သံတော်ဆင့်

SSPP ကို TNLA က ဆုတ်ခွာဖို့အမိန့်ပေး

မန္တလေး မူဆယ် ပြည်ထောင်စု လမ်းမပေါ်ရှိ ကျောက်မဲမြို့နယ် စခန်းသာ ကျေးရွာတွင် တပ်စွဲထားသည့် SSPP/SSA တပ်ဖွဲ့ဝင်များကို TNLA တပ်က တပ်ဆုပ်ပေးရန် အမိန့်အား ယမန်နေ့ ၆-၃၀၂၀၂၅ ရက်နေ့က ထုတ်ပြန်ခဲ့သည်။

ယင်းအမိန့်ကြောင့် ၂ ဘက်တပ်များ သဘောထား တင်းမာလျှက်ရှိပြီး ရှမ်းလူမျိုးများ နေထိုင်သည့် စခန်းသာ အုပ်စုတွင် လူမျိုးရေး ပြသနာ ဖြစ်လာနိုင်သည်။

#AungMoeKyaw

နစက ဘယ်ကို ဦးတည်နေပြီလဲ
========
အဓိက ပြဿနာက အမေရိကန်-ရုရှား ဆက်ဆံရေးကို ပြန်ထူထောင်ဖို့ ဒေါ်နယ်ထရမ့် ဆုံးဖြတ်လိုက်တာကနေ ဒီအကျိုးဆက်တွေ ဖြစ်လာတယ်လို့ သုံးသပ်ရမယ်။ သဘောက တရုတ်- ရုရှား ဆက်ဆံရေးကို ဖြိုခွဲချင်ပုံပဲ။

အတိတ်သမိုင်း အရဆိုရင်လည်း ယူကရိန်းစစ်နဲ့ပတ်သက်ပြီး တရုတ်ဘက်က ရုရှားကို ထိထိရောက်ရောက်၊ သိပ်ဟက်ဟက်ပက်ပက် မလုပ်တာမျိုး ရှိခဲ့တယ်။ ဒါပေမယ့် ဥရောပ အခက်၊ တရုတ် အချက်ဆိုတဲ့ပုံစံအတိုင်း ဥရောပက ဆန်ရှင်လုပ်ထားတဲ့ ဓာတ်ငွေ့တွေကို ဈေးနှုန်း ချိုချိုနဲ့တော့ ရုရှားဆီက ရခဲ့တာမျိုး ရှိခဲ့တယ်။ ယူကရိန်းစစ်နဲ့ပတ်သက်ပြီး ရုရှားဘက်ကို သိသိသာသာ ဘက်မလိုက်ခဲ့ပေမယ့် ကြားနေခဲ့တာမျိုးနဲ့ ကူညီပေးခဲ့တာတော့ လုပ်ခဲ့တယ်။ ဒီအကျိုးဆက်က ရုရှားဟာ မြောက်ကိုရီးယားနဲ့ မဟာဗျူဟာမြောက်မိတ်ဖက် ဆက်ဆံရေး တည်ဆောက်နိုင်ခဲ့တာပဲ။

ခုတော့ ဒီလိုအကြောင်းတရားရှိတဲ့ နောက်ခံကို အသုံးချပြီး ရုရှား-တရုတ်ဆက်ဆံရေးကို ခွဲချင်နေပုံရတယ်။ ရုရှားအတွက်ကလည်း ဒီအခြေအနေမှာ စစ်ရပ်ချင်နေမှာ အသေအချာပဲ။ ၃ နှစ်ကျော် ဆန်ရှင် လုပ်ခံရတဲ့ နိုင်ငံ၊ ဥရောပ တတိုက်လုံးနဲ့ စစ်ဖြစ်နေရတဲ့ နိုင်ငံအတွက် အသက်‌ရှူ ချောင်စေဖို့ လိုအပ်တယ်။ ဒီအချိန်မှာ ဒေါ်နယ်ထရမ့်ရဲ့ လုပ်ရက်ဟာ ရုရှားအတွက်တော့ အိုအေစစ်ပဲ။ နိုင်ငံရေးအရ ဆိုရင် ဘယ်သူမှတော့ မရှုံးဘူး။ Win-Win အခြေအနေမျိုးပဲ။

