یادی پەروەرێنم📿🤍

▫️پایەکانی لا إلە إلا اللە؟

بەشی یەکەمی شایەتمان شایەتیدانە بە لا إلە إلا الله، بەڵام لا الە الا اللە چی لە خۆ دەگرێ؟ دوو پایە و ھەشت مەرج لە خۆ دەگرێ، جا ھەر کەس خۆی بە موسڵمان دەزانێ واجبە ئەو دوو پایە و ھەشت مەرجە لە خۆیدا جێ بە جێ بکات.

ئەگەر بێین جارێ باسی پایەکانی بکەین؛ تەفسیری لا إلە إلا الله بریتیە لەوەی ھیچ پەرستراوێك نییە بە حەق شایەنی پەرستن بێت جگە لە الله، لەمەوە بۆمان دەردەکەوێت کە ھەموو ئەو شتانەی لە غەیری الله دەپەرسترێن دەبێ ڕەدد بکرێنەوە و نەفی بکرێن و نابێت بە پەرستراو دابنرێن کە ئەمەش پایەی یەکەمە، وە پایەی دووەم ئەوەیە کە الله وەڪو تاکە پەرستراوی ڕاستەقینە و حەق جێگیر بکەین.

بەڵگە بۆ ئەم قسانەش بەم ئایەتە دێنینەوە ڪە الله تعالی دەفەرمووێت :

| ذَٰلِكَ بِأَنَّ ٱللَّهَ هُوَ ٱلْحَقُّ وَأَنَّ مَا يَدْعُونَ مِن دُونِهِۦ هُوَ ٱلْبَٰطِلُ وَأَنَّ ٱللَّهَ هُوَ ٱلْعَلِىُّ ٱلْكَبِيرُ | (سورة الحج : ٦٢)
واتە : وه‌ به‌م شێوازه‌ الله‌ په‌رستراوی ڕاستەقینەیە‌ وه‌ به‌ڵێنه‌کانی ڕاستەقینەیە، وه‌ ئه‌وانه‌ی که‌ جگه‌ له‌ الله‌ ده‌په‌رسترێن ئه‌و په‌رستراوانه‌ هه‌موویان پووچه‌ڵ و به‌تاڵ و بێ بنه‌مان وه‌ به‌ دڵنیایى الله‌ زۆر به‌رز و بڵنده‌ له‌ زاتی پیرۆزیدا وه‌ له‌ کرده‌وه‌ڪانیدا، وه‌ الله‌ زۆر گه‌وره‌یه‌.

کافران لە غەیری اللە چەندەھا شتیان کردووە بە پەرستراو و دەیپەرستن، جا تۆی موسڵمان پێویستە لەسەرت ھەموو ئەوەی کە جگە لە الله دەپەرسترێ بە پووچەڵ و ناڕەوای بزانیت، وە شوێنکەوتەکانیشیانت لا کافر بێت، لەگەڵ ئەمەشدا زاتی الله بە پەرستراوی ڕاستەقینە بزانی و شوێنکەوتەکانی ئیسلامت لەلا موسڵمان بێت.

ئینجا ڕەحمەتت لێبێت مەڵێ من حەقم بەسەر پەرستراوی باتڵ و شوێنکەوتوانیان چییە؟!، ئەم قسەیە ھەڵەیە؛ چونکە تۆ کە ئیسلامت قبوڵ کردووە دەبێت خۆت لە ھەموو غەیرە ئیسلامێك داڕنیت و لێیان بەری بیت، ھەر ئەمە ڕێبازی ھەموو پێغەمبەران بووە کە پێشەواکەیان پێغەمبەر ابراھیم علیە السلام بووە، جا الله تعالی فەرمانی بە پێغەمبەری ئێمە و ئوممەتەکەشی کردووە شوێنی بکەوین، بڕوانە ئایەتی ٤ لە سوڕەتی الممتحنة.

