သံတော်ဆင့်

ငါ့စကားနွားရပြောတဲ့ ဂွမ်မော်
====
တပ်ချုပ်ကြီး တရုတ်မသွားခင် ရက်ပိုင်းလောက်အလိုမှာ BBC နဲ့ ဂွမ်မော် တွေ့ဆုံမေးမြန်း ခန်း အစီအစဉ်ထွက်လာတယ်။ ဒါမျိုး အင်တာဗျူးက ဒီလိုအချိန်မှာ အကြောင်းမဲ့ထွက်လာ တာမျိုးတော့ မဟုတ်ဘူး။ တစ်ချို့အသံတွေကို ပြည်သူကြားစေလိုတာထက် နိုင်ငံရေး Stakeholder တွေ၊ တခြားသော အထူးသဖြင့် တရုတ်ဘက်ကို အသံလွှင့်ချင်လို့ ကြားစေချင်လို့ ထုတ်ပြန်ပုံရတယ်လို့ပဲ ယူဆတယ်။
--
အင်တာဗျူးက မိနစ် (၂၀)လောက်ပဲ ကြာတယ်ဆိုပေမယ့် တချို့ အရေးကြီးတဲ့ အချက်တွေတော့ ပါနေတာ တွေ့ရတယ်။ အထူးသဖြင့် KIA နဲ့ တရုတ်ကြားမှာ စစ်ရေးနဲ့ ပတ်သက်ပြီး တရုတ်ဘက်က ဘယ်လိုလိုလားတယ်၊ KIA ဘက်က ဘယ်လို အနေအထား ရှိတယ်ဆိုတာမျိုးလည်း တွေ့ရတယ်။ အစိုးရအတွက် စိတ်မကောင်းစရာတစ်ခုကတော့ လက်ရှိ ကမ္ဘာပေါ်မှာ မြေရှားသတ္တုထွက်တာ ရာခိုင်နှုန်းများတဲ့ ဒေသတစ်ခုက ပြည်ထောင်စုအစိုးရရဲ့ အုပ်ချုပ်မှုအောက်မှာ မရှိနေပဲ လက်နက်ကိုင်တစ်စုရဲ့ လက်နက်အောက်မှာ ရှိနေတာကို မဖြေရှင်းနိုင်တာကတော့ စိတ်မကောင်းစရာပဲ။ ဒီလိုပြောလို့ ပြည်နယ်အစိုးရတစ်ရပ်မှာ လုပ်ပိုင်ခွင့်မရှိရဘူးလို့ဆိုလိုတာမျိုးမဟုတ်ဘူး။ ရွေးကောက်ပွဲအရ ရှိမနေတဲ့လက်နက်ကိုင်တစ်စုရဲ့လက်အောက်မှာ ဒီဒေသရဲ့ အာဏာ(၃)ရပ်စလုံး ရောက်နေတဲ့အနေအထားကို  သတိပြုမိစေချင်တာ။ ဒီဝင်ငွေတွေက ပြည်ထောင်စု အထဲလည်း မဝင်လာဘူး။ ဒီပြည်နယ်မှာရှိတဲ့ ဒေသခံတွေအတွက်လည်း အကျုံးမဝင်ဘူး။  ဒါက KIA တစ်ခုတည်းပြောတာမျိုးတော့မဟုတ်ဘူး၊ “ဝ”လည်း ထိုနည်းလည်း ကောင်းပဲ။
----
လူပိန်းနည်းနဲ့ တွေးတွေး… တိုင်းရင်းသား မျိုးနွယ်စုကို နာမည်ခံပြီး လက်နက်ကိုင်နေတဲ့ EAO မှန်သမျှက ဘယ်အစိုးရတက်တက် အခါအခွင့်သင့်တာနဲ့ တိုက်ပွဲတွေဖော်ဆောင်နေ ဦးမှာပဲ။ ဘာလို့လဲဆိုတော့ ဒီလိုမျိုး ကာလာပြောင်းတတ်တဲ့ EAO တွေကိုယ်တိုင်က အဝယ်ခံ လက်နက်ကိုင်အင်အားစု တစ်ရပ်ဖြစ်နေကြတာပဲ။ ဒီအင်တာဗျူးရဲ့ နောက်ဆုံးပိုင်းမှာ NCA နည်းလည်းမဟုတ်သော ဆိုတဲ့အချက်ကို ကြည့်ရင်သိသာတယ်။ တကယ်ဆို NCA ရဲ့ မူလဇစ်မြစ်နေရာက KIA ထိန်းချုပ်နယ်မြေပဲ။ ဘာလို့ အဆုံးသတ်မှာ KIA က လက်မှတ်မထိုးခဲ့သလဲ။ တခါတလေ ကိုယ်တွေ ငြိမ်းချမ်းရေးဖော်ဆောင်နေတဲ့ ဘက်မှာလည်း NCA လမ်းက အစုအဖွဲ့က တစ်မျိုး၊ NCA မဟုတ်သော အစုအဖွဲ့က တစ်မျိုး ဆိုပြီး ဆွေးနွေးတာမျိုး တွေ့ရတယ်။ ဒီလိုလမ်းကြောင်းစပြီး ကွဲမှတော့ ဘယ်လိုလုပ်တစ်စု တစ်စည်းတည်းဖြစ်နိုင်တော့မှာလဲ ဆိုပြီးလည်း တွေးမိတာမျိုးရှိတယ်။
---
သေချာတာကတော့ မြန်မာ့နိုင်ငံရေးမှာ တရုတ် ကြားဝင်ပါလာလည်း နိုင်ငံရေး  လမ်းကြောင်းပေါ် တက်ဖို့ ဆိုတဲ့ ဖိအားမျိုးထက်မပိုပါဘူး။ မြောက်ပိုင်းလက်နက်ကိုင် တပ်ဖွဲ့တွေကို လက်စတုန်းချေမှုန်းဖို့ ဆိုတာမျိုးအထိ ရောက်လာမယ်လို့လည်း မမြင်ဘူး။ ဂွမ်မော်ပြောတဲ့အထဲမှာ သူတို့ထိန်းချုပ်တဲ့ နယ်မြေမှာလည်း ရွေးကောက်ပွဲ မလုပ်ရဘူး။ ပြည်မထဲမှာလုပ်နိုင်ရင်လည်း ဂုဏ်သိက္ခာရှိတဲ့ ရွေးကောက်ပွဲ ဖြစ်မှာ မဟုတ်ဘူး ဆိုတာက တော့ ..အတော်လေး ငါ့စကားနွားရ ပြောတယ်လို့ပဲ မှတ်ရမယ်။ နောက်ဆုံး စကားကုန်ပြောရရင် လက်နက်ကိုင်ရတဲ့ အကြောင်းအရင်းကိုတော့ စစ်အာဏာရှင်ပ ပျောက်ရေးလို့ခေါင်းစဉ်တပ်ထားကြပေမယ့် KIA ထိန်းချုပ်နယ်မြေထဲက မြေရှားသတ္တု တူးဖော်လို့ ကန့်ကွက်ဆန္ဒပြတဲ့ ဒေသခံတွေအပေါ် မှာ တောင် ဒီမိုကရေစီသဘောတရား မကျင့်သုံးနိုင်တဲ့ EAO တွေက “အာဏာရှင်ပပျောက် ရေး”လို့ ပြောတာကတော့ လွန်တယ် လို့ပဲ တွေးမိတယ်။
---
နောက်ဆုံး ပြောတဲ့စကားက ပိုပြီး ရယ်စရာကောင်းတယ်။ ခွင့်မလွှတ်နိုင်စရာ အမှားမျိုး မကျူးလွန်မိဖို့လိုတယ်ဆိုပဲ။ မအလတွေ စစ်ကိုင်းတိုင်းအထိ ဆင်းလာပြီး စီးပွားရေးအရ နယ်မြေချဲ့နေတာကျတော့ အကောင်း။ KIA ကြောင့် စစ်ကိုင်းအထက်ပိုင်း၊ ရှမ်းနီဒေသတွေ မှာ အကုန်စစ်မီးတောက်လောင်နေပြီ။ ဒီမအလ တွေက တကယ်ဗျင်းတဲ့သူနဲ့မှ တန်မှာ။

