها يكعدها ع الجواد
هذا منو عرفتو ؟
مَولاي الحُسين الضامي ♥️

شكد يحبون السيدة زَينب لعد ؟
لو يدرون شصار بيها من راحو شيسون
لو همَ موجودين يصير هيج ؟… شي اكيد لا ظل زَينب ما ينشاف بوجودهم
عاد الضَرب والسَبي 💔

السيدة حميدة بنت مُسلم ابن عقيل
من سمعت بـ ابوها استشهد نهارت وتأذت وظلت تبجي
الامام الحُسين راح شافها وظل يواسيها ويكُللها لا تبجين بنيتي ابوچ مات بس هسه اني أَبوچ

شكد حَنين أَبو عَلي شكد حَنين مَولاي الحُسين هوَّ ابو كِل وحده تحس بـ حاجة ابو .. عود خوما استغربتوا لا ابدًا لا تستغربون لانُ ابو هوَ الأمير علي العالم من تسلم عَليه تكول
السَلام على الأب الحَنون … ابا المَساكين والمَضلومين والمُتعبين عَلي والحُسين عنده مِن حنية عَلي
لان بالتالي هوَ أبنه
الحُسين ابن عَلي ♥️

بعد استشهاد الامام الحَسن اللي من جان يوصي الامام الحُسين والحُسين يهون عليه و يواسي بـ مُصيبته
لكن الامام الحَسن صفن ع الحُسين و بوسط ألمه من السم اللي يجري بجسمه ويأكل گبده حجه بصوت مُنهك و حَزين
" ولكن لا يوم گ يومُكَ يا ابا عَبدالله " 💔


دَخيل اولاد فاطم حتى من يوصلون للموت تلكيهم واحد يذكر الاخ و واحد بعين اللاخ

استشهد الامام الحسن واخذ الامام الحُسين مكانة رغم اللي سوا مُعاويه لكن الامام الحُسين ظل ثابت وملتزم بالصُلح
مع انُ بعدها من شاف افعال معاويه وقومة كال لاخو الحَسن خلينه نكسر الصُلح ونعلن الحَرب لان افعالهم ما ينسكت عنها
لكن الامام الحسن ما يقبل والامام الحُسين تحمل كُلشي لخاطر اخو


وبعد مرور ١٠ سنوات مات مُعاويه لعنهُ الله وجانت من احدى اتفاقيات الصُلح
هي الخلافه من بعد موت معاويه ترجع للامام الحُسين عَ

لكن معاويه لعب لعبه وهوَ ع فراش الموت طُمع !
اي طُمع بالجاه والمال والتُراث والمُميزات اللي عند الخليفه والسُلطه وطمع بـ كُلشي يخص مُحمد رَسول الله و طُمع بلخلافه وما قِبل ترجع للحُسين ابن أمير المؤمنين فـ عَيّن إبنه يزيد لعنهُ الله للخلافه وعِلنه هوَ الاميـر
من بعده وهيج يكون نقض الصُلح والاتفاق اللي جان بينه وبين الامام الحَسن عَ

فـ بعد موت معاويه صار يزيد هو الامير وبوقتها دز رساله للامام الحُسين يكله
اريدك تبايعني مثل ما هذوله الناس بايعوني للخلافه

شلون الحُسين ابن علي يبايع هيج واحد اساسه حَرام ؟
يصير ؟ لا طبعًا ميصير
الامام الحُسين رُفض رَفض قاطع

ومن عرف يزيد هو يريد يصير الخليفه كال " إنا لله وإنا إليه راجعون وعلى الإسلام السَلام إذا بُليت الأُمه بـ راعٍ مِثلَ يَزيد "


فَـ هنا الامام الحُسين رفض السكوت وراد يردع الظُلم و يروح للكوفة اللي هي جانت عاصمة الخلافة اللي حكم بيها ابو الامير علي ويشوف حَل حتى يتخلص من دولة يزيد الفاسِدة المُحرمة اللي تحكم وتسوي افعال مُسيئة كلها بـ اسم الدين الاسلامي وبـ اسم جَدهه النَبي مُحمد رسول الله

فَـ هنا كال الامام الحُسين روحي فِداه
" اني لم اخرج اشرًا ولا بطرًا ولا مُفسدًا ولا ظالمًا إنما خَرجتُ لِـ طَلب الإصلاح فـي أُمة جَدي رَسولِ الله "