▫️ئەوانەی کافرەکان جگە لە اللە دەیپەرستن چین؟

لە قوڕئاندا چوار شت باسکراوە کە کافران جگە لە الله پەرستویانە، ئەوانیش :

▪️آلھة : كۆی وشەی - إلە - كە بریتیە لەو شتەی دەپەرسترێ لە پێناو سوود یان زیان گەیاندن، بەڵگەش بریتییە لە فەرمایشتی الله : «أَمْ لَهُمْ ءَالِهَةٌ تَمْنَعُهُم مِّن دُونِنَا لَا يَسْتَطِيعُونَ نَصْرَ أَنفُسِهِمْ وَلَا هُم مِّنَّا يُصْحَبُونَ» الأنبیاء (٤٣)

واتە : ئاخۆ ئەوانە - جگە لە الله - چەند خوایەكیان ھەیە دەتوانن لە سزای ئێمە بیانپارێزن؟ كەچی ئەو خوا ناحەقانە خۆیان ناتوانن یارمەتی خۆیان بدەن و لە لایەن - الله - ـوە ھیچ یارمەتیشیان بۆ نییە.

▪️أنداد : بریتییە لەوەی مەیل و خۆشەویستی زیاد لە حەددی پێ ئەدرێ بە وێنەی ئەو خۆشەویستیەی کە بە الله دەدرێ، بۆ نمونە دەبینی لای ھەندێ کەس جنێو بە الله بدرێ دەڵێ کەیفی خۆیەتی ھەر کەس بۆ قەبری خۆی، بەڵام وەرە جنێو بە ئاڵا و خاك و عەشرەتی بدە، والله لە دەستی بێت لەوانەیە بتکوژێ.

جا بۆیە الله دەفەرمووێت : «وَمِنَ ٱلنَّاسِ مَن يَتَّخِذُ مِن دُونِ ٱللَّهِ أَندَادًا يُحِبُّونَهُمْ كَحُبِّ ٱللَّهِ وَٱلَّذِينَ ءَامَنُوٓا۟ أَشَدُّ حُبًّا لِّلَّهِ . . » (البقرة : ١٦٥)

واتە : هەندێ لەم خەڵکە هەیە لەگەڵ ئەوەشدا تێنافکرێ الله بە تەنها بپەرستێ، هێشتا چەند هاوتا و چەند هاوبەشێكى بۆ دادەنێ خۆشیان دەوێن وەك خۆشەویستى الله، وە ئەوانەی ئیمانیان هێناوە الله ـیان خۆشتر دەوێت.

▪️أرباب : بریتییە لەوانەی شەرع بۆ خەڵك دادەنێن و یاسایان بۆ دادەڕێژن و یاساکان و دەدەنەوە پاڵ شەریعەتی اللە و بە ناوی دینەوە دەیڵێن، حەڵاڵی اللە حەرام دەکەن و حەرامی اللە حەڵاڵ دەکەن، جا الله لە قوڕئاندا باسی زاناكانی ناو گاور و جولەكە دەكا كە ئاوا دینیان بۆ خەڵك داڕشتووە و وتویانە ئەمە شەریعەتی الله ـیە، ھەر وەك دەفەرمووێت : «ٱتَّخَذُوٓاْ أَحْبَارَهُمْ وَرُهْبَٰنَهُمْ أَرْبَابًا مِّن دُونِ ٱللَّهِ . . » (التوبة : ٣١)

واتە : گاور و جولەکە حاخام و قه‌شەکانی خۆیان کردووەته‌ په‌روه‌ردگاری خۆیان له‌ جیاتی الله (ملکه‌چ و فه‌رمانبه‌رداریانن، ئه‌وانیش به‌ ئاره‌زووی خۆیان شتیان بۆ حه‌ڵاڵ یان حه‌رام ده‌که‌ن)

▪️الطاغوت : بریتییە لەو کەسەی کە سنووری بەندایەتی بەزاندووە بۆ خوایەتی، جا دەکرێ ببێتە یەکێك لەو سێیەی سەرەوە بە ڕەزامەندی یان داواکاری خۆی، الله دەفەرمووێت : «أَلَمْ تَرَ إِلَى ٱلَّذِينَ أُوتُوا۟ نَصِيبًا مِّنَ ٱلْكِتَٰبِ يُؤْمِنُونَ بِٱلْجِبْتِ وَٱلطَّٰغُوتِ وَيَقُولُونَ لِلَّذِينَ كَفَرُوا۟ هَٰٓؤُلَآءِ أَهْدَىٰ مِنَ ٱلَّذِينَ ءَامَنُوا۟ سَبِيلًا»

واتە : ئەرێ ئەوانەت نەدیوە کە بەشێ لە تەوراتیان پێ دراوە و بڕوایان بە بت و طاغوت ھەیە و بە کافرەکان دەڵێن ڕێبازی ئەمان باشترە لە ھی ئیمانداران.