(နရီမိုး)

ပန်ဝါ ကို ကျူးကျော်လာသောKIAသောင်းကျန်းသူ အဖွဲ့မှာ
အာ့တီယောဟန်  အမတ်ပြုတ်ပါလို့
လီဆီးနီပိတ်တွေက ကြိုဆိုကြတာ။

ကန်ဖန်ကနေ လန်ဆယ်ကို
Kiaက ဆက်တက်ရင် လမ်းကြောင်း
တွေ မရှိဘူး။  လန်ဆယ်မှာက
ရဝမ်ပြည်သူ့စစ်တွေ ထိန်းချုပ်ထားသော
ဒေသ ဖြစ်ပါတယ်။

ရဝမ်ဒေသ လန်ဆယ်ကို kiaက
ဆက်ပြီးကျူးကျော်လာရင်  ရဝမ်တိုင်းရင်း
သားတွေက အပြင်းအထန်ခုခံကြလိမ့်မယ်။

ဂျိမ်းဖော နဲ့ ရဝမ် လူမျိုးရေးပြသနာ
ယခင်ကလည်း လန်ဆယ်မှာ ဖြစ်ခဲ့ပြီး
ရဝမ်တိုင်းရင်းသားတွေ အစုလိုက်အပြုံလိုက်
သတ်ဖြတ်ခံခဲ့ရတယ်။

ဒီလို သွေးချောင်းစီးမှုကို ကာကွယ်ဖို့ဆိုရင်
တပ်မတော်က KIA သောင်းကျန်းသူအဖွဲ့ကို
အချိန်မီ တားဆီးနိုင်ဖို့လိုအပ်ပါတယ်။

ကုန်းကြောင်းက တက်လာမည့် KIAကို
ဖြတ်တောက်တိုက်ခိုက် ဖို့ ရဝမ်တိုင်းရင်းသား
များအနေဖြင့် ပြင်ဆင်ထားဖို့လိုပါတယ်။

ကျူးကျော်လာသော ဂျိမ်းဖောkiaတွေကို
လန်ဆယ် မှာ ပြုတ်အောင်ချေမှုန်းဖို့ ဆိုရင်
တပ်မတော် ဘက်က ပစ်ကူနဲ့ လက်နက်/ခဲယမ်း
များ ရဝမ်ပြည်သူ့စစ်တွေကို ကူညီကြဖို့
လိုအပ်ပါတယ်။

လက်ရှိ ကန်ဖန်မှာ kia,တွေ ရှိနေတယ်။
လန်ဆယ်ကို လမ်းကြောင်းဖြတ်တောက်ထားလို့
ဆက်မတက်နိုင်သေးပါဘူး။

KIA အနေနဲ့ရဝမ် ဒေသကို ကျူးကျော်လာရင်
လူမျိုးရေးပြဿနာ စမှာဖြစ်ပြီး သွေးချောင်းစီး
ပါလိမ့်မယ်။

ဝရမ် တိုင်းရင်းသားတွေဟာ သူတို့နယ်မြေ
တွေကို ရွတ်ရွတ်ချွံချွံ ကာကွယ်လေ့ ရှိလို့ပါ
ပဲ။