من عِرف يزيد انُ الامام الحُسين راح يجي للعراق للكوفة دز شَخص الها اسمة عُبيد الله ابن زياد
و ويا جيش كُلش جبير وهوَ منطي خَيارين يكله
يا اما تخلي الحُسين ابن علي يبايعني
او تُقتله و تأتي إلي بـ رأسهُ

الامام الحُسين اجا للعراق بالذات حتى يحارب يزيد وما راد يسويها وهوَ بمكانه
لان اكو بـ مكه و بـ المدينه هواي اتباع لـ يزيد ومُمكن بـ اي لحظه يقتلو هناك
والسبب الثاني والاعظم عند الحُسين ما راد الگعبه اللي هي بيت الله الحَرام يتضرر او يصيبه أي خدش لهذا
اجا مِن السعودية للعراق


لكن قَبل لا يروح الحُسين للعراق ارسل ابن عَمة مُسلِم ابن عَقيل " سَفير الحُسين " للكوفة حتى ينطي علم للناس انُ ابن امير المؤمنين الحُسين ابن عَلي راح يجي حتى تبايعو
وفعلًا وصل مُسلم وجمع هواي ناس وهواي ناس ايدت كلامه و كالت بَس يجي الحُسين احنا ويا ضد غيره
وقسم منهم كالو بايعنا هاهيه هوَ ابن امير المؤمنين عَلي وكُلنه ويا وقَنع تقريبًا ٣٠٠٠ شخص من العراق يناصرون الحُسين
لكن اصحاب يزيد لعنهُ ولعنهم الله
وصلوله كلام انُ الحُسين دز ابن عمه لهنا و اقنع اغلب العالم وكُلها تريده وتحبه وراح تبايعه

هنا يزيد غضب وهددهم انُ لازم يغيرون الامر ويقلبونها ضدهم
فـ غير الوالي مال الكوفه و رسل الهم عُبيد الله ابن زياد هو صار الوالي هذا هنـا
صار يجتمع بالناس ويحرك بيهم
وقسم منهم ظلو صامدين لكن هَدد أنُ كُل شخص يناصر الحُسين ابن عَلي يُقتل وينقطع رأسه هوَ او أي احد مِن عياله
هنـا العالم خافو وكُلهم تراجعو
لكن مُسلم ابن عَقيل ظَل حاير شلون راح يجي الحُسين والعالم كُلها هسه صارت ضده وما راح يلكه مُناصِر غير ال ٧٢ الجايين ويا مُقابل هاي الاقوام الجبيره

فـ راد بس فرصه يوصل رساله للحُسين لكن ما خَلو حاصرو لعنهم الله وقتلو من شمرو من اعلى البنايه الى الارض واستشهد الإمام مُسلم بِن عَقيل عَ
بـ الكوفه وضريحة لحد الان موجود والعالم تزوره


سارت قافلة الحُسين مُتجه نحو العراق وبـ طريقهم وصل خَبر للامام الحُسين انُ مسلم بن عقيل استشهد

هنا الامام الحُسين روحي لهُ الفِداء عرف انُ نغدر من اهل الكوفه ومحد راح يناصره ويصير ويا

الامام الحُسين بقى ويا الرسول ٧ سنوات ما يفاركه ولا لحظه بـ كلشي ويا
لحد ما مات الرَسول و اعلنت الأُمه الحِداد بالحِزن عليه لكن الامام الحُسين جان حزنه اكبر واعظم من حزنهم بـ اضعاف

من بعدها رُبىٰ تحت ظِل ابو الامام علي وامه فاطمة الزهراء وتعلم بـ تعاليمهم و درس دراستهم وتميز بـيها من بعدها استشهدت الزهراء روحي لها الفِداء

كدام عيون الحُسين وهوَ مو چبير بالعمُر فقد فاطم امه وشكد صَعب يفقد الانسان امه
وفاطمة الزَهراء مَولاتي مو حي الله أُم
تأذه الحُسين بعدها هواي لكن اللي شد عضده ابو الامير عَلي واخو الحَسن والسيدة زَينب