အမေရိကန်ရဲ့ မိမိနိုင်ငံအကျိုးစီးပွား ဦးစားပေးရေးဆိုတဲ့ ရည်ရွယ်ချက်က မြန်မာပြည်အတွက်လည်း အကျိုးများစေခဲ့တယ်။ အထူးသဖြင့် CIA ဆဲလ်နဲ့ ရပ်တည်နေတဲ့ NUG နဲ့ အချို့သော တိုင်းရင်းသားတွေအနေနဲ့လည်း ရပ်တည်ဖို့ ခက်ခဲလာတာ တွေ့ရတယ်။ နစက ဘက်က တရုတ်ကိုလည်း မျှခြေ ကစားထားသလို ရုရှားဘက်ကိုလည်း လက်ရှိခရီးစဉ်မှာ အတော်လေး ကောင်းကောင်း တည်ဆောက်ထားနိုင်တာ တွေ့ရတယ်။ တရုတ်ဘက်ကို မျှခြေကစားထားတယ်ဆိုတာ လုံခြုံရေး ဥပဒေ ပြဋ္ဌာန်းပေးလိုက်ပြီး မြန်မာနိုင်ငံက သူ့အကျိုးစီးပွားကို သူကိုယ်တိုင်ပဲ ကာကွယ်စေဖို့ ကစားလိုက်နိုင်တာ တွေ့ရတယ်။ သို့သော် ဥပဒေအရ ၈၀ ရာခိုင်နှုန်းသော ပမာဏက ကိုယ်တွေအတွက် လက်နက်ကိုင်ပြီး တရားဝင် ကာကွယ်ခွင့်ရသွားတာလည်း အမြတ်ပေါ့။


ပြောချင်တာက ခုမှစတာ။ ဒီကနေ့ အိန္ဒိယ နယ်စပ်မှာ ချင်း PDF စခန်းတွေကို အိမ်ရှင်နိုင်ငံက ဖယ်ရှင်းလိုက်တဲ့ ကိစ္စပါ။ ဒါက နစက ဥက္ကဋ္ဌ တောင် ရုရှားဘက်က ပြန်မလာသေးပါဘူး။ ဘာဖြစ်လာနိုင်မလဲ ဆိုတာ အိန္ဒိယ ဘက်က စာဖတ်တတ်ပါတယ်။ နောင်လည်း ဒီလို ကိစ္စမျိုး အလားသဏ္ဍန်တူတဲ့ ကိစ္စတွေကို နစကနဲ့အတူ တချို့ပူးပေါင်း လုပ်ဆောင် လာပါလိမ့်မယ်။

တခုတော့ရှိတယ်။ လူသတ်ထားတဲ့ MNDAA နဲ့ TNLA အတွက်တော့ နယ်ခံက လက်မခံရင် အုပ်ချုပ်ရေး ယန္တရား တည်ဆောက်လို့ မရဘူးဆိုတာ သဘောပေါက်သင့်ပြီလို့လည်း မြင်မိတယ်။ မပေါက်လို့လည်း မရဘူး။ ရွေးကောက်ပွဲကို ဒီဇင်ဘာနဲ့ နှစ်ဆန်းအစဆိုပြီး မန်းဒိတ်ပေးလာခဲ့ပြီ။ တပ်မတော်နေ့ပြီးရင်တော့ ....ဘာထူးခြားနိုင်မလဲ ဆိုတာ ဆက်တော့ စောင့်ကြည့်ကြတာပေါ့။


(နရီမိုး)