KIA အင်အားစုတွေ မြောက်ဘက်ကိုစစ်ကျွံ
နေတယ်။

ယခုအချိန် လိုက်ဇာ က လစ်ဟာနေပါတယ်။

Kyaw Swar

ကိုးကန့်က CIA နဲ့ပေါင်းပြီးတရုတ်ကိုလုပ်ကြံနေပြီလား
**

ရှမ်းမြောက်မှာ မြောက်ပိုင်း ၃ ဖွဲ့နဲ့အတူ လက်တွဲပြီးတိုက်ပွဲဝင်ခဲ့ကြတဲ့ BPLA နဲ့ PLA လက်နက်ကိုင်အဖွဲ့တွေဟာ အညာဒေသမှာ စစ်ဆင်ရေးလုပ်ဖို့ ရှမ်းမြောက်ကနေ ထွက်ခွာသွားပြီဆိုတဲ့သတင်းတွေ မနေ့က တစ်နေကုန်ဆိုသလို မီဒီယာတွေ မှာ ဖော်ပြနေကြတာတွေ့ရတယ် ။စစ်ဖြစ်တယ်စစ်ပွဲဖန်တီးတယ် ဆိုတာက ပြည်သူလူထုရဲ့အသက်အိုးအိမ်စည်းစိမ်တွေ ဆုံးရှူံး ကြရလို့ကောင်းတဲ့ လက္ခဏာ မဟုတ်ပါဘူး ။ဒီလိုမင်္ဂလာမရှိတဲ့ သတင်းတွေကို မီဒီယာတွေကတခမ်းတနား ဖော်ပြနေကြတာတွေ့ရတော့တော်တော်လေးစိတ်မသက်မသာ ဖြစ်ရပါတယ် ။

ခက်တာက မြန်မာပြည် မှာ ရှိတဲ့ မီဒီယာ အများစု ဟာ အမေရိကန်နဲ့ အနောက်အုပ်စု ရဲ့ ငွေကြေးတွေ ယူပြီး ရပ်တည်နေကြတာ ဖြစ်လို့ဒီသတင်းကို အားရဝမ်းသာတဲ့ လေသံနဲ့ ဝိုင်းတင်နေကြတာမို့ လူထုရင်ထဲမှာ မျှော်လင့်ချက်အမှားတွေ လွှမ်းမိုးသွားရင် တော်တော့်ကိုလုပ်ရကိုင်ရ ခက်ကုန်ပါတော့မယ် ။တစ်ဖက်မှာလည်းစစ်ကြောင့် အညာပြည်သူလူထု ရဲ့ လူမှုဒုက္ခကို
တွေးပြီး စိတ်မကောင်းဖြစ်ရပြန်ပါတယ် ။

ဒါပေမယ့် ဒီလိုသတင်းတွေကို အမေရိကန်နဲ့ အနောက်အုပ်စုမီဒီယာတွေ အပြင် ပြည်တွင်း ပြည်ပ မီဒီယာတွေက အခုလို အလေးပေးပြီး တင်နေတာက မရိုးသားတာတော့ အမှန်ပဲ ။ နောက်ကွယ်က အကြောင်းတရားတွေလည်းရှိနေနိုင်ပါတယ်။

ဒါ့ကြောင့် BPLA နဲ့ PLA ကို ဘာကြောင့်အညာဒေသကို ပြန်လွှတ်လိုက်ရသလဲ ဆိုတဲ့အကြောင်းပြန်ဆန်းစစ်ချင်ပါတယ် ။ ဗမာလူမျိုးဗမာလူငယ်အများစုနဲ့ ဖွဲ့စည်းထားတဲ့ BPLA ,PLA တို့ ကို ရှမ်းမြောက်ကနေ အသာတကြည်အညာကို လွှတ်ခဲ့တာတော့မဟုတ်လောက်ဘူး ။ ကျွန်တော့် အယူအဆ ပြောရရင်တော့ MNDAA နဲ့ TNLA တို့ဟာ သူတို့ရဲ့ စစ်ရေးရည်မှန်းချက်
တွေ ရှမ်းမြောက်မှာ ပြည့်ပြီး ဖြစ်လို့ ဆက်မထားချင်တော့တာကြောင့် လိမ္မာပါးနပ်စွာ မောင်းထုတ်လိုက်တဲ့ သဘောပါပဲ ။ ဒါကို လူကြားကောင်းအောင် အညာကို ကယ်တင်မယ်သယောင်လိုင်းပေါ်ကနေ ဝါဒဖြန့်အမြတ်ထုတ်လာတဲ့ သဘောလို့ ယူဆမိတယ်။