جا ئینسانی موسڵمان دەبێت لە ھەر چواریان و شوێنکەوتەڪانیشیان خۆی بەری بکات و بە کافریان بزانێت، وە بە تەنیا الله بپەرستێ، ئەگەر وای کرد و تەنھا اللە ـی پەرست ئەوا پایەکانی لا الە الا الله ـی جێ بەجێکردووە ان شاء اللە.

بِسْمِ اللَّـهِ الرَّحْمَـٰنِ الرَّحِيمِ

إِنَّ ٱللَّهَ كَانَ عَلَيْكُمْ رَقِيبًا☺️🤍
🌱به‌ڕاستی خوا هه‌میشه‌ چاودێره‌ به‌سه‌رتانه‌وه‌.🌱

تکایە بیخوێنەوە من بۆتۆمە😕!

#ئامۆژگاریم_بۆخوشکه_ئازیزەکانم🥺

خۆشکان تکایە خۆتان مەدۆڕێنن بۆ کوڕانێک کە تەنها و تەنها بۆتێرکردنی حەزو ئارەزووەکانی خۆیان قسەتان لەگەڵ دەکەن و بەبیانووی هاوسەرگیری داوای وێنەو ناونیشان و هەرچی بیانەوێت داوادەکەن ولەڕێگا جیاجیاکان بۆتان دێن چۆن بتگرن ئاوابۆتان دێن ..دوایش کەئەوەی ویستیان لەئێوە کەبەدەستیان هێنا ڕێک جێتان دەهێڵن ئاوڕیشتان لێ نادەنەوە..‼
#لە_خوا_بترسنن
چونکە
🌹يَٰٓأَيُّهَا ٱلنَّاسُ ٱتَّقُوا۟ رَبَّكُمُ ٱلَّذِى خَلَقَكُم مِّن نَّفْسٍ وَٰحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَآءً ۚ وَٱتَّقُوا۟ ٱللَّهَ ٱلَّذِى تَسَآءَلُونَ بِهِۦ وَٱلْأَرْحَامَ ۚ إِنَّ ٱللَّهَ كَانَ عَلَيْكُمْ رَقِيبًا 🌹[1]
ئه‌ی خه‌ڵکینه‌ خۆتان بپارێزن له‌(سزای) په‌روه‌ردگارتان ئه‌وه‌ی که‌ دروستی کردوون له‌یه‌ک که‌سه‌وه‌(که‌ ئاده‌مه‌) وه‌ هه‌ر له‌ ئه‌ویش هاوسه‌ره‌که‌ی درووست کردووه‌ و بڵاوی کردۆته‌وه‌ له‌و دووانه‌ پیاوانی زۆر هه‌روه‌ها ئافره‌تان خۆتان بپارێزن له‌و خوایه‌ی که‌ به‌ناوی ئه‌وه‌وه‌ داوا ده‌که‌ن له‌ یه‌کتر وه‌(خۆتان بپارێزن له‌ بچڕاندنی) خزمایه‌تی به‌ڕاستی خوا هه‌میشه‌ چاودێره‌ به‌سه‌رتانه‌وه‌.

من پێتان دەڵێم تخوا چۆن دڵتان دێت خیانەت لەدایک وباوکێک بکەن کەچەندان ساڵ ڕەنج و ماندووبوون و هیلاکیان لەگەڵ کێشاون ئێوەیان ناردۆتەبەرخوێندن وهەمیشە دەستەکانیان بۆئاسمان بەرزکردۆتەوە نزای سەرکەووتنیان بۆ ئێوە کردووە هەمیشە حەزیان کردووە ئێوە لە وان باشتربن
ئاخر تۆ چۆن دڵت دێت خیانەت لەم دایک وباوکە ئازیزەت بکەیت ⁉

