* * *

О, мавҳум кундузги соялар чопар,
Юксакда қўнғироқ уни жарангдор.
Черков зинапоялари нур сочар,
Тошлари тирикдир, қадамингга зор.

Совуқ тошни босиб ўтасан бунда,
Мудҳиш қадимдаги каби кийиниб.
Қатъий қиёфада ғуборли кунда,
Балки баҳор гулин ирғитиб, тиниб.

Ўсмоқдаку мавҳум пушти соялар,
Юксакда қўнғироқ чорлови ҳоким.
Қадим зиналарда чанг ўнгиб ётар,
Қадамингни кутиб ёришар қалбим.

Ўроз Ҳайдар таржимаси

@A_A_Blok