တစ်ဖက်မှာလည်း ရှမ်းမြောက်အခြေအနေကို ပြန်ဆန်းစစ်ကြည့်တဲ့အခါ MNDAA TNLA KIA တို့ဟာတရုတ်ရဲ့ ဖိအားတွေကို အလွန်အကျူးခံနေရပါတယ် ။MNDAA ဟာ အနီးကပ် တရုတ်ဩဇာကို ဖီဆန်ပြီး အမေရိကန်နဲ့ အနောက်အုပ်စုဘက်ကို ယိမ်းလာပါတယ် ။အမေရိကန် တပည့် NUG PDF BPLA PLA တို့နဲ့ ပူးပေါင်းပြီး အမေရိကန်အထောက်ပပံ့ကို ရယူကာ ရှမ်းမြောက်မှာကျူးကျော်စစ်ဆင်နွှဲခဲ့လို့ တရုတ် က လုံးဝ မကျေနပ်တော့ပါဘူး ။

MNDAA ရဲ့ ထုတ်ပြန်ချက်ထဲမှာလည်း အမေရိကန်က သူတို့ကို လာချိပ်ဆက်တယ်လို့ဝန်ခံထားတာမို့ ကိုးကန့်ခေါင်းဆောင်တွေဟာအမေရိကန်နဲ့ ပေါင်းပြီး တရုတ်ကို အန္တရာယ်ပေးတော့မလားဆိုတာကလည်း စဥ်းစားစရာဖြစ်လာတယ် ။တစ်ဖက်မှာလည်း စဥ်းစားမိတဲ့ နောက်တစ်ချက်က ကိုးကန့်ခေါင်းဆောင်တွေဟာတရုတ်ကို လှည့်စားချင်တာနဲ့ သူတို့ဟာ ဟန်လူမျိုး
တွေ ဖြစ်တယ်လို့ ဘယ်လိုပဲ ပြောနေပါစေတကယ်တမ်းဆန်းစစ်ကြည့်တဲ့အခါ ကူမတန် ခေတ်က တရုတ်ဖြူ  ၊ ယခုထိုင်ဝမ်တွေနဲ့စီးပွားရေးအရ ပိုပြီးနီးစပ်မှု ရှိနေတာတွေ့ရတယ် ။

ဒီကနေ့ ကျားဖြန့်ဂိုဏ်းတွေဟာလည်း ထိုင်ဝမ်အခြေစိုက် တွေက ကြိုးကိုင်နေတယ်လို့လောက်ကိုင်က သူဌေး တစ် ဦးက ပြောပြဖူးတာကို ကြားဖူးပါတယ်။ဒါကြောင့် ကိုးကန့် နဲ့ ထိုင်ဝမ် ဟာ ခွဲမရဘူး ဆိုရင် တရုတ်ကိုကြည်း ရေ နှစ်ဖက်ညှပ်ပြီး နောက်ကျောကိုဓားနဲ့ ထိုးလေမလားဆိုတာကတော့ ကိုးကန့် MNDAA UWSA(ဝ) နဲ့ ထိုင်ဝမ် တို့ပဲ သိနိုင်ပါတယ် ။ဒါတွေကလည်း နောက်ကွယ်ကလက်မဲကြီး အမေရိကန်ရဲ့ မဟာဗျူဟာဖြစ်ပါလိမ့်မယ် ။