خوشکە گوڵەکەم کارێک مەکە دایک وباوکت لەکۆتایی تەمەنیان سەریان شۆڕبێت بەهۆی تۆوە ..‼
تکایە یەکەم ترسی خوا دووهەم وەفات بۆدایک و باوکت هەبێت تخوا خیانەتیان لێ مەکەن تخوا متمانەیان لەدەست مەدەن ..
بەخوا خواچی بۆت نوسیی بێت هەرئەوە نەکەیت خۆت بخەیتە چاڵەوە دواتر توانی دەرچوونت نەبێت پەنجەی پەشیمانی بگەزیت‼
چونکە مەڵێن بۆ ڕاستی یەتی
ئاخر کام ڕاستی ⁉
کەست بینوە بەئاشکرا لە پەنجەرەی ماڵەکەت بێتە ژوورێ جگە لە دز⁉
خۆشکە ئازیزەکەم بەخوا مەڵێ فڵانە کوڕە دیندارەو بەڕاستی یەتی‼
کوڕی بەڕەوشت و دیندار کچێکی بەدڵ بێت مەردانەو سەربەرزانە لەدەرگای ماڵ بەئاشکرا دێتە ماڵتان و دەستی تۆ لەباوکت داوا دەکات و دەستی باوکیشت ماچ دەکات ..گەر وانەبێت خۆت مەخەڵەتێنە و خیانەت لەدایک وباوکت مەکە
کوڕی ئاقڵ و ژیریش ئەو کچانەیان دەوێت کەچاتت وپەیوەندی حەرامیان نیە چونکە ئەگەر چاتکردن و پەیوەندی حەرام هەبوو لەنێوانتان دەڵێت بۆمن وایە دەبێ بۆچەندانی تر وابێت ولەگەڵیان بێت‼
من لەبەرخوا #ئامۆژگاریتانم کرد ئێوەش بەدەست خۆتانە ئایا بە دڵ گوێی بۆ دەگرن یان نا🙂

بیرت بێت خوای گەورە هەرچی بیلێت تۆمار دەکات

مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ [18]
هه‌ر وته‌یه‌ك له‌ ده‌می ده‌رچێ
چاودێرێکی به‌سه‌ره‌وه‌یه‌ و ده‌ینوسێ
☺️🤍

▫️ئایا دینی پێغەمبەران علیهم السلام چ دینێك بووە؟

ھەموو پێغەمبەران بە پێغەمبەر محمد ـیشەوە علیھم الصلاة و السلام؛ یەك دینیان ھەبووە، ڕاستە شەریعەتی دینەڪانیان جیاوازی تێدا ھەبووە بەڵام اللّٰە ھەموویانی لە پێناو تاڪە مەبەستێك ناردووە ڪە ئەویش بریتییە لە (تەوحید) واتە (یەڪخواپەرستی), واتە بۆ ئەوە نێردراون ڪە بە خەڵكی ڕابگەیەنن ئێوە تەنیا یەك خواتان ھەیە ڪە بە حەق شایستەی پەرستن بێ دەی ڪەواتە ھەر ئەو بپەرستن و واز لە پەرستنی خوا باتڵەکانتان بھێنن، ھەر وەڪو اللّٰە دەفەرمووێت :

«وَمَآ أَرْسَلْنَا مِن قَبْلِكَ مِن رَّسُولٍ إِلاَّ نوحي إِلَيْهِ أَنَّهُ لا إله إِلاَّ أَنَاْ فاعبدون» (الأنبیاء : ٢٥)

واتە : ئەی محمد ﷺ ھەر پێغەمبەرێڪمان لە پێش تۆوە ناردبێت، وەحیمان بۆ ڪردووە ڪە ھیچ خوایەك نییە بە حەق جگە لە خۆم - واتە اللّٰە - دە ڪەواتە ھەر من بپەرستن.

بەڵگە زۆر ھەیە بەڵام ئەم ئایەتە بەسە، ڪەواتە بزانە ڪە دینی ھەموو پێغەمبەران ھەمان شت بووە لە ئەساسدا، دەی باشە ئەگەر تەوحید ئەو ھەموو پێغەمبەرەی لە پێناودا ڕەوانە ڪرابێ ئایا شتێڪی گرنگ نییە؟ دەڪرێ ئیھمال بیت بەرامبەری و فێری نەبیت؟

تۆ ئەگەر نەزان بیت بە تەوحید مانای وایە نازانیت دینی پێغەمبەران چی بووە، جا ئەگەر لە شتێك نەزانیت چۆن ئەتوانی بڵێی من ئەھلی ئەو شتەم؟ دەی تێبگە ڕەحمەتت لێبێ چونڪە ئەمە پەیوەندی بە عاقیبەتی تۆوە ھەیە لە قیامەت، ئەگەر تەوحیدت نەبێ تیادەچی بۆیە ڕەحمەتت لێبێ تەوحید فێربە🥺🤍