သို့သော် ကနေ့ တောင်ခန်း နောင်ချို
အမ်း တိုက်ပွဲတွေမှာတော့
တပ်မတော်က အသာစီးပဲလို့
ကြားပါတယ်

ကျွှန်တော့်ဒီပို့က နောက်ကျတယ်ဗျို့
အမှန်က လားရှိုးကွန်ပြူတာတက္ကသိုလ်မှာ
ကိုးကန့်တွေဖမ်းခံရကတဲက
ဒါတွေ ပြောချင်နေတာ

ကွန်ပြူတာတက္ကသိုလ်မှာ ကျွှန်တော့်ဖုံးနဲ့
ပိုက်ဆံ ခုနစ်သောင်း
ကိုးကန့်တွေ ဒါးပြတိုက်ယူသွားတယ်
ထမင်း ငတ်တယ်
စားရပြန်တော့ လက်မဆေးပဲ
စားရတယ်
ဟင်းမပါဘူး
အိပ်တော့တမံသလင်း
စောင်မပါဘူး
အိမ်သာက မစင်တောထဲနင်းသွားရတယ်
ထောင်ကျတာထက်ဆိုးသေး
ဒါမျိုးကျ ဘယ်လူ့အခွင့်အရေးဆရာမှ
မအော်ကြဘူး

ကိုးကန့်က ပြည်သူထံက ဒါးပြတိုက်
ယူထားတဲ့ ပိုက်ဆံထဲက
မိန်မနဲ့ ကလေးတွေ ပြန်လွှတ်တော့
ငါးသောင်းစီ
ထောက်ပံ့ပါတယ်ဆိုပြီး
လိုင်းပေါ်တင်ပြတယ်
(ယောက်ျားမှန်သမျှ မပေး)

ဒါဏ်ရာရ တွေကို
တပ်မတော် ဆေးတပ်ကဖမ်းရတဲ့
ဆရာဝန်နဲ့ဆေးကုပြီး
လူနာတွေ ဒီလိုကုသပေးတယ်ဆိုပြီး
လိုင်းပေါ်တင်တယ်

သောင်းချီတဲ့ လူတွေရဲ့ ဖုံးနဲ့
ပိုက်ဆံတွေ သိမ်းတယ်
လက်ကောက် ဆွဲကြိုး နာရီ
ရွှေမချန် သိမ်းတယ်

နောက်ဆုံး စင်ပေါ်က ဘုရားရုပ်ပွားတော်
တွေပါ
စားပွဲခုံတွေပေါ်ဆွဲချ
ဘုရားပါ ဖမ်းတယ်

အစက ထင်တာ ဖုံးကိုစစ်မယ်
ပြန်ပေးမယ်
ပိုက်ဆံဆို မယူဘူး ဒီလိုထင်တာ

ဘယ်ဟုတ်မလဲ
ဖုံးကို စစ်မနေဘူး
ပါရင်ချထားခဲ့ မလိမ်နဲ့
တွေ့ရင်သတ်မယ် ဒါပဲ

ပိုက်ဆံတွေက ခြေနင်းပလက်ဖေါင်းပေါ်
အဝတ်ခင်း ဖြန့်ထားပြီး
ပစ်ချခိုင်းတာ
လက်နဲ့မထိဘူး ပြီးမှသမတာ

လားရှိုးရမခ တိုင်းထဲက ရံပုံငွေတင်
သိန်းငါးရာတဲ့
စစ်ရှောင်ငွေရှိ တွေထဲက
သိန်း 40 60 စသည် ဒီလိုတွေလည်း
မနည်းဘူး
မခန့်မှန်းနိုင်တဲ့ငွေတွေ ကိုးကန့်
ကြုံးသွားတာ

ဆေးရုံဒုန်းကျတော့ အချို့ တိုင်းခန်းမကို
ပြေးတယ်
ခန်းမမှာ ဒုန်းကျတော့
လိုင်ချီးတောထဲ ပြေးရပြန်တယ်

လိုင်ချီးတောထဲ ဒရုန်းနဲ့ ဒရော့ဗုံးတွေ
စပ်ချတော့ ပြေးစရာကုန်ပြီ
အလံဖြူထောင်တယ်

ဒါတောင် ရမခဂိတ် 1 မှာပယ်ပယ်နယ်နယ်
ဗုံးကျလို့ တပ်မတော်
တော်တော်ပေးဆပ်လိုက်ရတယ်

အစအဆုံးပြောမယ်ဆိုရင်
507 တပ်က စဖေါက်တာ ရမခ
တိုင်းထဲမှာ ဆုံးပါတယ်
အချို့က ကွန်ပြူတာတက္ကသိုလ်
အချို့က အီနိုင်း
အရပ်သားရော စစ်သားရော
အဖမ်းခံရပါတယ်

စုစုပေါင်း တပ်မတော်ဖက်က စစ်သည်
ထောင်ချီကျပါတယ်
အချို့က လေးထောင်ကျတယ်တဲ့
အချို့က သောင်းချီတယ်တဲ့

အရပ်သားနဲ့ပါဆို သိန်းချီမလား
မပြောတတ်ပါ
ခန့်မှန်းမှုပေါ့
မျက်စိရှေ့တင် ထိတာတွေကတော့
အများကြီးပါပဲ

ဆရာဝန်တစ်ယောက်က
ကလေးကစားတဲ့ ဒရုန်းတောင်
တို့တပ်မတော်က မှီအောင်မလိုက်နိုင်ဘူး
ဆောက်သုံးမကျဘူးလို့
အပြစ်တင်တယ်

ကဲ ဒါတွေကတော့ ကျွှန်တော်ကိုယ်တိုင်
မြင်တွေ့ခဲ့ရတဲ့ မြေပြင်
အတွေ့အကြုံပါ

တစ်ယောက်ခြင်းစီ အတွေ့အကြုံသာ
မှတ်တမ်းပြုစုရင် လူတရပ်စာ
စာအုပ်တွေ ထွက်လာမလားမသိပါ
ဒီစာထဲ မပါတာတွေ
အများကြီးပါ

ဖြစ်စဥ် ဒိတ်အောက် ပို့တင်
နောက်ကျရပါတယ်

စစ်ပွဲက တစ်လ ကွန်ပြူတာမှာ လဝက်
ရှမ်းတောင် ခိုလမ်မှာ လခွဲ

ဒါပေမဲ့ မြှောက်ပင့်တာ
သိပ်မကောင်းဘူး
လော်ဘီအားနဲ့ တော်ကီကြွားလိုက်တာ
ရေမြွေ ဖြစ်သွားတယ်

သမိုင်းသင်ခန်းစာရဖို့
ဒီပို့ကို ရေးပါတယ်
သီပေါခေတ်တပါတ်ပြန်
သူ့ကျွန်တဖန် ဖြစ်ရ ဖြစ်ရ ဆို
မကောင်းပါဘူး

ထက်ခွန်း