တရုတ်က ဒါတွေကို သိလာလို့ ကိုးကန့် နဲ့ ဝ ကို ဖိအားပေးလာတာမို့ အမေရိကန် ရဲ့ တပည့်တွေ ဖြစ်တဲ့ NUG PDF BPLA PLA ဆိုတဲ့ အဖွဲ့တွေကို အညာဘက် မောင်းထုတ်ပစ်လိုက်တဲ့သဘောပါပဲ ။ ဒါပေမယ့် ဒါတွေဟာ တရုတ်ကို လှည့်စားရုံသက်သက်သာ ဖြစ်ပါတယ် ။ ဒီလို လှည့်စားလိုက်ရုံနဲ့ တရုတ်က သူတို့အပေါ်အမြင်ကြည်လင်လိမ့်မယ်လို့ ယူဆထားပုံရပါတယ် ။

တစ်ဖက်မှာလည်း BPLA  PLA ကို မြန်မာပြည်အလယ်ပိုင်းမှာ စစ်မီးမွှေးထားခြင်းဖြင့် ရှမ်းမြောက်ဒေသ ကို လွတ်မြောက်နယ်မြေအဖြစ် လွတ်လွတ်လပ်လပ်ဖန်တီးကာ MNDAA UWSA ထိုင်ဝမ်  အမေရိကန် CIA တို့နဲ့ ပူးပေါင်းကာ တရုတ်ကို ဆက်လက်ထိန်းချုပ်ဖို့ကြိုးပမ်းလာတယ်လို့ ယူဆမိပြန်တယ်။

PLA ဟာ တစ်ချိန်က တရုတ်နဲ့ နီးစပ်ခဲ့ဖူးပေမယ့် တစ်ကျော့ပြန် ပြန်အားကောင်းလာတော့ အမေရိကန် က ကောက်မွေးလိုက်တဲ့သဘောတွေ့ရပြန်တယ်။

ဒါ့အပြင် လက်တွေ့အခြေအနေမှာလည်း MNDAA TNLA  AA တို့ လျှို့ဝှက်ထားနိုင် တာက MNDAA ၊ UWSA AA TNLA
NUG ထိုင်ဝမ် အမေရိကန် CIA တို့ရဲ့နောက်ကွယ်ကနေ သဘောတူညီထားတဲ့ ဆက်ဆံရေးတွေက ဘယ်လောက်အထိကျယ်ပြန့်နက်ရှိုင်းနေပြီးလဲ ဆိုတာကိုပါ။ တော်တော်လေးကြီးကြီးမားမား အမြစ်တွယ် ခိုင်မာနေပြီမို့ တွက်ဆလို့ မရနိုင်သေးပါဘူး ။

မြန်မာအစိုးရကတော့ ဒီအဖွဲ့တွေအမေရိကန် အစိုးရ ဆီကနေ ဒေါ်လာ သန်း၂၀၀ယူထားပါတယ်လို့ တရားဝင်ထုတ်ပြောထားပြီးပါပြီ ။

crd

ဒီမိုကရက်တို့၏အကျင့်အတိုင်းအ​မေရိကန်မှာမဲခိုး​နေကြပြီ
(မိုခါ​ရေးသည်)
ဒီမိုကရက်ဆိုသည်မှာဒီမိုက​ရေစီကိုအ​ရေးဗန်းပြပြီးအလွန်အာဏာမက်​မောသူများဖြစ်သည်။ပြည်ပကိုအလွန်အကျွံအားကိုးကြသည်။အာဏာကိုမရရ​အောင်၊ရရှိပြီး​သောအာဏာကိုလက်မလွှတ်ရ​အောင်နည်းလမ်းမျိုးစုံဖြင့်ကလိန်ကျ​လေ့ရှိသည်။ပါးစပ်ပိတ်​နေ​သောလူများစုကိုလွှမ်းမိုးချုပ်ကိုင်နိုင်ရန်အသံစွာ​သောလူနည်းစုဖြစ်သည့်မီဒီယာများဆယ်လီများကို​ရွေး​ကောက်ပွဲတွင်​ငွေပုံ​အော​ပေးပြီးစည်းရုံးခိုင်း​လေ့ရှိသည်။ထိုနည်းများဖြင့်လုပ်သည့်တိုင်​ရွေး​ကောက်ပွဲတွင်မနိုင်ပါကလူများကိုလမ်း​ပေါ်ထွက်ရန်​မြှောက်​ပေးပြီးနည်းမှန်လမ်းမှန်အာဏာရသည့်အဖွဲ့ကိုဒုက္ခ​ပေး​လေ့ရှိသည်။

