غزل/ عبدالقدوس منقاد :

خود به د يـار په اشــــــارې باندې لا نه پوهيږي
چې د اشنـــا پخـې وعـــدې باندې لا نه پوهيږي

دا غلامــان شرميـږي هم نه چې پـرې فخـر کوي
کـه د مــــــلالــې پـه ټپـــې باندې لا نه پوهيږي؟

هغه عاشق نه دی چې عشق کې دردېدلی نه وي
چـې لا تـر اوســه شبګيــرې باندې لا نه پوهيږي

مونږ ته قلـم قلـم کـــوي خپــله ايـټـــم جـوړوي
ته به وا دوی په توپانچـــې باندې لا نه پوهيږي

دی بـه نـو څنګه د اولــس پـه درد خـفـه وګڼـم؟
څوک چې تر اوسـه جنــازې باندې لا نه پوهیږي

مـلا ښۀ سم په اسلامي سياست پوهيږي خو که
ستا غلامي سياست وي دې باندې لا نه پوهيږي

منقاده دوی ته سر بايلل په يار ښکاريږي تاوان
څومره ساده دي دې فايدې باندې لا نه پوهيږي

پای.
۱۴۳۹هـ ق
۱۳۹۶هـ ش
۲۰۱۸م