ရွေးကောက်ပွဲကို ယခုနှစ် ဒီဇင်ဘာ(သို့မဟုတ်) ၂၀၂၆ ခုနှစ် ဇန်နဝါရီလတွင် အစောဆုံး ကျင်းပရန်စီစဉ်ထားဟု နစကဥက္ကဋ္ဌ ပြောကြား
================================
ရွေးကောက်ပွဲကို ယခုနှစ် ဒီဇင်ဘာ(သို့မဟုတ်) ၂၀၂၆ ခုနှစ် ဇန်နဝါရီလတွင် အစောဆုံးကျင်းပရန်စီစဉ်ထားဟု နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်ကြီးမင်းအောင်လှိုင်က ပြောကြားသည်။
မတ် ၇ ရက်က နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် ဘယ်လာရုစ်နိုင်ငံသမ္မတ လူကာရန်းကော့တို့  ဘယ်လာရုစ်သမ္မတ နန်းတော်တွင်တွေ့ဆုံ၍ နှစ်နိုင်ငံဆွေးနွေးမှုများအပြီး ပြုလုပ်သည့် ပူးတွဲ သတင်းစာရှင်းလင်းပွဲတွင် နစကဥက္ကဋ္ဌက ထိုသို့ပြောကြားခြင်းဖြစ်သည်။
  “ကျွန်တော်တို့ဟာပြီးခဲ့တဲ့ ၂၀၂၀ ပြည့်နှစ်ရွေးကောက်ပွဲမှာ မဲမသမာမှုဖြစ်ခဲ့တဲ့အတွက် ကျွန်တော်တို့နိုင်ငံမှာ အရေးပေါ်အခြေအနေ ကြေညာပြီးတော့ ခေတ္တတာဝန်ယူထားတာဖြစ်ပါတယ်။ မကြာခင်မှာလည်း ဥပဒေနဲ့အညီ ရွေးကောက်ပွဲကို ကျင်းပသွားဖို့ရှိပါတယ်။ လွတ်လပ်ပြီးတရားမျှတတဲ့ ရွေးကောက်ပွဲကို ၂၀၂၅ ခုနှစ် ဒီဇင်ဘာလ သို့မဟုတ် ၂၀၂၆ ခုနှစ် ဇန်နဝါရီလတွင် အစောဆုံးကျင်းပသွားဖို့ စီစဉ်ထားကြောင်း ပြောလိုပါတယ်” ဟု နစကဥက္ကဋ္ဌကပြောကြားသည်။
ထို့ပြင် ရွေးကောက်ပွဲဝင်ရန်အတွက်လည်း ပါတီပေါင်း ၅၃ ခုက စာရင်းပေးသွင်းထားပြီးဖြစ်ကြောင်းနှင့်  ရွေးကောက်ပွဲကျင်းပမှုနှင့်ပတ်သက်ပြီး ဘယ်လာရုစ်နိုင်ငံ၏လေ့လာအဖွဲ့များကို လာရောက်ကြည့်ရှုနိုင်ရန် အတွက် ဖိတ်ကြားကြောင်း နစကဥက္ကဋ္ဌက ပြောကြားသည်။
ထို့အတူ ဘယ်လာရုစ်နိုင်ငံအနေဖြင့် မြန်မာနိုင်ငံတွင် နယ်ပယ်ကဏ္ဍစုံတွင်လာရောက်ရင်းနှီးမြှုပ်နှံရန်၊ နိုင်ငံတကာမျက်နှာစာတွင် နှစ်နိုင်ငံပူးပေါင်းဆောင်ရွက်မှုတိုးချဲ့သွားရန်နှင့် နိုင်ငံတကာမျက်နှာစာတွင် ဘယ်လာရုစ်ပြည်သူများက မြန်မာနိုင်ငံနှင့်အတူ ရပ်တည်ပေးသည့်အတွက် ကျေးဇူးတင်ကြောင်း စသည်ဖြင့် နစကဥက္ကဋ္ဌကပြောကြားသည်။

မုံးစီးဒေသခံများကို သတ်ဖြတ်မှု MNDAAအား ဒေသခံများ ဆက်လက်ဆန္ဒပြ

▪️ကွတ်ခိုင်မြို့ KIO/KIA ရုံးမှဝန်ထမ်းနှင့် တပ်ဖွဲ့ဝင်များ ထွက်ခွာရန် TNLA အင်အားသုံးဖယ်ခိုင်း

ဟန်နွေ/People’s Spring

ကချင်ပြည်နယ်၊ ကွတ်ခိုင်မြို့နယ် မုံးစီးဒေသ ပြိန်းခမ်းကျေးရွာအနီး ရွှေတူဖော်မှုကို ဒေသခံများတားမြစ်ရာမှ ခိုက်ရန်ဖြစ်ပွားသည့် ဖြစ်စဉ် တွင် ကိုးကန့်တပ်မတော်(MNDAA)က ပစ်ခတ် ခဲ့၍ ဒေသခံ ၆ဦးသေဆုံးခဲ့သည်နှင့်ပတ်သက်ပြီး ဒေသခံများက MNDAAအား ဆက်လက်ဆန္ဒထုတ်ဖော်ခဲ့ဟု ဒေသသတင်းရင်းမြစ်က ပြောသည်။

မတ်လ ၅ရက်က ပစ်ခတ်မှုအတွင်း ဒေသခံ ၆ဦး သေဆုံးကာ ၆ဦးဒဏ်ရာရရှိခဲ့ပြီး အခင်းဖြစ်ပွားသည့်ညပိုင်း၌လည်း သေဆုံးသူမိသားစုဝင်များနှင့် ဒေသခံများက MNDAA ရုံးရှေ့၌ ဆန္ဒထုတ်ဖော်ခဲ့သည်။ ထို့အပြင် ယမန်နေ့နှင့် ယနေ့(မတ်လ ၇ရက်)တွင်လည်း MNDAA အလိုမရှိကြောင်းနှင့် ပြည်သူအား သတ်ဖြတ်ခြင်းကို MNDAAက တာဝန်ယူမှုရှိစေရေး စာများကပ်ကာ ဆန္ဒထုတ်ဖော်ခဲ့ခြင်း ဖြစ်သည်။ မုန်းစီးဒေသမှ MNDAA တပ်ဖွဲ့များထွက်ခွာရန်လည်း တောင်းဆိုခဲ့သည်။