ဤသည်မှာတစ်ကမ္ဘာလုံးရှိဒီမိုက​ရေစီလိုလားပါသည်ဆို​သောဒီမိုကရက်တို့၏တူညီ​သော​စောက်ကျင့်ဖြစ်သည်။​ယ​နေ့နိုဝင်ဘာလ၅ရက်တွင်အ​မေရိကန်တစ်နိုင်လုံးသမ္မတ​ရွေး​ကောက်ပွဲကျင်းပ​တော့မည်ဖြစ်သည်။ဒီမိုကရက်တို့မဲခိုးသည့်အသံများလည်းစတင်ထွက်​ပေါ်​နေသည်။
​လော​လောဆယ်တွင်​ဂျော်ဂျီယာ​ရွေး​ကောက်ပွဲပြီးဆုံးသွားပြီးအ​နောက်အုပ်စုလိုလား​သောသမ္မတ၏ပါတီများရှုံးနိမ့်သွားသည်။သမ္မတကိုယ်တိုင်ကလူများလမ်း​ပေါ်ထွက်ဆန္ဒပြရန်လှုံ့​ဆော်သည်။သို့​သော်လည်းအဆိုပါဆန္ဒပြမှုသည်နှစ်ရက်နှင့်ပြီးသွားသည့်အခါအ​နောကိအုပ်စုက​ငွေပုံ​ပေးပြီးလူများကိုလမ်း​ပေါ်ထွက်​စေပြန်သည်။အလားတူသူတို့လိုချင်​သောရုပ်​သေးအဖွဲ့မ​အောင်မြင်သည့်အတွက်အ​မေရိကန်နှင့်ဥ​ရောပသမဂ္ဂက​ဂျော်ဂျီယာကိုဒဏ်ခတ်မည်ဟု​ကြေညာသည်။ဆိုရလျင်ပြည်တွင်းပုဆိန်ရိုးတို့ကပြည်တွင်းတွင်အာဏာလည်းမရ၊ဆူပူ၍လည်းမ​ရသောအခါပ​ထွေးများ​​ခြေထောက်ဖက်ပြီးတိုင်းပြည်ကိုဒုက္ခ​ရောက်ရန်ကြံ​ဆောင်လာသည်။ထို့​ကြောင့်ဒီမိုကရက်ဟူသည်တိုင်းပြည်ကိုချစ်ဟန်ပြ၊ပြည်သူကိုချစ်​ယောင်​ဆောင်ပြီးသူတို့အာဏာရ​ရေးသာဦးတည်ကာသူတို့အာဏာမရက မကရလျင်ပတ်မကြီးထိုး​ဖောက်မည့်သူစားများသာဖြစ်သည်။

အ​မေရိကန်သမ္မတ​ရွေး​ကောက်ပွဲကကြိုတင်မဲများစတင်​ပေးလျက်ရှိသည်။ကင်တပ်ကီပြည်နယ် တွင်မဲ​​ပေးသည့်စက်များချို့ယွင်းသည်ဟုသတင်းများတက်လာသည်။စက်ချို့ယွင်းပုံကလည်းဆန်းသည်။ဒီမိုကရက်သမ္မတ​လောင်းကမ်မလာဟားရစ်ကိုမဲ​ပေးလျင်​ရသော်လည်းထရမ့်ကိုမဲ​ပေး၍မရ​သောချို့ယွင်းမှုဖြစ်သည်။လက်ရှိသမ္မတဘိုင်ဒင်သည်လည်း၂၀၂၀​ရွေး​ကောက်ပွဲ၌ညနက်ပိုင်းတွင်အစုလိုက်အပြုံလိုက်​ရောက်လာသည့်အီး​မေးလ်ဖြင့်ပေးသည့်မဲများဖြင့်သမ္မတဖြစ်လာခြင်းဖြစ်သည်။