ومن بعدها كُبر وصار شاب اجت مولاتي أُم البَنين اللي احبته حُب صعب ينوصف وجانت مستعده تفدي بروحها
هوَ ابن الزَهراء وهي عزيزة الزَهراء شلون ما تحبه لعد ؟
روحها من الدنيا الحُسين اللي ضحت لخاطره بـ ٤ اولاد

بشباب الامام تميز بـ العلم والشجاعه وخاض كثيررر حروب ويا ابو امير المؤمنين وجان عابد زاهد مُطيع لـ رب العالمين
جان هواي يذكر الله وصفاته كُلها صفات انسان مؤمن خاشع مُحِب لـ الله و رسوله وعنده هواي اقوال تخص الدين الاسلامي يعلم بيها الناس الاذكار والاقوال

وجان كريم ومِثال لشباب زمنه بحيث كُل العوائل تتمنى عدها ولد مثل الحُسين ابن علي واخلاقه وعلمه وثقافته


مَر الزَمان واستشهد الأميـر عَلي
وهنا من بعد استشهاد الامير علي صار الخليفه هو ابنه الچبير الامام الحَسن المُجتبى روحي لهُم الفِداء گريم آلِ مُحمد

من صار الامام الحَسن خليفه الدين الاسلامي شُبه نقسم هنا وصارت ناس تحكم بـ اسم الدين الاسلامي بغير اماكن
فـ جان شخص اسمه مُعاويه ابن ابي سُفيان لعنهُ الله جان يقتل وكل فعل يسوي سيء بـ اسم الدين
وجان كُلش يكره الامام علي عَ
ويأمر الناس بـ كُل اذان يلعنون الامام عَلي

الامام الحسن عَ جان بلسعوديه يحكم واله مُحبينه بينما معاويه جان يحكم بالشام واله اتباع كُلش جبيره من الناس تحت امره حتى بالمَدينه و بـ مكة
فـ الامام الحَسن روحي لهُ الفداء حَقنًا للدِماء وحتى لا تصير حروب بين المُسلمين قَرر يسوي صُلح ويا
حتى لا يتفرق الدين
فـ سوا الصلح حتى ينقذ الدين الاسلامي وما يخلي يتهدم



بهالوقت جان الامام الحُسين يم اخو ويأيده ويسانده بكلشي ومتفقين ع كلشي بيناتهم

تنازل عن الخلافه لـ مُعاوية بشرط يكون الامام الحُسين هوَ الخَليفه مِن بعده

الروايات تكول
جان دائمًا تجي لـ الامام الحَسن رسائل من العراق تكله احنه نريد نتبعك احنه نريد نناصرك الك ونبايعك تعال النه و ….. الخ
فـ الامام من يشوف الرسائل ياخذها و يشمرها بالنهر فـ بيوم شافته جارته وكالتله
ليش كل ما تجيك رسائلهم تشمرها بالنهر
هوَ هنا رَد عليها وكاللها
" من اهل العراق قومٌ لا يرجعون على حق ولا يقصرون على باطل .. اما إني لستُ اخشاهم على نَفسي وانما اخشاهم على ذالك .. ويأشر ع الامام الحُسين "
چن گلبه جان حاس بهذا البَلد اخو راح ينغدر ويتأذه تنسبي اخته وتتشرد عياله ونسوانه بـ العراق وبعدها من العراق لـ الشام 💔

المُهم صار صلح بين الامام الحسن و مُعاويه
لكن الروايات تكول
بعد فترة معاويه مِن كُرهه لـ آلِ عَلي
جاب شخص اسمه مروان ابن الحَكم و دزه على زوجة الامام الحَسن
وكاللها معاوية يريدج تسمين الحَسن وتخليله السِم بـ اكله فَـ اذا سويتي هذا الشي معاوية راح يزوجج ابنه اللي اسمه يزيد وينطيج اموال اعتقد
اللي هيَ الروايات تكول
اسمها خولة بِنت الأشعث

ومن بعد الگلام زوجة الامام الحَسن اقتنعت …. تخيل زوجة تـسِم زوجها !
خلت اله السِم وخلت الامام الحَسن يشُربه وهي كدامه تنظرله ولا عبالك مسويه جريمة بزوجها و سامة إمام مَعصوم
وا اويلاه عليك مَولاي
مَسموم مَظلوم أَبا القاسِم
السَلام على الإمام المَظلوم صاحِب الگبد المَسموم