ထို့ပြင် ပစ်ခတ်မှုအတွင်း MNDAA တပ်ဖွဲ့ဝင်များအသုံးပြုခဲ့သည့် လက်နက်ကိုလည်း ပြည်သူများက သိမ်းဆည်းထားပြီး ဆန္ဒထုတ်ဖော်ရာ၌ MNDAA ယူနီဖောင်းနှင့်အတူတွဲ၍ ဖော်ပြထားသည်။

" လက်နက်ကပစ်ခတ်မှု ဖြစ်ပွားတဲ့နေ့မှာ ပြည်သူတွေက အဲဒီမှာ ရုန်းရင်းဆန်ခတ်ရင်းနဲ့ သိမ်းဆည်းထားတယ်လို့ အဲဒီလောက်ပဲ သိထားပါတယ်”ဟု သတင်းရင်းမြစ်က ပြောသည်။

ထို့ပြင် ယနေ့ ညနေပိုင်းတွင် ကွတ်ခိုင်မြို့၌  ကချင်လွတ်လပ်ရေးတပ်မတော်(KIA)နှင့် တအာင်းတပ်မတော်(TNLA) အကြား၌လည်း ပြဿနာထပ်မံဖြစ်ပွားနေသည်ဟု သတင်းရင်းမြစ်က ပြောသည်။

" ဒီကနေ့ ညနေ ၄နာရီခွဲဝန်းကျင်ကနေ ကွတ်ခိုင် မြို့ပြင်မှာ သွားလာလှုပ်ရှားနေတဲ့ KIAတပ်ဖွဲ့ဝင်တွေကို TNLA ဘက်က မြို့ထဲကို အဝင်မခံဘူးလို့ပြောတယ်။ ကွတ်ခိုင်ကနေ တာမိုးညဲဘက်အထွက် ရွှေစံပယ်ချောင်းမှာ တားဆီးထားတယ်လို့ ပြောတယ်။ ပြီးတော့ ကွတ်ခိုင်မြို့ထဲမှာရှိတဲ့ KIOဆက်ဆံရေးရုံးနဲ့ KIA လက်အောက်ခံဒေသ ကာကွယ်ရေး တပ်ဖွဲ့ရုံးက လူတွေကို TNLA ဘက်က ရုတ်တရုတ်ရောက်ရှိလာပြီး လာမောင်းထုတ်နေတယ်လို့ သိရပါတယ်"ဟု သတင်းရင်းမြစ်က ပြောသည်။

TNLAနှင့် KIAတို့သည် မဟာမိတ်အချင်းချင်းဖြစ်သော်လည်း နယ်မြေဆိုင်ရာနှင့်ပတ်သက်ပြီး ကွတ်ခိုင်၊ မန်တုံမြို့နယ်များ၌ ပြဿနာများ အကြိမ်ကြိမ်ဖြစ်ခဲ့ရာ နှစ်ဖက်တပ်ဖွဲ့ဝင်များအကြား ပစ်ခတ်မှုမဖြစ်သော်လည်း ထိုးကြိတ် ရိုက်နှက်မှုများ ရှိခဲ့သည်။

ပြဿနာဖြစ်ပွားတိုင်း နှစ်ဖက်တာဝန်ရှိသူများအကြား ဆွေးနွေးမှုပြုလုပ်ခဲ့သော်လည်း ပြေလည်ခြင်းမရှိဘဲ ထပ်မံ၍ ပဋိပက္ခများ ဆက်လက်ဖြစ်ပွားနေသည်။

KIO ဘက်ကလည်း မဟာမိတ်အကြား သည်းခံရန်နှင့် လက်နက်နည်းသုံး ဖြေရှင်းခြင်းမပြုရန် စာထုတ်ထားပြီး TNLA စစ်ဦးစီးချုပ် တားဟိုပလန်ကလည်း မဟာမိတ်အချင်းချင်းအကြား ပြဿနာမဖြစ်ရေးဆောင်ရွက်ရန် မြေပြင်သို့ကွင်းဆင်းပြောကြားခဲ့ကြောင်း TNLA ဘက်က မကြာသေးမီက ထုတ်ပြန်ထားသည်။
Crd