ထိုထက်ဆိုးသည့်လုပ်ကွက်ကရှိ​သေးသည်။ထရမ့်တက်လာလျင်ကမ္ဘာကြီးရှိစစ်မီးများရပ်တန့်​စေရမည်။အ​မေရိကန်သည်နိုင်ငံပြင်ပတွင်စစ်မတိုက်၊​နေတိုးနိုင်ငံများသည်အ​မေရိကန်၏ကုန်ကျစရိတ်ကိုမျှခံရမည်ဆို​သော​ဒေါ်နယ်ထရမ့်တက်လာမည်ကိုအ​မေရိကန်ကိုညာစား​နေသည့်ဗြိတိန်အပါအဝင်ဥ​ရောပနိုင်ငံများကြောက်သည်။ ထို့​ကြောင့်ဗြိတိန်ကမဲဆွယ်ကျွမ်းကျင်သူအိတ်စ်ပတ်၆၀၀ကိုအ​မေရိကန်သို့လွှတ်ပြီးကမ်မလာဟားရစ်အတွက်မဲဆွယ်ခိုင်းသည်။ထရမ့်ကကန့်ကွက်သည့်အခါသူတို့တစ်ဦးချင်းပုဂ္ဂလိကဆန္ဒအရသွားခြင်းဟုဗြိတိန်အစိုးရက​​ဗြောင်လိမ်သည်။

ဒီမိုကရက်သမ္မတ​လောင်းကမ်မလာဟားရစ်သည်​တေလာဆွစ်ချ်၊ဘီယွန်း​ဆေးစသည့်အနုပညာရှင်ဆယ်လီများဖြင့်မဲဆွယ်သည်။အဆိုပါဆယ်လီများငွေမည်မျှရသွားမည်ကိုမည်သူမှမသိနိုင်။

ဗင်နီဇွဲလားသမ္မတ​ရွေး​ကောက်ပွဲတွင်အ​နောက်အုပ်စုကအာဏာရှင်ဟုစွပ်စွဲထားသည့်မာဒူရိုက၅၁%ဖြင့်ကပ်နိုင်သည်။အ​မေရိကန်အပါအဝင်အ​နောက်အုပ်စုက​ရွေး​​ကောက်ပွဲရလာဒ်ကိုအတည်မပြုဟု​ကြေညာသည်။အတိုက်အခံတို့ကို​ငွေပုံ​အော​ပေးပြီးတစ်နိုင်ငံလုံးဆန္ဒပြ​စေသည်။ဒီမိုက​ရေစီစနစ်အရမဲ​ပေး​ရွေးချယ်ခြင်းဖြစ်လျင်ပင်အ​နောက်အုပ်စု၏ရုပ်​သေးအဖြစ်သြဇာခံထားသူမနိုင်လျင်ထို​ရွေး​ကောက်ပွဲသည်သမာသမတ်မရှိဟု​ကြေညာသည်။​အ​နောက်အုပ်စုလိုလားသူက​ခြေသွက်လက်သွက်ဖြင့်မဲခိုးပြီးအနိုင်ရလျင်အ​နောက်အုပ်စုကချက်ခြင်းအသိအမှတ်ပြု​ပေးသည်။

သင်သည်ယခု​ဆောင်းပါးကိုဖတ်ပြီးဒီလိုအဖြစ်အပျက်မျိုးမြင်ဘူးကြားဘူးသည်ဟုထင်​နေပါကမြန်မာနိုင်ငံတွင်လည်းထိုနည်းတူပင်ဖြစ်​ပါကြောင်း။

crd